ദിവ്യ ഉണ്ണിയെപ്പോലെ വിദ്യയും പ്രണയിച്ച് വിവാഹിതയായി! വിവാഹ വീഡിയോ വൈറലാവുന്നു! കാണൂ!

ദിവ്യ ഉണ്ണിക്ക് പിന്നാലെ

അടുത്തിടെയായിരുന്നു ദിവ്യ ഉണ്ണി അരുണ്‍കുമാര്‍ മണികണ്ഠന്റെ ജീവിതസഖിയായത്. വിവാഹത്തിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. ഇതിന് പിന്നാലെയായാണ് താരകുടുംബത്തില്‍ മറ്റൊരു മംഗളകര്‍മ്മം കൂടി നടന്നത്. ആദ്യ സിനിമയിലൂടെ തന്നെ ശ്രദ്ധിക്കപ്പെട്ടിരുന്നുവെങ്കിലും ഇടയ്ക്ക് വെച്ച് വിദ്യയും സിനിമയോട് ബൈ പറയുകയായിരുന്നു. ചേച്ചിയെപ്പോലെ തന്നെ നൃത്തത്തിലും മികവ് തെളിയിച്ചിരുന്നു വിദ്യ. ഇരുവരും ഒരുമിച്ച് നൃത്തപരിപാടികള്‍ അവതരിപ്പിച്ചിരുന്നു. വിദ്യ ഉണ്ണി വിവാഹിതയാവാന്‍ പോവുകയാണെന്നുള്ള കാര്യത്തെക്കുറിച്ച് നേരത്ത തന്നെ റിപ്പോര്‍ട്ടുകള്‍ പുറത്തുവന്നിരുന്നു. വിവാഹ നിശ്ചയത്തിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. ഇപ്പോഴിതാ വിവാഹത്തിന്‍റെ ചിത്രങ്ങളാണ് വൈറലായിക്കൊണ്ടിരിക്കുന്നത്.

സിനിമയില്‍ അഭിനയിച്ചു

ചേച്ചിക്ക് പിന്നാലെ വിദ്യയും സിനിമയില്‍ തുടക്കം കുറിച്ചിരുന്നു. കുഞ്ചാക്കോ ബോബനും ഭാവനയും നായികാനായകന്‍മാരായെത്തിയ ഡോക്ടര്‍ ലവിലൂടെയായിരുന്നു വിദ്യ തുടക്കം കുറിച്ചത്. മികച്ച പുതുമുഖ നടിക്കുള്ള പുരസ്‌കാരം താരത്തിനെ തേടിയെത്തിയിരുന്നു. പിന്നീട് ജോലിയില്‍ ശ്രദ്ധ കേന്ദ്രീകരിക്കുകയായിരുന്നു വിദ്യ. ഹോങ്കോങ്ങില്‍ കോഗ്നിസെന്റില്‍ ഉദ്യോഗസ്ഥയാണ്. കൊല്ലം അമൃത സ്‌കൂള്‍ ഓഫ് എഞ്ചിനീയറിങ്ങില്‍ നിന്ന് എഞ്ചിനീയറിങ്ങ് പൂര്‍ത്തിയാക്കിയതാണ് വിദ്യ. ദിവ്യയും വിദ്യയും വേദികളില്‍ ഒരുമിച്ചെത്തിയപ്പോഴൊക്കെ മികച്ച സ്വീകാര്യതയാണ് ലഭിച്ചത്.

നൃത്തത്തിലും മികവ്

അഭിനയത്തില്‍ മാത്രമല്ല നൃത്തത്തിലും മികവ് തെളിയിച്ച് മുന്നേറിയതാണ് വിദ്യ. ചേച്ചിക്കൊപ്പം മത്സരിച്ച് നൃത്തം ചെയ്യുന്ന വിദ്യയെ നിരവധി തവണ നമ്മള്‍ കണ്ടിട്ടുണ്ട്. ചാനല്‍ പരിപാടികളിലും മറ്റുമൊക്കെ സജീവമായി താരമെത്താറുണ്ട്. ചേച്ചിയാണ് തന്റെ ഗുരുവും വഴികാട്ടിയെന്നും താരം പറഞ്ഞിരുന്നു. നൃത്തത്തെ ജീവവായുവായി കരുതുന്നയാളാണ് ദിവ്യ ഉണ്ണി. കുട്ടിക്കാലം മുതലേ തന്നെ നൃത്തപഠനം തുടങ്ങിയിരുന്നു.

വിവാഹത്തെക്കുറിച്ച് വിദ്യ

കോളേജില്‍ എത്തിയപ്പോഴാണ് സഞ്ജയിനെ പരിചയപ്പെട്ടത്. ആദ്യദിനത്തിലായിരുന്നു തങ്ങള്‍ പരിചയപ്പെട്ടത്. പെട്ടെന്ന് തന്നെ നല്ല സുഹൃത്തുക്കളായി മാറുകയായിരുന്നു തങ്ങള്‍. വര്‍ഷങ്ങള്‍ കഴിയവെ ആ സൗഹൃദം മനോഹരമായ പ്രണയമായി മാറുകയായിരുന്നുവെന്ന് വിദ്യ ഉണ്ണി പറയുന്നു. പ്രണയിച്ച് വിവാഹിതയായ താരത്തിന് ാസംസ നേര്‍ന്ന് ആരാധകരും രംഗത്തെത്തിയിരുന്നു.

വീഡിയോ കാണാം

വിദ്യ ഉണ്ണിയുടെ വിവാഹ വീഡിയോ കാണാം.