നായിക എന്റെ കൈകളിലേക്ക് വരുമ്പോള്‍ പേടിയോടെ ഞാന്‍ വിട്ടുകളഞ്ഞു, അവള്‍ എന്നോട് ദേഷ്യപ്പെട്ടു: ഉണ്ണി മുകുന്ദന്‍

റോമ ആയിരുന്നു ചിത്രത്തില്‍ നായികയായി എത്തിയത്. പ്രമേയപരമായി ഏറെ ശ്രദ്ധിക്കപ്പെട്ട ചിത്രം കൂടിയായിരുന്നു ബോംബെ മാര്‍ച്ച് 12. മമ്മൂട്ടിക്കും ഉണ്ണി മുകുന്ദനും പുറമെ സുധീര്‍ കരമന, ശാരി, സാദിഖ്, ലിജോ ജോസ് പെല്ലിശ്ശേരി, അനില്‍ മുരളി, ലാല്‍, രാജീവ് ഗോവിന്ദ പിളള, ജ്യോതി കൃഷ്ണ, സീമാ ജി നായര്‍ എന്നീ താരങ്ങളായിരുന്നു ചിത്രത്തില്‍ മറ്റു പ്രധാന വേഷങ്ങളിലെത്തിയത്.

അഫ്‌സല്‍ യൂസഫ് ഒരുക്കിയ ചിത്രത്തിലെ പാട്ടുകളും ഏറെ ശ്രദ്ധിക്കപ്പെട്ടു. അതേസമയം ബോംബ് മാര്‍ച്ച് 12 സമയത്ത് നടന്ന ഒരു സംഭവം സ്വകാര്യ എഫ് എം ചാനലിന് നല്‍കിയ അഭിമുഖത്തില്‍ ഉണ്ണി മുകുന്ദന്‍ വെളിപ്പെടുത്തിയിരുന്നു. തനിക്ക് ഒരുപാട് ഓര്‍മ്മകള്‍ നല്‍കിയ സിനിമയാണിതെന്ന് ഉണ്ണി മുകുന്ദന്‍ പറയുന്നു. ഞാന്‍ എന്റെ തന്നെ എറ്റവും കൂടുതല്‍ കണ്ട സിനിമ ബോംബൈ മാര്‍ച്ച് പന്ത്രണ്ട് ആണ്.

അത് എനിക്ക് ഒരുപാട് ഓര്‍മ്മകള്‍ നല്‍കുന്ന സിനിമയാണ്. പ്രത്യേകിച്ച് അതിലെ ആ ഹിറ്റ് ഗാനം. ഞാന്‍ വഞ്ചി തുഴഞ്ഞു വരുന്ന സീനൊക്കെ വീണ്ടും വീണ്ടും എടുത്തുകാണുമ്പോള്‍ എനിക്കത് ഭയങ്കര പ്രിയമാണ്. അതില്‍ നായിക എന്റെ കൈകളിലേക്ക് വരുമ്പോള്‍ ഞാന്‍ പേടിയോടെ വിട്ടുകളയുകയും അവള്‍ എന്നോട് ദേഷ്യപ്പെട്ടതുമൊക്കെ ഓര്‍മ്മയുണ്ട്.

Recommended Video

Drishyam 2 Exclusive Interview | Mohanlal | Jeethu Joseph | FilmiBeat Malayalam

ഇപ്പോള്‍ തന്നെ അത് മൊത്തത്തില്‍ ഇരുന്നു ഏട്ടോളം തവണ ഞാന്‍ ആ സിനിമ കണ്ടു. അത്രയ്ക്ക് പ്രിയപ്പെട്ട സിനിമയാണ്. പ്രിയപ്പെട്ടത് എന്നതിനേക്കാള്‍ എനിക്ക് അന്നത്തെ എന്നെ കാണാന്‍ ഒരുപാട് ഇഷ്ടമായത് കൊണ്ട് വീണ്ടും വീണ്ടും കാണുന്നതാണ്. സിനിമയോടും പ്രത്യേക ഇഷ്ടമുണ്ട്. അഭിമുഖത്തില്‍ ഉണ്ണി മുകുന്ദന്‍ പറഞ്ഞു. ചിത്രത്തില്‍ ഷാജഹാന്‍ എന്ന കഥാപാത്രമായാണ് നടന്‍ എത്തിയത്. 2011 ജൂണ്‍ ജൂണ്‍ 30നാണ് ബോംബൈ മാര്‍ച്ച് 12 തിയ്യേറ്ററുകളില്‍ എത്തിയത്‌.