സൗഭാഗ്യയുടേയും താര കല്യാണിന്‍റെയും ജീവിതത്തിലെ വലിയ വേദന! രാജാറാമിനെക്കുറിച്ച് അമ്മയും മകളും!

അപ്രതീക്ഷിത വിയോഗം

ജീവിതത്തിലെ വലിയ വേദനയായി അമ്മയും മകളും എന്നും പറയുന്നത് ഈ വിയോഗത്തെക്കുറിച്ചായിരുന്നു. മകളുടെ വിവാഹദിനത്തില്‍ പാണിഗ്രഹണ ചടങ്ങ് ആര് നടത്തുമെന്ന ആശയക്കുഴപ്പമുണ്ടായിരുന്നുവെന്നും മകള്‍ പറഞ്ഞതോടെ താന്‍ തന്നെ അത് ചെയ്യുകയായിരുന്നുവെന്നുമായിരുന്നു താര കല്യാണ്‍ പറഞ്ഞത്. മരുമകനായല്ല മകനായാണ് താന്‍ അര്‍ജുനെ കാണുന്നതെന്നും താര പറഞ്ഞിരുന്നു. മക്കള്‍ പറഞ്ഞതോടെ ആ ചടങ്ങ് ചെയ്യുകയായിരുന്നുവെന്നും താര വ്യക്തമാക്കിയിരുന്നു.

താര കല്യാണിന്‍റെ പോസ്റ്റ്

രാജാറാമിന്റെ പിറന്നാളാണ് മെയ് 8ന്. പ്രിയതമന് പിറന്നാളാശംസ നേര്‍ന്നെത്തിയിരിക്കുകയാണ് താര കല്യാണ്‍. ഹാപ്പി ബര്‍ത്ത് ഡേ രാജന്‍ ചേട്ടായെന്നായിരുന്നു താര കുറിച്ചത്. നിരവധി പേരാണ് പോസ്റ്റിന് കീഴില്‍ കമന്റുകളുമായെത്തിയത്. അങ്കിള്‍ ആന്റിയെ കാണുന്നുണ്ടെന്നായിരുന്നു ഒരാളുടെ കമന്റ്. രാജാറാമിന്റെ ചിത്രത്തിന് മുന്നില്‍ നില്‍ക്കുന്ന ഫോട്ടോയും താര കല്യാണ്‍ പോസ്റ്റ് ചെയ്തിരുന്നു.

സൗഭാഗ്യയുടെ പോസ്റ്റ്

കുഞ്ഞുരാജകുമാരിക്ക് വേണ്ടി ജനിച്ച രാജകുമാരന്റെ പിറന്നാളാണ് മെയ് 8ന്. എന്നും സുന്ദരനും ആരോഗ്യവാനുമായി നില്‍ക്കട്ടെയെന്നായിരുന്നു അവസാനത്തെ പിറന്നാളിന് ഞാന്‍ നല്‍കിയ ആശംസ. അതുപോലെ തന്നെയായിരുന്നു അദ്ദേഹമെന്നുമായിരുന്നു സൗഭാഗ്യ കുറിച്ചത്. സ്വര്‍ഗത്തില്‍ നിന്നും ഡാഡി മകളെ കാണുന്നുണ്ടെന്നും അനുഗ്രഹങ്ങള്‍ ചൊരിയുന്നുണ്ടെന്നുമായിരുന്നു ആരാധകരുടെ കമന്‍റുകള്‍.

ഡാഡിയെക്കുറിച്ച്

അടുത്തിടെയും ഡാഡിയെക്കുറിച്ച് വാചാലയായിരുന്നു സൗഭാഗ്യ. തന്നെ അടുക്കളയില്‍ കയറാനോ പാചകം ചെയ്യാനോ ഡാഡി സമ്മതിച്ചിരുന്നില്ലെന്ന് മകള്‍ പറഞ്ഞിരുന്നു. ഭാര്യയുടെ കുക്കിംഗിനെക്കുറിച്ച് അര്‍ജുനോട് ചോദിച്ചപ്പോള്‍ കുക്കിംഗ് എനിക്കിഷ്ടമാണെന്നും നോണ്‍വെജ് കഴിക്കുന്നയാളാണ് താനെന്നും അതില്‍ സൗഭാഗ്യയ്ക്ക് പ്രശ്‌നമില്ലെന്നുമായിരുന്നു മറുപടി. താരയും ഈ അഭിമുഖത്തില്‍ പങ്കെടുത്തിരുന്നു. മകളുടെ വിവാഹവുമായി ബന്ധപ്പെട്ട് താരയ്ക്കെതിരെ കടുത്ത വിമര്‍ശനങ്ങള്‍ ഉയര്‍ന്നുവന്നിരുന്നു. ചുട്ടമറുപടിയായിരുന്നു താരങ്ങള്‍ നല്‍കിയത്.