ബാലു ഇല്ല, പകരം നീലുവിനോടൊപ്പം മാധവൻ തമ്പിയും ശാരദ അമ്മയും, ഉപ്പും മുളകും ടീം ബിഗ് സ്ക്രീനിൽ...

ഉണ്ണി മുകുന്ദൻ പ്രധാന വേഷത്തിൽ എത്തുന്ന മേപ്പടിയാൻ എന്ന ചിത്രത്തിലാണ് മൂന്ന് പേരും ഇതാദ്യമയി ഒന്നിച്ചെത്തുന്നത്. ഒരു ലൊക്കേഷൻ ചിത്രം പങ്കുവെച്ച് കൊണ്ടാണ് നിഷ സന്തോഷവാർത്ത ആരാധകരെ അറിയിച്ചത്. മൂന്നു പേരും സിനിമയിൽ സജീവമാണെങ്കിലും ഇതാദ്യമായിട്ടാണ് ഒന്നിച്ച് അഭിനയിക്കുന്നത്. നീലുവിനും മാധവൻ തമ്പിക്കും ശാരദാമ്മക്കും ആശംസകൾ നേർന്ന് ആരാധകർ രംഗത്തെത്തിയിട്ടുണ്ട്. മേപ്പടിയാനിൽ നിന്നുള്ള മറ്റൊരു ചിത്രവും നിഷ പങ്കുവെച്ചിട്ടുണ്ട്. മേപ്പടിയാൻ ലൊക്കേഷൻ ചിത്രം എന്ന് കുറിച്ചു കൊണ്ടാണ് നിഷ ചിത്രം പങ്കുവെച്ചിരിക്കുന്നത്.

ബിഗ് സ്ക്രീനിലും മിനിസ്ക്രീനിലും ഒരുപോലെ സജീവമാണ് നിഷ . ചന്ദ്രോത്സവം, പരുന്ത്, കരയിലേക്ക് ഒരു കടൽദൂരം, മൈ ബോസ്, മാറ്റിനി, ആമേൻ, ഒരു ഇന്ത്യൻ പ്രണയകഥ, ദൃശ്യം, ലഡു, ലോനപ്പന്റെ മാമോദീസ, കപ്പേള, തണ്ണീർമത്തൻ ദിനങ്ങൾ തുടങ്ങി ചിത്രങ്ങളിൽ നിഷ അഭിനയിച്ചിട്ടുണ്ട്. ചിത്രങ്ങളിൽ ശ്രദ്ധിക്കപ്പെടുന്ന വേഷത്തിൽ തന്നെയായിരുന്നു നടി എത്തിയത്. ബിജു സോപാനവും നിഷയും ഒന്നിച്ചെത്തുന്ന ചിത്രമായ ലെയ്ക്ക് അണിയറയിൽ പുരോഗമിക്കുകയാണ്.

ചെറിയ സമയത്തിനുള്ളിൽ മലയാള സിനിമയിൽ തന്റേതായ ഇടം കണ്ടെത്തിയ നടനാണ് കോട്ടയം രമേശൻ. വളരെ നേരത്തെ തന്നെ സിനിമയിൽ മുഖം കാണിച്ച താരം ഏറെ ശ്രദ്ധിക്കപ്പെട്ടത് ഉപ്പും മുളകും എന്ന പരമ്പരയിലൂടെയാണ് . ബാലുവിന്റെ അച്ഛൻ വേഷം പ്രേക്ഷകരുടെ ഇടയിൽ ഏറെ ശ്രദ്ധിക്കപ്പെട്ടിരുന്നു. പൃഥ്വിരാജിന്റെ അയ്യപ്പനും കോശിയും എന്ന ചിത്രത്തിലൂടെയായിരുന്നു നടന്റെ സിനിമയിലേയ്ക്കുള്ള രണ്ടാം വരവ്.ചിത്രത്തിലെ ഡ്രൈവർ കുമാരൻ എന്ന വേഷവും ഏറെ ശ്രദ്ധിക്കപ്പെട്ടിരുന്നു. വൈറസ്, സീ യു സൂൺ എന്നീ ചിത്രങ്ങളിലും കോട്ടയം രമേശിന്റെ കഥാപാത്രങ്ങൾ ശ്രദ്ധ നേടിയിരുന്നു.

Recommended Video

Pooja Jayaram Interview | FilmiBeat Malayalam

മനോഹരി ജോയ് പ്രേക്ഷകർക്ക് ഒരു പുതുമുഖമാണ്. എന്നാൽ വളര പെട്ടെന്ന് തന്നെ പ്രേക്ഷകരുടെ മനസ്സിൽ തന്റെ സ്ഥാനം ഉറപ്പിക്കാൻ നടിക്ക് കഴിഞ്ഞിരുന്നു. ആസിഫ് അലിയുടെ ചിത്രമായ കെട്ട്യാളാണ് എന്റെ മലാഖ എന്ന ചിത്രത്തിലെ അമ്മ വേഷം ഏറെ ശ്രദ്ധിക്കപ്പെട്ടിരുന്നു. ആസിഫ് അലിയുടെ അമ്മ കഥാപാത്രത്തിന് മികച്ച പ്രേക്ഷകാഭിപ്രായിരുന്നു നടിക്ക് ലഭിച്ചത്. സിനിമയിിലും സീരിയലിലും ഒരുപോലെ സജീവമാണ് താരം.