എന്നെ ഏറ്റവും കൂടുതൽ ഉപദ്രവിച്ചവന് ഇന്ന് കുട്ടികളില്ല; അന്ന് കടിച്ച പാട് ശരീരത്തിൽ ഇപ്പോഴും ഉണ്ട്; ഹണി

'എന്റെ വീടിനടുത്ത് തന്നെയാണ് സ്കൂൾ, പെൺകുട്ടികളോട് സ്വതവേ ഞാൻ മിണ്ടാറില്ല. ഞാൻ എട്ടിൽ പഠിക്കുമ്പോൾ പത്തിൽ പഠിക്കുന്ന ചേട്ടൻമാർ വന്ന് കളിക്കാൻ പോവാം എന്ന് പറഞ്ഞു. ലൈഫിൽ ആദ്യമായാണ് എന്നെ കളിക്കാൻ വിളിച്ചത്. എനിക്ക് സന്തോഷമായി. ഞങ്ങൾ ഒളിച്ച് കളിക്കവെ എന്നോട് മോശമായി പെരുമാറി'

'അഞ്ച് പേരും കൂടി ഒരു പെൺകുട്ടിയെ എന്തെല്ലാം ചെയ്യാമോ അതിന്റെ അപ്പുറം എന്നോട് ചെയ്തു. കുറച്ച് കഴിഞ്ഞപ്പോൾ എന്റെ ബോധം പോയി. നാല് മണിയായപ്പോഴാണ് ബോധം വന്നത്. ഞാൻ ഓടിപ്പോയി സാറോട് പറഞ്ഞു. ദേഹത്ത് മുഴുവനും ബ്ലഡ്. കടിച്ചതിന്റെ പാടുകൾ. തുടയിൽ കടിച്ചതിന്റെ പാടുകൾ ഇപ്പോഴും ഉണ്ട്'

'നീ ഇങ്ങനെ നടന്നിട്ടല്ലേ എന്ന് ചോദിച്ചു. എന്തൊക്കെ ചെയ്തു, ഇഷ്ടപ്പെട്ടോ എന്ന് ചോദിച്ചു. ആ സാറോട് ഒന്നും പറയാൻ പറ്റിയില്ല. വീട്ടുകാരെ കൊല്ലുമെന്ന് പറഞ്ഞതിനാൽ അവരോടും പറയാൻ‌ പറ്റിയില്ല. എന്റെ വീടിനടുത്തുള്ളവരാണ്. സഹിക്കാൻ പറ്റാതെ ഞാൻ വെക്കേഷന് അമ്മയുടെ വീട്ടിൽ പോയി നിൽക്കും. തിരിച്ചു വരുമ്പോൾ വീണ്ടും തുടങ്ങും. സ്കൂളിൽ പോയാൽ അവിടെ പ്രശ്നം, 27 കൊല്ലം ഞാനെന്റെ വീട്ടിൽ തന്നെ ഇരുന്നു. അനുഭവിച്ചവർക്കേ അത് മനസ്സിലാവൂ. കേൾക്കുമ്പോൾ എല്ലാവരും പറയും ചെന്ന് നിന്നിട്ടല്ലേ എന്ന്'

'ജോഷ് ടോക്സിൽ ഞാൻ പറഞ്ഞത് കേട്ട് എന്റെ വീടിനടുത്തുള്ള ഒത്തിരി അമ്മമാർ വിളിച്ചിരുന്നു. മോളേ ഇതാരാണെന്ന് ചോദിച്ച്. ഒരു പെൺകുട്ടിയുടെ ചേട്ടൻ എന്റെ കൂടെ പഠിച്ചത് ആയിരുന്നു. എന്റെ ചേട്ടനാണോ അങ്ങനെ ചെയ്തതെന്ന് ചോദിച്ച് അവൾ കരയുകയാണ്. അവളുടെ കുടുംബത്തിലെ ആരുമല്ല അത് ചെയ്തത്. ഒത്തിരി അമ്മമാർ വിളിച്ച് ഞാൻ കൊടുക്കാം അവർക്ക് ശിക്ഷ എന്ന് പറഞ്ഞു'

'അങ്ങനെ കേട്ടിട്ടാണ് അതിലാെരാൾ എന്നെ വിളിച്ചത്. ഞാൻ കാരണമാണ് നീ അനുഭവിക്കുന്നത്, അറിവില്ലാത്ത പ്രായത്തിലാണ് അങ്ങനെ ചെയ്തതെന്ന് പറഞ്ഞ്. അയാൾക്ക് കല്യാണം കഴിച്ചിട്ട് കുട്ടികളൊന്നും ഇല്ല. ആ അഞ്ച് പേരും നല്ല രീതിയിൽ അനുഭവിച്ചു. ദൈവം ശിക്ഷിച്ചത് ആയിരിക്കാം'

'അല്ലെങ്കിൽ യാദൃശ്ചികം ആയിരിക്കാം. സോറി പറഞ്ഞവനാണ് എന്നെ ഒത്തിരി ഉപദ്രവിച്ചത്.എനിക്ക് വേദനിച്ച പോലെ ഒരാൾക്കും വേദനിക്കരുത് എന്നാണ് പ്രാർത്ഥിക്കാറ്. ദൈവം അവർക്ക് കൊടുത്ത ശിക്ഷ അത്യാവശ്യം എല്ലാവർക്കും അറിയുന്നതാണ്. അതേപറ്റി പറഞ്ഞാൽ അവന്റെ ഭാര്യയും അമ്മയും കേൾക്കും. ആ ഭാര്യ ഇതൊന്നും അറിഞ്ഞിട്ട് ഉണ്ടാവില്ല,' എയിൻ ഹണി ആരോഹി പറഞ്ഞു.