ഈ വര്‍ഷം അഭിനയം കൊണ്ട് മലയാളികളെ ഞെട്ടിച്ച ആ താരങ്ങള്‍ ഇവരായിരുന്നു!

ബിജു മേനോന്‍

ഈ വര്‍ഷം അധികം സിനിമകളിലൊന്നും അഭിനയിച്ചിട്ടില്ലെങ്കിലും ഒറ്റ സിനിമയിലുടെ തന്നെ ബിജു മേനോന്‍ തന്റെ ആരാധകരെ കൈയിലെടുത്തിരുന്നു. രക്ഷാധികാരി ബൈജു ഒപ്പ് എന്ന ചിത്രമാണ് ബിജു മേനോന്‍ നായകനായി ഈ വര്‍ഷം പുറത്തിറങ്ങിയ സിനിമ.

മഞ്ജു വാര്യര്‍

നീണ്ട ഇടവേളയ്ക്ക് ശേഷം സിനിമയിലേക്ക് മടങ്ങി വന്ന മഞ്ജു വാര്യര്‍ ഈ വര്‍ഷം നിരവധി സിനിമകളിലാണ് അഭിനയിച്ചു കൊണ്ടിരിക്കുന്നത്. അതിനിടെ ഈ വര്‍ഷം മഞ്ജു നായികയായി അഭിനയിച്ച ചിത്രമാണ് c/o സൈറ ബാനു. മുസ്ലിം കഥാപാത്രത്തെ അവതരിപ്പിച്ച മഞ്ജു മികച്ച പ്രതികരണം നേടിയിരുന്നു.

പാര്‍വതി മേനോന്‍

പാര്‍വതി മേനോന്‍ എന്ന നടി എന്ന് നിന്റെ മൊയ്തീന്‍, ചാര്‍ലി എന്നിങ്ങനെ ചിത്രങ്ങളിലുടെ പ്രേക്ഷകരുടെ പ്രിയങ്കരിയായി മാറിയിരുന്നു. ഈ വര്‍ഷം ടേക്ക് ഓഫ് എന്ന സിനിമയിലുടെ ഞെട്ടിക്കുന്ന പ്രകടനമായിരുന്നു പാര്‍വതി കാഴ്ച വെച്ചിരുന്നത്. ഇറാഖില്‍ കുടുങ്ങിയ പോയ മലയാളി നഴ്‌സമാരുടെ കഥ പറഞ്ഞ ചിത്രത്തില്‍ സമീറ എന്ന കഥാപാത്രത്തെയായിരുന്നു പാര്‍വതി അവതരിപ്പിച്ചിരുന്നത്.

ഫഹദ് ഫാസില്‍

കഴിഞ്ഞ വര്‍ഷങ്ങളില്‍ ഫഹദ് ഫാസില്‍ തന്‍െ അഭിനയ കഴിവ് പൂര്‍ണമായും പുറത്ത് കൊണ്ടു വന്നിരുന്നു. ഈ വര്‍ഷം പുറത്തിറങ്ങിയ ടേക്ക് ഓപ്, തൊണ്ടിമുതലും ദൃക്‌സാക്ഷിയും എന്നീ ചിത്രങ്ങളിലുടെ വീണ്ടും ഫഹദ് ഞെട്ടിച്ചിരുന്നു. ഇപ്പോള്‍ പുറത്തിറങ്ങിയ ദിലീഷ് പോത്തന്റെ തൊണ്ടിമുതലും ദൃക്‌സാക്ഷിയിലുടെയും ഫഹദ് ഒന്നു കൂടി ഞെട്ടിച്ചിരിക്കുകയാണ്.

അങ്കമാലി ഡയറീസ്

ഒറ്റ സിനിമ കൊണ്ട് ഹിറ്റായ താരങ്ങളായിരുന്നു അങ്കമാലി ഡയറീസ് എന്ന ചിത്രത്തിലുള്ളത്. ചിത്രത്തില്‍ പുതുമുഖങ്ങളായിരുന്നു അഭിനയിച്ചിരുന്നതെങ്കിലും എല്ലാവരും അവരുടെ പ്രകടനം കൊണ്ട് ഞെട്ടിച്ചിരുന്നു. ശേഷം ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ച എല്ലാവരും തന്നെ പുതിയ സിനിമകളില്‍ അഭിനയിക്കാനുള്ള തിരക്കുകളിലാണ്.