പാറുക്കുട്ടിയുടെ വീട്ടില്‍ വീണ്ടുമൊരു സന്തോഷം! ആഘോഷത്തിന് ഇരട്ടിമധുരമാണ് ഇത്തവണ! ചിത്രം വൈറല്‍

വിവാഹ വാര്‍ഷികം

8ാമത്തെ വിവാഹ വാര്‍ഷികമായിരുന്നു പാറുക്കുട്ടിയുടെ അച്ഛനും അമ്മയും ആഘോഷിച്ചത്. വിവാഹത്തിന്റെ ഫോട്ടോയും സോഷ്യല്‍ മീഡിയയിലൂടെ പ്രചരിച്ചിരുന്നു. ഉപ്പും മുളകിലെ കുഞ്ഞുതാരമായ പാറുക്കുട്ടിയുടെ കുടുംബവും ആരാധകര്‍ക്ക് പ്രിയപ്പെട്ടതാണ്. അമേയ എന്നാണ് യഥാര്‍ത്ഥ പേരെങ്കിലും പരമ്പരയിലെ പേരായ പാറുക്കുട്ടിയെന്നാണ് എല്ലാവരും ഇപ്പോള്‍ മകളെ വിളിക്കുന്നതെന്ന് അമ്മ പറഞ്ഞിരുന്നു. അതോടെ തങ്ങളും ആ പേര് തന്നെ വിളിച്ച് തുടങ്ങുകയായിരുന്നുവെന്നും ഇവര്‍ പറഞ്ഞിരുന്നു. ഇടയ്ക്ക് ചാനല്‍ പരിപാടിയും പാറുക്കുട്ടിയുടെ അമ്മ പങ്കെടുത്തിരുന്നു.

ഇരട്ടി സന്തോഷം

ഇത്തവണത്തെ ആഘോഷത്തിന് ഇരട്ടി സന്തോഷമാണ്. കുടുംബത്തിലേക്ക് മൂന്നാമതായി കുഞ്ഞതിഥി എത്തുകയാണെന്നുള്ള വിശേഷം കഴിഞ്ഞ ദിവസമായിരുന്നു പുറത്തുവന്നത്. നിറവയറുമായി മക്കള്‍ക്കൊപ്പം നില്‍ക്കുന്ന അമ്മയുടെ ഫോട്ടോയും വൈറലായി മാറിയിരുന്നു. പാറുക്കുട്ടി ഇനി ചേച്ചിയാവാന്‍ പോവുകയാണെന്നറിഞ്ഞപ്പോള്‍ ആരാധകരും സന്തോഷത്തിലായിരുന്നു. അതിന് പിന്നാലെയായാണ് പുതിയ സന്തോഷവും എത്തിയത്.

കുഞ്ഞതിഥി

ഒരു മാസത്തിനുള്ളില്‍ കുഞ്ഞതിഥി എത്തിയേക്കുമെന്നുള്ള വിവരങ്ങളാണ് പുറത്തുവന്നിട്ടുള്ളത്. ഉപ്പും മുളകിലേക്ക് കുഞ്ഞതിഥിയായാണ് പാറുക്കുട്ടി എത്തിയത്. ആദ്യമായി അച്ഛായെന്ന് വിളിച്ചതും മുടി വെട്ടിയതും പിറന്നാളാഘോഷിച്ചതിനുമെല്ലാം പ്രേക്ഷകരും സാക്ഷികളായിരുന്നു. പാറുക്കുട്ടിയെ കാണാനായാണ് പരമ്പര കാണുന്നതെന്നായിരുന്നു പലരും പറഞ്ഞത്. പ്രായം കുറഞ്ഞ ബാലതാരത്തിന്റെ പേരില്‍ ഫാന്‍സ് ഗ്രൂപ്പുകളും പേജുകളുമെല്ലാം സജീവമാണ്.

ആശംസകളോടെ

പാറുക്കുട്ടിയുടെ അച്ഛനും അമ്മയ്ക്കും ആശംസ നേര്‍ന്ന് നിരവധി പേരാണ് എത്തിയത്. ഫാന്‍സ് ഗ്രൂപ്പുകളിലൂടെയായിരുന്നു ആശംസകള്‍ പ്രചരിച്ചത്. പുതിയ ചിത്രവും പുറത്തുവന്നിരുന്നു. നിമിഷനേരം കൊണ്ടായിരുന്നു ഇവരുടെ വിശേഷം വൈറലായി മാറിയത്. നീലുവിനേയും ബാലുവിനേയും തനിക്കേറെ ഇഷ്ടമാണെന്ന് ഇതിനകം പാറുക്കുട്ടി തെളിയിച്ചിരുന്നു. ഇടയ്ക്ക് വീഡിയോ കോള്‍ ചെയ്ത് വിശേഷങ്ങള്‍ തിരക്കാറുണ്ടെന്ന് നീലുവും പറഞ്ഞിരുന്നു.