ചേട്ടനും അനിയനുമായി മമ്മൂട്ടിയും മോഹന്‍ലാലും, തന്‌റെ സ്വപ്‌ന ചിത്രത്തെ കുറിച്ച് സംവിധായകന്‍

അതേസമയം മമ്മൂട്ടിയെയും മോഹന്‍ലാലിനെയും വെച്ച് ഒരു സിിനമ താന്‍ ആലോചിച്ചിരുന്നതായി സംവിധായകന്‍ തുളസീദാസ് പറഞ്ഞിരുന്നു. തൊണ്ണൂറുകളില്‍ നിരവധി വിജയചിത്രങ്ങള്‍ ഒരുക്കി മലയാളത്തില്‍ ശ്രദ്ധേയനായ സംവിധായകനായിരുന്നു അദ്ദേഹം. മമ്മൂട്ടിയെയും മോഹന്‍ലാലിനെയും വെച്ച് പ്ലാന്‍ ചെയ്ത ചിത്രത്തെ കുറിച്ച് സഫാരി ചാനലിന്‌റെ ഒരു പരിപാടിയിലാണ് സംവിധായകന്‍ വെളിപ്പെടുത്തിയത്.

ഞാന്‍ വര്‍ഷങ്ങള്‍ക്ക് മുന്‍പ് മോഹന്‍ലാലിനെയും മമ്മൂട്ടിയെയും ഒന്നിപ്പിച്ചുകൊണ്ട് ഒരു സിനിമ പ്ലാന്‍ ചെയ്തിരുന്നു. മമ്മൂട്ടി ജ്യേഷ്ട സഹോദരനായും മോഹന്‍ലാല്‍ അനിയനായും പക്ഷേ അത് നടന്നില്ല. മോഹന്‍ലാലിന്റെ തിരക്ക് ആയിരുന്നു അതിന്‌റെ പ്രധാന കാരണമെന്ന് തുളസീദാസ് പറയുന്നു. ഞാന്‍ പിന്നീട് മമ്മൂക്കയോട് കഥ പറയാന്‍ പോയപ്പോള്‍ കഥ കേട്ട് കഴിഞ്ഞ് അദ്ദേഹം ആദ്യം ചോദിച്ചത് ഇതിലെ ചേട്ടന്‌റെ കഥാപാത്രം ആര് ചെയ്യും എന്നാണ്.

അത് കേട്ടതും എനിക്ക് മറുപടി ഇല്ലാതായി.

കാരണം ഞാന്‍ ഇതില്‍ ചേട്ടന്‌റെ റോളിലാണ് മമ്മൂക്കയെ കണ്ടിരിക്കുന്നത്. ലാലേട്ടന് ചെയ്യാന്‍ കഴിയില്ലെന്ന് ഉറപ്പായത് കൊണ്ട് അനിയന്‍ കഥാപാത്രമായി ജയറാമിനെയാണ് മനസില്‍ കണ്ടിരുന്നത്. പക്ഷേ മമ്മൂക്കയുടെ ചോദ്യത്തില്‍ നിന്ന് എനിക്ക് മനസ്സിലായി അദ്ദേഹത്തിന് മൂത്ത സഹോദരന്‌റെ റോള്‍ ചെയ്യാന്‍ താല്‍പര്യമില്ലെന്ന്, സംവിധായകന്‍ പറയുന്നു.

അത് ചെയ്യേണ്ടത് മമ്മൂക്കയാണെന്ന് പറഞ്ഞാല്‍ എനിക്ക് എന്താടോ അത്രയും പ്രായമായോ എന്നൊക്കെ ചോദിച്ചു അദ്ദേഹം ചൂടായാലോ എന്ന് പേടിച്ച് ഞാന്‍ ഒന്നും മിണ്ടിയില്ല. പെട്ടെന്ന് ചേട്ടന്‌റെ റോള്‍ ചെയ്യുന്നതാരാ എന്ന് ചോദിച്ചപ്പോള്‍ മുരളി എന്ന മറുപടിയാണ് ഞാന്‍ കൊടുത്തത്. കഥ പറഞ്ഞപ്പോള്‍ മുരളി ചേട്ടനും സമ്മതമായി. അങ്ങനെയാണ് ആയിരം നാവുളള അനന്തന്‍ എന്ന സിനിമ സംഭവിക്കുന്നത്.. പരിപാടിയില്‍ തുളസീദാസ് പറഞ്ഞു. മമ്മൂട്ടി, മോഹന്‍ലാല്‍ എന്നീ താരങ്ങള്‍ക്ക് പുറമെ മലയാളത്തിലെ മറ്റ് ശ്രദ്ധേയ താരങ്ങളെയും നായകന്മാരാക്കി സിനിമകള്‍ എടുത്ത സംവിധായകനാണ് തുളസീദാസ്‌.