'എല്ലാം അവളുടെ ഇഷ്ടങ്ങളാണ്, സാമന്തയോട് സംസാരിച്ചതും നയൻതാരയാണ്'; വിഘ്നേഷ് ശിവൻ പറയുന്നു!

പിന്നീട് റാമ്പോയും കൺമണിയും ഖദീജയും ഒരുമിച്ചുള്ള ജീവിതവും അതിനിടയിൽ ഉണ്ടാകുന്ന പ്രശ്നങ്ങളുമാണ് സിനിമയുടെ ഇതിവൃത്തം. പേര് തന്നെ വ്യത്യസ്തയുള്ളതായതിനാൽ‌ പ്രഖ്യാപനം മുതൽ സിനിമ പ്രേക്ഷകരാൽ ശ്രദ്ധിക്കപ്പെട്ടിരുന്നു.

കൂടാതെ സാമന്തയും നയൻതാരയും ആദ്യമായി ഒരു സിനിമയിൽ അഭിനയിക്കുന്നുവെന്നതും സിനിമ കൂടുതൽ പേരെ ആകർഷിക്കാൻ കാരണമായി.

താൻ ഹൃദയത്തോട് ചേർത്ത് വെച്ചിരുന്ന തിരക്കഥ സിനിമയായതിന്റെ സന്തോഷത്തിലാണ് വിഘ്നേഷ് ശിവൻ. വീണ്ടും വിക്കിയുടെ നായകനായ ത്രില്ലാണ് വിജയ് സേതുപതിക്ക്.

ബിഹൈൻവുഡ്സിന് നൽകിയ അഭിമുഖത്തിൽ ഏറ്റവും സ്പെഷ്യലായ സിനിമയെ കുറിച്ചും ഭാവി വധു നയൻതാരയെ കുറിച്ചും വിക്കി പറഞ്ഞ വാക്കുകളാണ് വൈറലാകുന്നത്.

'2015 മുതൽ സിനിമയാക്കണമെന്ന് കരുതിയിരുന്ന തിരക്കഥയായിരുന്നു കാത്ത് വാക്ക്ലെ രണ്ട് കാതൽ. ആദ്യം നയൻതാരയും തൃഷയുമായിരുന്നു മനസിൽ. പിന്നീട് എന്തുകൊണ്ടോ തൃഷയ്ക്ക് ഇതിന്റെ ഭാ​ഗമാകാൻ സാധിച്ചില്ല. സിനിമയാക്കുന്നതിൽ വേറെയും പ്രശ്നങ്ങൾ നിരവധിയായിരുന്നു.'

'വെറുതെ ആരെയെങ്കിലും കാസ്റ്റ് ചെയ്ത് ഈ സിനിമ ചെയ്യില്ലെന്ന് നേരത്തെ തന്നെ തീരുമാനിച്ചിരുന്നു. ഞാനും വിജയ് സാറും പലതവണ ഈ സിനിമയെ കുറിച്ച് സംസാരിച്ചിട്ടുള്ളതുമാണ്.'

'അങ്ങനെയിരിക്കെയാണ് സാമന്തയെ കാസ്റ്റ് ചെയ്യാമെന്ന ചിന്ത വന്നത്. അവർ ആ കഥാപാത്രത്തിന് യോജിച്ചതാണെന്ന് തോന്നി. ഈ ആശയം നയൻതാരയോട് പറഞ്ഞപ്പോൾ നയൻസ് തന്നെ സാമന്തയെ സമീപിച്ചു.'

'സാം ഓക്കെ പറഞ്ഞ ശേഷമാണ് ഞാൻ പോയി സ്ക്രിപ്റ്റ് വായിച്ചത്. തൃപ്തിയോടെ ചെയ്ത സിനിമകളിലൊന്നാണ് കാത്ത് വാക്ക്ലെ രണ്ട് കാതൽ' വിഘ്നേഷ് ശിവൻ പറഞ്ഞു.

'നയൻസിന്റെ കരിയർ ചേഞ്ച് സംഭവിച്ചത് വിക്കിയുമായുള്ള പ്രണയം ആരംഭിച്ചതിന് ശേഷമാണ് എന്ന ആരാധകരുടെ അഭിപ്രായത്തോട് യോജിക്കുന്നുണ്ടോ എന്ന് അവതാരക ചോദിച്ചപ്പോൾ രസകരമായ മറുപടിയാണ് വിഘ്നേഷ് ശിവൻ നൽകിയത്. ഞാനാണ് നയൻസിന്റെ കരിയറിലെ വളർച്ചയ്ക്ക് കാരണമെന്നത് തെറ്റായ ചിന്തയാണ്.'

'അവരുടെ അർപ്പണ ബോധവും കഠിനാധ്വാനവുമാണ് കാരണം. അവൾ സനിമകൾ തെരഞ്ഞെടുക്കുന്നതിൽ ഞാൻ കൈ കടത്താറില്ല. അതെല്ലാം അവളുടെ താൽപര്യങ്ങളും ഇഷ്ടങ്ങളുമാണ്. എനിക്കെന്നല്ല.... ആർക്കും നയൻസിനെ വേ​ഗത്തിൽ സ്വാധീനിക്കാൻ കഴിയില്ല. തനിക്ക് എന്ത് വേണം... വേ‌ണ്ട... എന്നതിൽ വ്യക്തമായ ധാരണയുള്ള വ്യക്തിയാണ്.'

Recommended Video

'വിശ്വസിച്ചവരെല്ലാം ചതിച്ചു', ചേർത്ത് നിർത്തി വിക്കി. വിവാഹം ജൂണിൽ

'ആര് നിർബന്ധിച്ചാലും ഇഷ്ടമില്ലാത്ത കാര്യങ്ങൾ ചെയ്യുകയില്ല. ഒരു സ്പൂൺ ഐസ്ക്രീം കൊടുത്തശേഷം വെറുതെ കഴിച്ച് രുചി നോക്കൂവെന്ന് പറഞ്ഞാൽ പോലും താൽപര്യമില്ലാത്തതിനെ നയൻസ് സ്വീകരിക്കില്ല. പിന്നെ സിനിമ സംബന്ധിച്ച വിഷയങ്ങൾ അധികം ചർച്ച ചെയ്യാറുമില്ല' വിഘ്നേഷ് ശിവൻ പറഞ്ഞു.

സെവൻ സ്ക്രീൻ സ്റ്റുഡിയോസിന്റെ ബാനറിൽ ലളിത് കുമാറും റൗഡി പിക്ചേഴ്സിന്റെ ബാനറിൽ നയൻതാരയും വിഘ്നേശ് ശിവനും ചേർന്നാണ് നിർമാണം നിർവഹിച്ചിരിക്കുന്നത്. കലാ മാസ്റ്റർ, റെഡിൻ കിംഗ്സ്ലി, ലൊല്ലു സഭാ മാരൻ, ഭാർഗവ്, ശ്രീശാന്ത് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പച്ചിരിക്കുന്നത്.