ലെച്ചുവിന്റെ ഭാവി വരന്റെ ഇഷ്ടങ്ങളാണ് ഇതൊക്കെ! ജൂഹിയ്ക്കും അങ്ങനെ? ഈ ചിത്രങ്ങള്‍ പറയും ചില സത്യങ്ങള്‍

നേരത്തെയും സോഷ്യല്‍ മീഡിയയിലൂടെ റോവിനൊപ്പമുള്ള ചിത്രങ്ങള്‍ ജൂഹി പങ്കുവെച്ചിരുന്നു. എന്നാല്‍ പ്രണയത്തെ കുറിച്ച് പറഞ്ഞത് അടുത്തിടെയായിരുന്നു. ഒരു പൊതുചടങ്ങില്‍ പങ്കെടുക്കാന്‍ ഇരുവരും ഒന്നിച്ചായിരുന്നു എത്തിയത്. കറുപ്പ് നിറമുള്ള വസ്ത്രത്തിലായിരുന്നു ഇരുവരും ചടങ്ങിനെത്തിയത്. അവിടുന്ന് തന്നെ തന്റെ ജീവിതത്തിലെ ഭാവി വരനെയും സ്വന്തം സഹോദരനെയും ജൂഹി എല്ലാവര്‍ക്കുമായി പരിചയപ്പെടുത്തി. ഇതോടെ ഇരുവരുടെയും പ്രണയവിശേഷങ്ങള്‍ അറിനുള്ള കാത്തിരിപ്പിലായിരുന്നു എല്ലാവരും.

പ്രണയത്തെ കുറിച്ച് കൂടുതല്‍ തുറന്ന് പറച്ചിലുകള്‍ ഒന്നുമില്ലെങ്കിലും ഇരുവരും ഒന്നിച്ചുള്ള രസകരമായ ഫോട്ടോസ് നിരന്തരം പുറത്ത് വരികയാണ്. ഒന്നിച്ചുള്ള ഫോട്ടോഷൂട്ട് കണ്ടതോടെ ഇരുവരുടെയും സേവ് ദി ഡേറ്റ് ആണോ എന്ന സംശയവും ആരാധകര്‍ക്ക് തോന്നി. അധികം വൈകാതെ യഥാര്‍ഥ ജീവിതത്തിലും ജൂഹി വിവാഹിതയാവാന്‍ പോവുകയാണോ എന്ന ഗോസിപ്പുകളും പ്രചരി്ച്ചു. ഇക്കാര്യത്തെ കുറിച്ച് കൂടുതല്‍ കാര്യങ്ങള്‍ ഇനിയും വ്യക്തമായിട്ടില്ല.

അടുത്തിടെ റോവിന്‍ പങ്കുവെച്ചതും ജൂഹി പോസ്റ്റ് ചെയ്തതുമായ നിരവധി ഫോട്ടോസ് സമൂഹമാധ്യമങ്ങളിലൂടെ വൈറലായി. ഇതോടെയാണ് മറ്റ് ചില കണ്ടുപിടുത്തം ആരാധകരും കണ്ടെത്തിയത്. റോവിന്റെ വസ്ത്രധാരണമായിരുന്നു ശ്രദ്ധേയം. ഇന്‍സ്റ്റാഗ്രാം അടക്കം റോവിന്‍ ഉപയോഗിക്കുന്ന സോഷ്യല്‍ മീഡിയ അക്കൗണ്ടുകളിലെ ചിത്രങ്ങളിലെല്ലാം ബ്ലാക്ക് ആന്‍ഡ് വൈറ്റ് നിറത്തിലുള്ള വസ്ത്രങ്ങള്‍ ധരിച്ചവയാണ്. റോവിന്റെ ഇഷ്ട നിറം ഇതാണെന്നാണ് ഇതില്‍ നിന്നും വ്യക്തമാവുന്നത്.

അത് മാത്രമല്ല റോവിനൊപ്പം ചേര്‍ന്നതോടെ ജൂഹിയും അങ്ങനെ ആയെന്നും ചിലര്‍ അഭിപ്രായപ്പെടുന്നു. റോവിന്റെ ഇഷ്ടാനുസരണം പോലെ അടുത്തിടെ പുറത്ത് വന്ന ചിത്രങ്ങളില്‍ ജൂഹിയും കറുപ്പും വെള്ളയും നിറങ്ങളിലുള്ള വസ്ത്രങ്ങളായിരുന്നു ധരിച്ചത്. എന്തായാലും താരവിവാഹത്തെ കുറിച്ച് അറിയാനുള്ള കാത്തിരിപ്പിലാണ് ആരാധകര്‍. എന്നാല്‍ അതിന് മുന്‍പ് ഉപ്പും മുളകിലേക്കും ലെച്ചുവിനോട് തിരിച്ച് വരാനുള്ള അഭ്യര്‍ഥനയാണ് എല്ലാവര്‍ക്കുമുള്ളത്.