മുന്തിരിവള്ളികള്‍ക്ക് മുമ്പുള്ള കാലം, ഏറ്റവും കൂടുതല്‍ ഇനീഷ്യല്‍ കളക്ഷന്‍ നേടിയ അഞ്ച് ചിത്രങ്ങള്‍!

പുലിമുരുകന്‍

2016ന്റെ അവസാനം തിയേറ്ററുകളില്‍ എത്തിയ മോഹന്‍ലാല്‍ ചിത്രമായിരുന്നു പുലിമുരുകന്‍. മലയാളം സിനിമാ ഇന്‍ഡസ്ട്രിയുടെ ചരിത്ര വിജയം കൂടിയായിരുന്നു ചിത്രം. ബോക്‌സോഫീസില്‍ ഇതുവരെ 150 കോടിയുടെ അടുത്ത് നേടിയെന്നാണ് വിലയിരുത്തല്‍. 4.9 കോടിയാണ് ചിത്രം ആദ്യ ദിവസം ബോക്‌സോഫീസില്‍ നേടിയത്.

ലോഹം

2015ല്‍ പ്രേക്ഷകര്‍ പ്രതീക്ഷയോടെ കാത്തിരുന്ന ചിത്രമാണ് ലോഹം. 2.19 കോടിയാണ് ചിത്രം റിലീസ് ചെയ്ത ആദ്യ ദിവസം ബോക്‌സോഫീസില്‍ നേടിയത്. രഞ്ജിത്താണ് ചിത്രം സംവിധാനം ചെയ്തത്.

കാസനോവ

2012ല്‍ ആരാധകര്‍ കാത്തിരുന്ന മോഹന്‍ലാല്‍ ചിത്രം. കേരള ബോക്‌സോഫീസില്‍ ഏറ്റവും കൂടുതല്‍ കളക്ഷനുണ്ടാക്കിയ ചിത്രമായിരുന്നു കാസനോവ. 2.6 കോടി ചിത്രം ആദ്യ ദിനം ബോക്‌സോഫീസില്‍ നേടി.

പെരുച്ചാഴി

അരുണ്‍ വൈദ്യനാഥന്റെ സംവിധാനത്തില്‍ 2014ല്‍ പുറത്തിറങ്ങിയ ചിത്രം. ഓണം സീസണിലാണ് ചിത്രം തിയേറ്ററുകളില്‍ എത്തിയത്. 1.90 കോടിയാണ് ചിത്രത്തിന്റെ ആദ്യ ദിവസത്തെ കളക്ഷന്‍.

ഒപ്പം

2016ല്‍ മോഹന്‍ലാലിന്റേതായി പുറത്തിറങ്ങിയ ആദ്യ ചിത്രമാണ് ഒപ്പം. പ്രിയദര്‍ശന്‍ സംവിധാനം ചെയ്ത ചിത്രം 1.50 കോടി ബോക്‌സോഫീസില്‍ നേടി. 50 കോടിയാണ് ഇതുവരെയുള്ള ചിത്രത്തിന്റെ മൊത്തം കളക്ഷന്‍.