'അന്നും ഇന്നും മാറ്റമില്ലാതെ ​ഗോപിക'; കുടുംബത്തോടൊപ്പം നാട്ടിൽ അവധി ആഘോഷിച്ച് മലയാളത്തിന്റെ പ്രിയ നടി!

അഭിനയത്തോട് തീരെ താൽപര്യമില്ലാതിരുന്ന വ്യക്തി കൂടിയായിരുന്നു ​ഗോപിക. എയർ ഹോസ്റ്റസാകണമെന്നതായിരുന്നു ​ഗോപികയുടെ ലക്ഷ്യം. പക്ഷെ ​ഗോപികയെ ജീവിതം കൊണ്ടെത്തിച്ചത് സിനിമയിലാണ്.

പ്രണയമണിത്തൂവൽ എന്ന മലയാള സിനിമയായിരുന്നു ആദ്യമായി ​ഗോപിക അഭിനയിച്ച സിനിമ. തുളസീദാസ് സംവിധാനം ചെയ്ത സിനിമയിൽ വിനീത് കുമാറായിരുന്നു ​ഗോപികയുടെ നായകൻ. ​

ഗോപികയുടെ മൂന്നാമത്തെ സിനിമയായിരുന്നു ഫോർ ദി പീപ്പിൾ. ന്യൂജനറേഷൻ സിനിമ വിഭാ​ഗത്തിൽ ഇന്നും ഉൾപ്പെടുത്തുന്ന സിനിമ കൂടിയാണ് ഫോർ ദി പീപ്പിൾ. ചേരൻ‌ സംവിധാനം ചെയ്ത് നായകനായ ഓട്ടോ​ഗ്രാഫാണ് ​ഗോപികയുടെ കരിയറിലെ ആദ്യത്തെ അന്യഭാഷ സിനിമ.

ചിത്രത്തിൽ സ്നേഹ‌യും സുപ്രധാന വേഷത്തിൽ എത്തിയിരുന്നു. 2004ൽ വേഷത്തിൽ ശ്രദ്ധേയമായ കഥാപാത്രത്തെ അവതരിപ്പിച്ചതോടെയാണ് അക്കാലത്തെ തിരക്കുള്ള മുൻനിര നടിയായി ​ഗോപിക മാറിയത്.

വേഷത്തിൽ ഇന്ദ്രജിത്തിന്റെ ഭാര്യ വേഷമായിരുന്നു ​ഗോപികയ്ക്ക് ലഭിച്ചത്. പിന്നീട് ചാന്തുപൊട്ട്, കീർത്തിചക്ര, നേരറിയാൻ സിബിഐ, പച്ചക്കുതിര, ദി ഡോൺ, സ്മാർട്ട് സിറ്റി, അലിഭായ് തുടങ്ങി നിരവധി സിനിമകളിലും ​ഗോപിക അഭിനയിച്ചു. തമിഴിൽ സിമ്പു‌വിന്റേയും ജീവയുടേയും വരെ നായകയായി ​ഗോപിക തിളങ്ങിയിട്ടുണ്ട്.

പതിനൊന്ന് വർഷത്തെ സിനിമാ ജീവിതം കൊണ്ട് എത്തിപ്പെടാൻ പറ്റുന്ന ഉയരങ്ങളിൽ എല്ലാം ​ഗോപിക എത്തി. ‌വെറുതെ ഒരു ഭാര്യ അടക്കമുള്ള സിനിമകളിലെ പ്രകടനങ്ങളിലൂടെ നിരവധി പുരസ്കാരങ്ങളും ​ഗോപികയ്ക്ക് ലഭിച്ചിരുന്നു.

അഭിനയ ജീവിതത്തിന്റെ നെറുകയിൽ നിൽക്കുമ്പോഴായിരുന്നു ഗോപിക വിവാഹം കഴിച്ചത്. 2008 ജൂലൈ 17ന് ആണ് അയർലൻഡിൽ ജോലി ചെയ്യുന്ന മലയാളിയായ അജിലേഷ് ചാക്കോയെ താരം വിവാഹം ചെയ്തത്.

പിന്നീടുള്ള കാലം ഭർത്താവും കുട്ടികളുമൊത്ത് കുടുംബസമേതം ഗോപിക അയർലൻഡിൽ താമസമാക്കി. ഒരാൺകുട്ടിയും പെൺകുട്ടിയുമാണ് ഗോപികക്ക് ഉള്ളത്.

Recommended Video

Dr. Robin Dance: ഇത് ദിൽഷക്കുള്ള മറുപടിയോ?കൊയിലാണ്ടിയിൽ ആടി തിമിർത്ത് റോബിൻ | *BiggBoss

രണ്ടുപേരും അയർലൻഡിലാണ് പഠിക്കുന്നത്. ആമി എന്നും ഏദൻ എന്നുമാണ് മക്കളുടെ പേര്. ഇപ്പോൾ നാട്ടിൽ അവധി ആഘോഷിക്കാനെത്തിയ ​ഗോപികയുടേയും കുടുംബത്തിന്റേയും ചിത്രമാണ് വൈറലാകുന്നത്. ​

ഗോപികയുടെ സഹോദരിയാണ് ചിത്രങ്ങൾ സോഷ്യൽമീഡിയയിൽ പങ്കുവെച്ചിരിക്കുന്നത്. മഞ്ഞ കുർത്തിയിൽ പഴയതിനേക്കാൾ അതീവ സുന്ദരിയാണ് ​ഗോപിക.

താരം സോഷ്യൽമീഡിയയിൽ അധികം സജീവമല്ലാത്തതിനാൽ താരത്തിന്റെ വിശേഷങ്ങൾ ആരാധകർക്കും അറിയാൻ സാധിച്ചിരുന്നില്ല. ​