സിദ്ദിഖ് പ്രസംഗിക്കാന്‍ എഴുന്നേറ്റപ്പോള്‍ മഞ്ജു വാര്യര്‍ തടഞ്ഞു, ഒടുവില്‍ മോഹന്‍ലാല്‍ ഇടപെട്ടു!

സിദ്ദിഖിന്റെ തെറ്റിദ്ധാരണ

വില്ലന്റെ ഓഡിയോ ലോഞ്ചിനിടയിലാണ് ഈ സംഭവം നടന്നത്. പരിപടിയില്‍ സംസാരിക്കുന്നതിനായി താരങ്ങളെ ക്ഷണിച്ചപ്പോഴാണ് സിദ്ദിഖിന് അമളി പിണഞ്ഞത്. വളരെ മനോഹരമായി അദ്ദേഹം അത് മറയ്ക്കുകയും ചെയ്തു.

തന്നെ വിളിച്ചെന്ന് തെറ്റിദ്ധരിച്ചു

പരിപാടി പുരോഗമിക്കുന്നതിനിടയില്‍ സിദ്ദിഖ് എന്ന പേര് കേട്ടപ്പോഴാണ് താരത്തിന് അബദ്ധം പറ്റിയത്. തന്നെയാണ് വിളിച്ചതെന്നായിരുന്നു താരം കരുതിയത്. ഉടന്‍ എണീറ്റപ്പോഴാണ് പണി പാളിയെന്ന് അദ്ദേഹത്തിന് മനസ്സിലായത്.

ആശംസ പറയാമെന്നു കരുതി

ആശംസ അറിയിക്കാമെന്ന് കരുതിയാണ് സിദ്ദിഖക് ഇരുന്നിടത്തു നിന്നും ചാടിയെഴുന്നേറ്റത്. എന്നാല്‍ സംവിധായകന്‍ സിദ്ദിഖിനെയാണ് താന്‍ വിളിച്ചതെന്നു പറഞ്ഞ് ബി ഉണ്ണിക്കൃഷ്ണന്‍ താരത്തെ മടക്കി അയയ്ക്കുകയായിരുന്നു.

പിന്നീട് വിളിച്ചപ്പോള്‍

സംവിധായകന്‍ സിദ്ദിഖിനെ കൂടാതെ കുറച്ച് പേര്‍ കൂടി ആശംസ അറിയിച്ചപ്പോഴാണ് നടന്‍ സിദ്ദിഖിനെ സംവിധായകന്‍ വിളിച്ചത്. അപ്പോള്‍ വിളിച്ചത് തന്നെയാണെന്ന് സ്ഥിരീകരണം വരുത്തിയതിന് ശേഷമാണ് അദ്ദേഹം സീറ്റില്‍ നിന്നും എഴുന്നേറ്റത്.

ആരും വിളിക്കാറില്ല

സാധാരണയായി ആരും തന്നെ സംസാരിക്കാന്‍ വിളിക്കാറില്ല. അതുകൊണ്ടാണ് തന്റെ പേര് കേട്ടപ്പോള്‍ തന്നെ ചാടിയെഴുന്നേറ്റതെന്ന് സിദ്ദിഖ് പറഞ്ഞു. വില്ലന് ആശംസ അറിയിച്ചപ്പോഴാണ് താരം കാര്യങ്ങള്‍ വിശദമാക്കിയത്.

മോഹന്‍ലാലിന്റെ കമന്റ്

ആശംസ അറിയിച്ച് സിദ്ദിഖ് തിരികെ എത്തിയപ്പോഴാണ് മോഹന്‍ലാല്‍ ഇക്കാര്യം പറഞ്ഞത്. താന്‍ എഴുന്നേല്‍ക്കാന്‍ തുടങ്ങിയപ്പോള്‍ തന്നെ മഞ്ജു തന്റെ മുണ്ടില്‍ കയറി പിടിച്ചതാണ്. അത് അഴിഞ്ഞു പോകാത്തത് കാര്യമായെന്നും താരം പറഞ്ഞു.

താരങ്ങളാല്‍ സമ്പന്നമായ ചടങ്ങ്

വില്ലന്റെ ഓഡിയോ ലോഞ്ചില്‍ പങ്കെടുക്കുന്നതിനായി താരങ്ങളും അണിയറപ്രവര്‍ത്തകരും എത്തിയിരുന്നു. പരിപാടിയുടെ ചിത്രങ്ങള്‍ ഇതിനോടകം തന്നെ സോഷ്യല്‍ മീഡിയയിലൂടെ വൈറലായിരുന്നു.