പൃഥ്വിയെ നിയന്ത്രിക്കാന്‍ കഴിയുന്ന ഒരേ ഒരു ആള്‍, രാജുവിനെ കുറിച്ച് പലര്‍ക്കും അതറിയില്ല: മല്ലിക സുകുമാരന്‍

പൃഥ്വിരാജിനെ നിയന്ത്രിക്കാന്‍ കഴിയുന്ന ഒരേ ഒരാളെ കുറിച്ചും മല്ലിക സുകുമാരന്‍ തുറന്നുപറഞ്ഞു. തനിയ്ക്കുളള എറ്റവും വലിയ സന്തോഷം രണ്ട് നല്ല മരുമക്കളെ കിട്ടി എന്നതാണ് എന്ന് മല്ലിക സുകുമാരന്‍ പറയുന്നു. ഇന്ദ്രന്‌റെ സ്വഭാവത്തിന് നന്നായി ചേരുന്ന ആളാണ് പൂര്‍ണിമ. രാജുവിന് കുറച്ച് എടുത്തുച്ചാട്ടവും മുന്‍കോപവുമൊക്കെയുണ്ട്.

എന്നാല്‍ സുപ്രിയ മിടുമിടുക്കിയായിട്ട് അത് നിയന്ത്രിച്ചുനിര്‍ത്തുന്നു. അത് പുറത്തുകാണുന്ന പലര്‍ക്കും അറിയില്ല. സുപ്രിയ പഠിച്ചതും വളര്‍ന്നതുമൊക്കെ ഡല്‍ഹിയിലാണ്. അപ്പോ സ്വഭാവികമായിട്ടും അറിയാമല്ലോ; കേരളത്തിലെ ഒരു ഗ്രാമത്തില്‍ ജനിച്ചുവളര്‍ന്ന് രാവിലെ തുളസിക്കതിരും ചൂടി അമ്പലത്തില്‍ പോയി ഭഗവാനെ എന്ന് വിളിച്ചുവന്ന ഒരു പാരമ്പര്യമല്ല സുപ്രിയക്കുളളത്.

മോള് കൂടുതല്‍ പുസ്തകങ്ങള്‍ വായിക്കുകയും പഠിക്കുകയും ചെയ്ത് വന്ന ആളാണ്. പൂര്‍ണിമയും ഈ പറഞ്ഞത് പോലെ കുറെ ആക്ടിവിറ്റീസിലൊക്കെ പങ്കെടുത്ത് വന്ന ആളാണ്. രണ്ട് പേര്‍ക്കും അവരുടെ ഭര്‍ത്താക്കന്മാരുടെ സ്വഭാവം മനസിലാക്കാന്‍ ഒരു പരസഹായം വേണ്ടി വന്നില്ല, മല്ലിക സുകുമാരന്‍ പറയുന്നു. രാജുവിന് സുകുവേട്ടനെ പോലെ കുറച്ച് മുന്‍കോപവും ദേഷ്യവുമൊക്കെയുണ്ട്.

Recommended Video

Prithhviraj's lovely birthday wishes to dulquer salman

അത് പുറത്തു നില്‍ക്കുന്ന ആര്‍ക്കും അറിയില്ല. എല്ലാവരുടെയും വിചാരം രാജുവിനെ ഇങ്ങനെ ചുരുട്ടി കൈയ്യില്‍ വെയ്ക്കാമെന്നാണ്. എനിക്ക് പറ്റത്തില്ല, എന്നിട്ടല്ലെ സുപ്രിയയ്ക്ക്. എന്നാല്‍ അത് വളരെ തന്മയത്വത്തോട് കൂടി, ക്ഷമയോട് കൂടി മോള് കെെകാര്യം ചെയ്യും. ഇന്ദ്രനും ദേഷ്യം ഉണ്ടാവാറുണ്ട്. എന്നാല്‍ ഇന്ദ്രന് പെട്ടെന്ന് ഒതുങ്ങും. എന്നാല്‍ രാജു കുറച്ച് സമയം എടുക്കും. പഴയ മൂഡില്‍ ആവാന്‍, അഭിമുഖത്തില്‍ മല്ലിക സുകുമാരന്‍ വ്യക്തമാക്കി.