പൂര്‍ണിമയെ എടുത്ത് ചുറ്റി ഡാന്‍സ് കളിച്ച് ഇന്ദ്രജിത്ത്; ആദ്യ വിവാഹ വാര്‍ഷികത്തിന്റെ ചിത്രങ്ങളുമായി താരങ്ങൾ

2002 ഡിസംബര്‍ പതിമൂന്നിനാണ് ഇന്ദ്രജിത്തും പൂര്‍ണിമയും തമ്മില്‍ വിവാഹിതരാവുന്നത്. കഴിഞ്ഞ വര്‍ഷങ്ങളില്‍ ഇന്ദ്രനുമായി പ്രണയത്തിലായതിനെ കുറിച്ച് പൂര്‍ണിമ തുറന്ന് സംസാരിച്ചിരുന്നു. മറ്റൊരു വിവാഹ വാര്‍ഷികദിനം കൂടി എത്തുന്നതിന് തൊട്ട് മുന്‍പ് പഴയ ഓര്‍മ്മകളെ കുറിച്ച് സംസാരിച്ചിരിക്കുകയാണ് നടി. പതിനേഴ് വര്‍ഷങ്ങള്‍ മുന്‍പുള്ള ആദ്യ വിവാഹ വാര്‍ഷികത്തിന്റെ ഓര്‍മ്മകളാണ് ഫേസ്ബുക്ക് പേജിലൂടെ പൂര്‍ണ്ണിമ ഇന്ദ്രജിത്ത് പങ്കുവെച്ചത്. അതിന് നല്‍കിയ ക്യാപ്ഷനാണ് ശ്രദ്ധേയാകര്‍ഷിക്കുന്നത്.

'എന്നെ പുറകിലേക്ക് എടുത്ത് എറിയുന്നതിന്റെ ഓര്‍മ്മകള്‍. ഒരു കേക്കും പിന്നെ തീര്‍ച്ചയായും ഉണ്ടാവേണ്ട കപ്പിള്‍ ഫോട്ടോയും. കഷ്ടിച്ച് നിയമപരമായി പ്രായപൂര്‍ത്തിയായ രണ്ട് കുട്ടികള്‍ അവരുടെ ഒന്നാം വിവാഹ വാര്‍ഷികം ആഘോഷിക്കുന്നു'. എന്നാണ് ചിത്രങ്ങള്‍ക്ക് പൂര്‍ണിമ ക്യാപ്ഷന്‍ നല്‍കിയത്. 2002 ല്‍ വിവാഹിതരായ ഇരുവരും ഈ ഡിസംബര്‍ 13ന് പതിനെട്ടാം വിവാഹ വാര്‍ഷികത്തില്‍ എത്തി നില്‍ക്കുയാണ്. കൊവിഡ് പ്രോട്ടോകോള്‍ പാലിച്ച് കൊണ്ടായിരിക്കും ഇത്തവണത്തെ ആഘോഷങ്ങള്‍ക്ക് താരകുടുംബം പദ്ധതിയിട്ടിരിക്കുന്നത്.

ഇന്ദ്രജിത്തും പൂര്‍ണിമയും പ്രണയിച്ച് വിവാഹിതരായവരാണ്. അമ്മ മല്ലിക സുകുമാരനെ ഷൂട്ടിങ്ങ് ലൊക്കേഷനില്‍ വിളിക്കാനെത്തിയപ്പോഴാണ് ആദ്യമായി ഇന്ദ്രജിത്ത് പൂര്‍ണിമയെ കാണുന്നത്. ഈ കാഴ്ചയിലൂടെ തന്നെ അടുത്ത സുഹൃത്തുക്കളായി മാറിയ ഇരുവരും വൈകാതെ പ്രണയത്തിലായി. കാണുന്നവര്‍ക്ക് ഇന്ദ്രന്‍ സീരിയസായി തോന്നുമെങ്കിലും തങ്ങളില്‍ റൊമാന്റിക് അദ്ദേഹമാണ്. ആദ്യ കൂടികാഴ്ചയില്‍ കാര്യമായിട്ടൊന്നും സംസാരിച്ചില്ലെങ്കിലും പിന്നീട് അത് നീണ്ട് നില്‍ക്കുന്നതായിരുന്നുവെന്ന് നേരത്തെ ഒരു അഭിമുഖത്തില്‍ ഭര്‍ത്താവിനെ കുറിച്ച് പൂര്‍ണിമ പറഞ്ഞിരുന്നു.

പൂര്‍ണ്ണിമയുടെ ആ രഹസ്യം പുറത്തായി | filmibeat Malayalam

മൂന്ന് വര്‍ഷത്തെ പ്രണയത്തിനൊടുവില്‍ 2002 ല്‍ വിവാഹം കഴിക്കുമ്പോള്‍ പൂര്‍ണ്ണിമയ്ക്കും ഇന്ദ്രജിത്തിനും ഇരുപത്തിയൊന്ന് വയസ് പ്രായമേ ഉണ്ടായിരുന്നുള്ളു. ഇതിനെ കുറിച്ചും മുന്‍പ് നടി സൂചിപ്പിച്ചിരുന്നു. രസകരമായ മറ്റൊരു കാര്യം പൂര്‍ണിമയുടെ ജന്മദിനത്തിലാണ് ഇരുവരും വിവാഹിതരായത് എന്നതാണ്. ഡിസംബര്‍ പതിമൂന്നിന് ജന്മദിനവും വിവാഹ വാര്‍ഷികവും ഒന്നിച്ചാണ് ആഘോഷിക്കാറുള്ളത്.