'എല്ലാ സന്തോഷങ്ങളിലും ഒപ്പമുണ്ട്'; രശ്മികയും വിജയ് ദേവരകൊണ്ടയും പ്രണയത്തിലാണെന്ന് ഉറപ്പിച്ച് ആരാധകർ!

വിജയ് ദേവരകൊണ്ടയ്ക്ക് സംഭവിച്ചത് പോലെ തന്നെയായിരുന്നു രശ്മികയുടേയും സിനിമാ ജീവിതം. 2016 മുതൽ കന്നട ചിത്രങ്ങളിൽ അഭിനയിച്ച് വരികയായിരുന്ന രശ്മികയുടെ തലവര മാറിയത് ​ഗീതാ ​ഗോവിന്ദത്തിലൂടെയാണ്. വലിയ രീതിയിൽ സിനിമ ശ്രദ്ധിക്കപ്പെടുകയും ചെയ്തിരുന്നു. ​ഗീതാ ​ഗോവിന്ദത്തിൽ നായകൻ വിജയ് ദേവരകൊണ്ടയായിരുന്നു. അന്ന് മുതൽ ഇരുവരും അടുത്ത സുഹൃത്തുക്കളാണ്. എന്നാൽ ഇരുവരും പ്രണയത്തിലാണ് എന്നുള്ള തരത്തിലുള്ള റിപ്പോർട്ടുകളാണ് തെലുങ്ക് സിനിമാ ലോകത്ത് നിന്നും വരുന്നത്. പക്ഷെ പലതവണ ഇതേ കുറിച്ച് ചോദിച്ചപ്പോഴും അടുത്ത സുഹൃത്തുക്കളാണ് എന്ന് മാത്രമാണ് ഇരുവരും പറഞ്ഞത്.

ഇപ്പോൾ ​ഗോവയിലെ ഒരു സ്വകാര്യ പാർട്ടിയിൽ വിജയ് ദേവരകൊണ്ടയ്ക്കൊപ്പം നിന്ന് വിജയിയുടെ വരാനിരിക്കുന്ന ഏറ്റവും പുതിയ സിനിമ ലി​ഗറിന്റെ ​ഗ്ലിബസ് വീഡിയോ ആർപ്പ് വിളിച്ച് ആസ്വദിക്കുന്ന രശ്മികയുടെ വീഡിയോയാണ് വൈറലാകുന്നത്. രശ്മികയ്ക്കും വിജയിക്കുമൊപ്പം വിജയിയുടെ കുടുംബവും ഉണ്ട്. നേരത്തെ ഇരുവരും മുംബൈയിലെ ഒരു റസ്റ്റോറന്റിൽ നിന്ന് പാർട്ടി കഴിഞ്ഞ് വരുന്ന വീഡിയോ വൈറലായിരുന്നു. രശ്മികയുടെ ഏറ്റവും പുതിയ റിലീസ് അല്ലു അർജുന്റെ പുഷ്പയായിരുന്നു. രശ്മിക മുമ്പ് കന്നട നടൻ രക്ഷിത് ഷെട്ടിയുമായി പ്രണയത്തിലായിരുന്നു. പിന്നീട് ഇരുവരും വേർപിരിഞ്ഞുവെന്നാണ് റിപ്പോർട്ട്. വിവാഹം മുടങ്ങിയതിനെക്കുറിച്ച് ഒരുപാട് അഭ്യൂഹങ്ങളാണ് ആ സമയത്ത് പ്രചരിച്ചത്. വിവാഹശേഷം സിനിമയിൽ അഭിനയിക്കുന്നതിൽ നിന്ന് രക്ഷിത് നടിയെ വിലക്കിയെന്നും അതിനാൽ ഗീതാ ഗോവിന്ദം എന്ന ചിത്രത്തിന് ശേഷം തെലുങ്കു സിനിമയിൽ തിരക്കേറിയ താരമായ രശ്മിക വിവാഹത്തിൽ നിന്നും പിൻമാറിയെന്നുമായിരുന്നു റിപ്പോർട്ട്.

Recommended Video

ഫഹദ് മാത്രം തകർത്തു | Pushpa theatre Response | Allu Arjun | Fahadh Fazil | Rashmika Mandana

തുടർന്ന് സത്യവസ്ഥ വെളിപ്പെടുത്തി രക്ഷിത് രം​ഗത്തെത്തിയിരുന്നു. വിവാഹം മുടങ്ങിയെന്ന വാർത്തയോട് രക്ഷിത് പ്രതികരിച്ചില്ല. പകരം ഇതിന് കാരണമായി ചുണ്ടിക്കാട്ടി ചിലർ നടത്തിയ പ്രചരണങ്ങളെ ശക്തമായി എതിർക്കുകയാണ് രക്ഷിത് ചെയ്ത്. 'രശ്മികയെക്കുറിച്ച് നിങ്ങൾ പലതരത്തിലും സംസാരിക്കുന്നുണ്ട്. ആരെയും കുറ്റം പറയാനില്ല. കാരണം എല്ലാവരും അവർ കാണുന്നത് എന്താണോ അത് വിശ്വസിക്കും. മറ്റൊരാളുടെ കാഴ്ചപ്പാടിൽ നിന്ന് നോക്കി കാണാതെ എല്ലാ കാര്യങ്ങളിലും നാം നിഗമനത്തിൽ എത്തും. രശ്മികയെ എനിക്ക് രണ്ട് വർഷമായി അറിയാം. നിങ്ങൾ എല്ലാവരേക്കാളും നന്നായി എനിക്ക് അറിയാം. ഇവിടെ ഒരുപാട് വിഷയങ്ങളുണ്ട്. അതുകൊണ്ട് വാർത്തകളുടെ അടിസ്ഥാനത്തിൽ അവരെ വിലയിരുത്തരുത്. അവരെ സമാധാനത്തോടെ ജീവിക്കാൻ വിടൂ. ഞാനോ രശ്മികയോ ഈ വിഷയത്തെക്കുറിച്ച് മാധ്യമങ്ങളുമായി സംസാരിച്ചിട്ടില്ല. അതുകൊണ്ട് തന്നെ പലകാര്യങ്ങളും തെറ്റാണ്' എന്നായിരുന്നു രക്ഷിത് പറഞ്ഞത്. 2017 ജൂൺ 17 നായിരുന്നു രശ്മികയുടെയും രക്ഷിതിന്റെ വിവാഹ നിശ്ചയം നടന്നത്.