ഇസ ജനിച്ചപ്പോള്‍ നിനക്ക് അച്ഛനാവാനുള്ള പക്വത വന്നോയെന്ന് സുഹൃത്തുക്കള്‍ ചോദിച്ചെന്ന് ടൊവിനോ തോമസ്

പിതാവിനെക്കുറിച്ച്

അഭിഭാഷകന്‍ മാത്രമല്ല നല്ലൊരു കര്‍ഷകന്‍ കൂടിയാണ് ടൊവിനോയുടെ പിതാവ്. ശരീരം നന്നാക്കാനുള്ള പ്രചോദനവും അപ്പനാണെന്നും താരം പറഞ്ഞിരുന്നു. വീട്ടില്‍ ജിം സെറ്റ് ചെയ്ത കാലം മുതല്‍ അപ്പനും സ്ഥിരമായി വര്‍ക്കൗട്ട് ചെയ്യാറുണ്ടെന്നും താരം പറയുന്നു. 4 വര്‍ഷം മുന്‍പ് പേസ് മേക്കര്‍ വെച്ചപ്പോഴും പറമ്പിലെ പണികളോ, നിത്യേനയുള്ള വ്യായാമമോ മുടക്കിയിരുന്നില്ല അദ്ദേഹമെന്ന് താരം പറയുന്നു. കുട്ടിക്കാലത്ത് കാര്‍ക്കശ്യക്കാരനായിരുന്നുവെങ്കിലും ചേട്ടനും ഞാനും വളര്‍ന്നപ്പോഴേക്കും അപ്പന്‍ അത് ഉപേക്ഷിച്ചിരുന്നുവെന്നും ടൊവിനോ പറയുന്നു.

അമ്മക്കുട്ടി

മാതാപിതാക്കളോട് തുല്യ ഇഷ്ടമാണ് ഇപ്പോള്‍ തോന്നുന്നത്. എന്നാല്‍ കുട്ടിക്കാലത്ത് അമ്മക്കുട്ടിയായിരുന്നു താനെന്ന് താരം പറയുന്നു. പറഞ്ഞിരുന്ന തീയതിക്കും ശേഷമായാണ് എന്നെ പ്രസവിച്ചതെന്ന് അമ്മ പറഞ്ഞ് കേട്ടിട്ടുണ്ട്. വീട്ടിലെ ഇളയ കുട്ടിയാണ്. എപ്പോഴും അമ്മയുടെ കൂടെയായിരുന്നു. തല്ലുകയോ വഴക്ക് പറയുകയോ ഒന്നും ചെയ്യാത്ത ആളാണ് അമ്മ. അഹിംസയുടെ ആളാണ് അമ്മയെന്നും താരം പറയുന്നു.

ചേട്ടനെക്കുറിച്ച്

ഒരു വയസും ഒരു മാസത്തിന്റേയും വ്യത്യാസമാണ് ടൊവിനോയും ടിംഗ്‌സറ്റണും തമ്മില്‍. ചേട്ടന്റെ കുഞ്ഞുവാവ സ്ഥാനം തട്ടിയെടുത്ത വില്ലനായാണ് എന്നെ കണ്ടിരുന്നത്. ചേട്ടന്‍ തീരെ കുഞ്ഞായിരിക്കുമ്പോള്‍ തന്നെ അമ്മ വീണ്ടും ഗര്‍ഭിണിയാവുകയായിരുന്നു. 9ാം ക്ലാസ് വരെ ഞങ്ങള്‍ നല്ല അടിയായിരുന്നു. ഒരേ പോലെ ചിന്തിക്കുകയും പെരുമാറുകയും ചെയ്യുന്നയാളാണല്ലോയെന്ന് മനസ്സിലാക്കിയതോടെ അടി നിര്‍ത്തുകയായിരുന്നു. ചേച്ചിയുമായി ഞാനും ചേട്ടനും കുട്ടിക്കാലത്ത് അടിയുണ്ടാക്കുമായിരുന്നു. അമ്മയെപ്പോലെയാണ് ചേച്ചിയെന്നും ടൊവിനോ പറയുന്നു.

Recommended Video

Kani Kusruti and Tovino Thomas in Sanal Kumar Sasidharan’s next

അച്ഛനായത്

സുഹൃത് സംഘത്തില്‍ ആദ്യം അച്ഛനായത് ഞാനാണ്. നിനക്ക് അതിനുള്ള പക്വതയായോയെന്നായിരുന്നു എല്ലാവരും ചോദിച്ചത്. അതിനുള്ള പക്വതയൊക്കെയായത് കൊണ്ടല്ലേ അച്ഛനായതെന്നാണ് എന്റെ മറുപടി. മക്കളോടൊപ്പം കളിക്കാനും തല്ലുകൂടാനുമൊക്കെ നില്‍ക്കുന്ന അച്ഛനാണ് ഞാന്‍.സിനിമാലൊക്കേഷനുകളിലൊക്കെ ഭാര്യയേയും മകളേയും കൊണ്ടുപോവാറുണ്ട്. ഇസ ഇനി എല്‍കെജിയിലേക്കാണ്. അവള്‍ സ്‌കൂളില്‍ പോയി തുടങ്ങിയാല്‍ അത് നടക്കില്ല. മകന്‍ ടഹാനുമുണ്ട് ഇവരുടെ സ്വര്‍ഗത്തില്‍.