ആമിയില്‍ അഭിനയിക്കുന്നുവെന്ന് ടൊവിനോ പറഞ്ഞപ്പോള്‍ പൃഥ്വി പ്രതികരിച്ചത്? നിരാശനായിരുന്നോ?

പൃഥ്വിയുടെ പകരക്കാരന്‍

മലയാള സിനിമയിലെ യുവതാരങ്ങളില്‍ ഏറെ ശ്രദ്ധേയരായ രണ്ട് പേര്‍ പൃഥ്വിരാജും ടൊവിനോ തോമസും. കമല്‍ സംവിധാനം ചെയ്യുന്ന ആമിയില്‍ പൃഥ്വിരാജിന്റെ പകകരക്കാരനായാണ് ടൊവിനോ എത്തിയത്.

ആദ്യം വിളിച്ചത്

ആമിയില്‍ അഭിനയിക്കാന്‍ അവസരം ലഭിച്ചപ്പോള്‍ താന്‍ ആദ്യം വിളിച്ചത് പൃഥ്വിരാജിനെയായിരുന്നു. നീ എന്തായാലും അത് ചെയ്യണമെന്നായിരുന്നു പൃഥ്വി പറഞ്ഞത്.

വിവാദമുണ്ടാക്കാന്‍ ശ്രമിച്ചു

പൃഥ്വിക്ക് പകരക്കാരനായി എത്തിയെന്ന തരത്തില്‍ പലരും വിവാദമുണ്ടാക്കാന്‍ ശ്രമിച്ചിരുന്നു. എന്നാല്‍ പൃഥ്വിയുമായി വര്‍ഷങ്ങള്‍ നീണ്ട സൗഹൃദമുണ്ട്. അതുകൊണ്ട് തന്നെ വിവാദങ്ങള്‍ക്കൊന്നും സ്ഥാനമില്ലായിരുന്നു.

ശാരീരികമായ തയ്യാറെടുപ്പുകള്‍

പൊതുവെ ഭക്ഷണപ്രിയനാണെങ്കിലും സിനിമയ്ക്ക് വേണ്ടി ശാരീരികമായ തയ്യാറെടുപ്പുകള്‍ നടത്താറുണ്ടെന്ന് താരം പറയുന്നു. മായാനദിയിലെ ലുക്കിനേക്കാള്‍ ആറ് കിലോ ഭാരം കുറച്ചാണ് തീവണ്ടിയില്‍ പ്രത്യക്ഷപ്പെടുന്നത്.

മലയാളത്തില്‍ മാത്രമല്ല

മലയാളത്തില്‍ മൂന്നാല് ചിത്രങ്ങള്‍ പൂര്‍ത്തിയാക്കാനുണ്ട്. അതിനിടയിലാണ് തമിഴില്‍ നിന്നുള്ള അവസരം ലഭിച്ചത്. ഫെബ്രുവരിയില്‍ ആദ്യ തമിഴ് ചിത്രം തിയേറ്ററുകളിലേക്കെത്തുമെന്നും ടൊവിനോ വ്യക്തമാക്കി.