സന്തോഷം പങ്കുവെച്ച് നടി വീണ നായര്‍! കുന്നികുരുവോളം ആഗ്രഹിച്ചിട്ട് കുന്നോളം കിട്ടിയെന്ന് നടി

'മൂന്ന് വര്‍ഷം മുന്‍പ് ലാലേട്ടനൊപ്പം ഒരു ഫോട്ടോ എടുക്കാനും ലാലേട്ടനെ ഒന്ന് കാണാനും കൊതിച്ചിരുന്നു. ഒരുപാട് ആഗ്രഹിച്ചാല്‍ അത് ലൈഫില്‍ സംഭവിക്കും. ദൈവത്തിന് നന്ദി. കുന്നികുരുവോളം ആഗ്രഹിച്ചു, കുന്നോളം തന്നു. ഒരുപാട് നെഗറ്റീവ്‌സ്, പോസിറ്റീവ്‌സ് ഒക്കെ സംഭവിച്ചാലും എല്ലാത്തിനും അവസാനം സത്യമേ ജയിക്കൂ. സത്യത്തിനെ ആയൂസുള്ളു. പിന്തുണച്ചവര്‍ക്കും വിമര്‍ശിച്ചവര്‍ക്കും നന്ദി. സ്റ്റേ ഹോം, സ്‌റ്റേ സേഫ്. ലോകാ സമസ്ത സുഖിനോ ഭവന്തു, ഈ സമയവും കടന്ന് പോകും'. എന്നുമാണ് വീണ എഴുതിയിരിക്കുന്നത്.

പെട്ടെന്ന് വരുന്ന ദേഷ്യവും സങ്കടപ്പെടലുമൊക്കെയാണ് വീണ നായരെ കുറിച്ച് എല്ലാവര്‍ക്കും പറയാനുള്ളത്. ബിഗ് ബോസിലെ ഇമേഷണല്‍ മത്സരാര്‍ഥി എന്ന വിശേഷണവും വീണ സ്വന്തമാക്കി. ആദ്യമൊക്കെ ഗെയിം പ്ലാനിന്റെ ഭാഗമായിട്ടാണ് വീണ കരയുന്നതെന്ന് എല്ലാവരും കരുതിയിരുന്നത്. മത്സരാര്‍ഥികളില്‍ പലരും ഇത് അവിടെ സൂചിപ്പിക്കുകയും ചെയ്തിട്ടുണ്ട്. എന്നാല്‍ നിസാരമായ കാര്യത്തിന് വരെ കരയുന്ന സ്വഭാവമാണ് വീണയ്ക്ക്. ഇത് തന്റെ നേച്ചറാണെന്ന് വീണ തന്നെ പറഞ്ഞിട്ടുമുണ്ട്.

ബിഗ് ബോസില്‍ നിന്നുമാണ് അധികം ആര്‍ക്കും അറിയാത്ത തന്റെ ജീവിതം തുടങ്ങിയ നാളുകളെ കുറിച്ചും കുടുംബത്തിലെ സാമ്പത്തിക ബുദ്ധിമുട്ടുകളെ കുറിച്ചുമെല്ലാം വീണ വെളിപ്പെടുത്തിയത്. വിവാഹത്തിന് വേണ്ടി എടുത്ത കഷ്ടപാടുകളെ കുറിച്ചും ഭര്‍ത്താവിന് പോലും അറിയാത്ത ചില കാര്യങ്ങളുമെല്ലാം ബിഗ് ബോസിലെത്തിയതിന് ശേഷം നടി പറഞ്ഞിരുന്നു. എന്നാല്‍ എന്ത് പറഞ്ഞാലും കരയുന്ന വീണയുടെ സ്വഭാവത്തെയാണ് എല്ലാവരും കളിയാക്കിയത്. മികച്ചൊരു മത്സരാര്‍ഥി ആയിരുന്നെങ്കിലും എലിമിനേഷനിലൂടെ വീണയും പുറത്തേക്ക് പോയി.

കുടുംബത്തോട് വലിയ സ്‌നേഹമുള്ള വീണ മകന്‍ അമ്പാടിയെ കുറിച്ചും കണ്ണേട്ടനെ (ഭര്‍ത്താവ്) കുറിച്ചുമൊക്കെ വാതോരാതെ സംസാരിച്ചത് ആരാധകരും ഏറ്റുപിടിച്ചിരുന്നു. ഇതിന്റെ പേരില്‍ നിരവധി ട്രോളുകളും വീണയ്ക്ക് ലഭിച്ചിരുന്നു. ബിഗ് ബോസില്‍ നിന്നും പുറത്ത് വന്നതിന് ശേഷം സന്തോഷത്തോടെ കഴിയുകയാണ് താരകുടുംബം. അതേ സമയം ബിഗ് ബോസില്‍ നിന്നും തനിക്ക് സംഭവിച്ച പാളിച്ചകളെ കുറിച്ച് വീണ തുറന്ന് സംസാരിച്ചിരുന്നു.

Recommended Video

സോഷ്യല്‍ മീഡിയയിലെ അധിക്ഷേപത്തിനെതിരെ പൊട്ടിത്തെറിച്ച് ആര്യ

സുഹൃത്തുക്കളെ കണ്ണുമടച്ച് വിശ്വസിച്ച് നിന്നതാണ് തന്റെ പരാജയത്തിന് കാരണമെന്നായിരുന്നു പുറത്ത് വന്ന ശേഷം വീണ പറഞ്ഞത്. സുഹൃത്തുക്കളെ എല്ലായിപ്പോഴും ആവശ്യമുണ്ട്. എന്നാല്‍ ഇതുപോലൊരു ഷോ യില്‍ പങ്കെടുക്കാന്‍ പോകുമ്പോള്‍ സൗഹൃദങ്ങള്‍ക്ക് വലിയ പ്രധാന്യം കൊടുക്കരുത്. ഞാന്‍ എങ്ങനയാണോ അതുപോലെ തന്നെയായിരുന്നു ബിഗ് ബോസിലും പെരുമാറിയത്. പക്ഷെ അങ്ങനെയായിരുന്നില്ല ഗെയിം കളിക്കേണ്ടതെന്ന് പുറത്ത് വന്നപ്പോഴാണ് മനസിലായത്.