പാസ്പോർ‌ട്ട് ഫോട്ടോയിൽ പോലും എന്ത് സുന്ദരിയാണ്; ഭാര്യയുടെ സൗന്ദര്യത്തെക്കുറിച്ച് വിഘ്നേശ് ശിവൻ

Also Read: 'തൊട്ടുപോകരുതെന്ന് ഐശ്വര്യ പറഞ്ഞു, ഒരുപാട് വേദന സഹിച്ചിട്ടുണ്ട്'; കുമാരി ഷൂട്ടിങ് അനുഭവം പങ്കുവച്ച് ഷൈൻ ടോം

അടുത്തിടെയാണ് വാടക ​ഗർഭധാരണത്തിലൂടെ താര ദമ്പതികൾ ഇരട്ടക്കുഞ്ഞുങ്ങളെ സ്വീകരിച്ചത്. ഉയിർ, ഉലകം എന്നാണ് ആൺകുഞ്ഞുങ്ങൾക്ക് നൽകിയ പേര്. വാടക ​ഗർഭധാരണവുമായി ബന്ധപ്പെട്ട് ഏറെ വിവാ​ദങ്ങളും കഴിഞ്ഞ ദിവസങ്ങളിലായി ഉണ്ടായിരുന്നു.

വാടക ​ഗർഭധാരണത്തിന്റെ ചട്ടങ്ങൾ താരങ്ങൾ ലംഘിച്ചോ എന്നത് സംബന്ധിച്ച് തമിഴ്നാട് സർക്കാർ അന്വേഷണം പ്രഖ്യാപിച്ചതോടെ ആണ് വിവാ​ദം കനത്തത്. എന്നാൽ താരങ്ങൾ സമർപ്പിച്ച രേഖകൾ പരിശോധിച്ച് ചട്ടലം​ഘനം നടന്നിട്ടില്ലെന്ന് തമിഴ്നാട് സർക്കാർ അറിയിച്ചു. ഇതോടെ ആഴ്ചകൾ നീണ്ട വിവാദം അവസാനിച്ചിരിക്കുകയാണ്.

കഴിഞ്ഞ ദിവസം ദീപാവലി ആഘോഷത്തിന് കുട്ടികളോടൊപ്പം ആശംസയറിയിച്ച് കൊണ്ട് താരങ്ങൾ വീഡിയോയും പുറത്ത് വിട്ടിരുന്നു. ഇപ്പോഴിതാ വിഘ്നേശ് ശിവൻ ഇൻസ്റ്റ​ഗ്രാം സ്റ്റോറിയിലിട്ട ഫോട്ടോ ആണ് ശ്രദ്ധ നേടുന്നത്. നയൻതാരയുടെ പാസ്പോർട്ട് സെെസ് ഫോട്ടോ ആണ് വിഘ്നേശ് പങ്കുവെച്ചത്. പാസ്പോർട്ട് സൈസ് ഫോട്ടോയിൽ പോലും തിളങ്ങുന്ന സൗന്ദര്യമാണെന്നാണ് വിഘ്നേശ് ഫോട്ടോയ്ക്കൊപ്പം കുറിച്ചിരിക്കുന്നത്.

Also..." data-gal-src="malayalam.filmibeat.com/img/600x100/2022/10/image-2-1650626893-1667020355.jpg">

Also Read: അക്കാര്യം ഇഷ്ടമായില്ലെങ്കിൽ അത് തുറന്നു പറയും, അവളുടെ സത്യസന്ധത പറയാതെ വയ്യ!; മറിയത്തെ കുറിച്ച് ദുൽഖർ

സോഷ്യൽ മീഡിയയിൽ സജീവമായ വിഘ്നേശ് ശിവൻ നയൻതാരയെക്കുറിച്ച് ഇടയ്ക്കിടെ പോസ്റ്റുകൾ ഇടാറുണ്ട്. നടി സോഷ്യൽ മീഡിയയിൽ ഇല്ല. അതിനാൽ തന്നെ നയൻസിന്റെ വിശേഷങ്ങൾ ആരാധകർ അറിയുന്നത് വിഘ്നേശ് ശിവന്റെ സോഷ്യൽ മീഡിയ അക്കൗണ്ടുകളിലൂടെ ആണ്. നയൻതാരയെ പറ്റി നേരത്തെ പലതവണ വിഘ്നേശ് ശിവൻ സംസാരിച്ചിരുന്നു.

തീരുമാനങ്ങൾ എടുക്കുന്നതിൽ നയൻതാരയെ മറ്റൊരാൾക്ക് സ്വാധീനിക്കാനാവില്ലെന്നായിരുന്നു വിഘ്നേശ് ശിവൻ പറഞ്ഞത്. ഇഷ്ടപ്പെടാത്ത ഒന്നും നയൻതാര ചെയ്യാറില്ല അതിന് ആർക്കും അവരെ സ്വാധീനിക്കാനാവില്ലെന്നും വിഘ്നേശ് ശിവൻ നേരത്തെ പറഞ്ഞിരുന്നു.

മലയാളത്തിലുൾപ്പെടെ നിരവധി സിനിമകളാണ് നയൻതാരയുടേതായി പുറത്തിറങ്ങാനുള്ളത്. അൽഫോൻസ് പുത്രൻ സംവിധാനം ചെയ്ത സിനിമയിൽ നയൻതാരയാണ് നായിക. പൃഥിരാജ് ആണ് ​ഗോൾഡിലെ നായകൻ. സിനിമയുടെ റിലീസ് തിയതി പ്രഖ്യാപിച്ചിട്ടില്ല.

ഷാരൂഖ് ഖാനോടൊപ്പം അഭിനയിക്കുന്ന ജവാൻ എന്ന സിനിമയുടെ ഷൂട്ടും നടന്ന് കൊണ്ടിരിക്കുകയാണ്. അറ്റ്ലിയാണ് സിനിമയുടെ സംവിധായകൻ. തെലുങ്കിൽ ചെയ്ത ​ഗോഡ്ഫാദർ എന്ന സിനിമ അടുത്തിടെയാണ് റിലീസ് ചെയ്തത്. ചിരഞ്ജീവി ആയിരുന്നു സിനിമയിലെ നായകൻ. തമിഴിൽ നയൻതാരയുടെതായി പുതിയ സിനിമ പ്രഖ്യാപിച്ചിട്ടുണ്ട്. എന്നാൽ സിനിമയ്ക്ക് പേരിട്ടിട്ടില്ല.