സെറ്റിലിരുന്ന് ഡയലോഗ് വായിക്കുന്ന അപ്പുവിനെ കണ്ടിട്ടില്ല, പ്രണവ് ഇങ്ങനെയാണ്, വെളിപ്പെടുത്തി വിനീത്

2020 ൽ ആയിരുന്നു ഹൃദയത്തിന്റെ ചിത്രീകരണം ആരംഭിക്കുന്നത്. എന്നാൽ ചിത്രീകരണം ആരംഭിച്ച് കുറച്ച് ദിവസം കഴിഞ്ഞപ്പോൾ തന്നെ കൊവിഡ് പ്രതിസന്ധിയെ തുടർന്ന് സിനിമ ചിത്രീകരണം നിർത്തി വയ്ക്കുകയായിരുന്നു. പിന്നീട് ലോക്ക് ഡൗൺ പ്രഖ്യാപിക്കുകയും ചെയ്തു. ലോക്ക് ഡൗണിൽ ഇളവ് പ്രഖ്യാപിച്ചതിനെ തുടർന്ന് നിർത്തിവെച്ച് സിനിമാ ചിത്രീകരണം ആരംഭിച്ചിട്ടുണ്ട്. ഹൃദയത്തിന്റെ ഒരു ഷെഡ്യൂൾ പൂർത്തിയായിട്ടുണ്ട്.

ലോക്ക് ഡൗണിന് മുൻപ് തന്നെ 50 ശതമാനം ചിത്രീകരണം പൂർത്തിയാക്കിയതായി വിനീത് ശ്രീനിവാസൻ അഭിമുഖത്തിൽ പറഞ്ഞു. കല്യാണി പ്രിയദർശൻ സിനിമയിൽ ജോയിൻ ചെയ്യാൻ ഇരിക്കവെയായിരുന്നു ലോക്ക്ഡൗൺ പ്രഖ്യാപിച്ചത്. കല്യാണിക്കൊപ്പം തന്നെ ചിത്രത്തിൽ ദർശന രാജേന്ദ്രനും ഒരു പ്രധന കഥാപാത്രത്തെയാണ് അവതരിപ്പിക്കുന്നത്. വളരെ സ്വാഭാവികമായാണ് അഭിനയിക്കുന്ന താരമാണ് ദർശനയെന്നും വിനീത് അഭിമുഖത്തിൽ പറയുന്നു.

പ്രണവ് മോഹൻലാലിനോടൊപ്പമുള്ള അനുഭവവും വിനീത് അഭിമുഖത്തിൽ പങ്കുവെച്ചിരുന്നു. ഒരു സംവിധായകന്‍ എന്ന നിലയില്‍ പ്രണവ് മോഹന്‍ലാലിനൊപ്പം സിനിമ ചെയ്യാന്‍ വളരെ എളുപ്പമായിരുന്നു. സെറ്റില്‍ നേരത്തെ എത്തുകയും, ഡയലോഗുകള്‍ എല്ലാം നേരത്തെ വ്യക്തമായി പഠിക്കുകയുചെയ്യും. ചിത്രീകരണം തുടങ്ങുന്നതിനും 15 മിനിറ്റ് മുൻപ് അപ്പു സെറ്റിൽ എത്തും. സെറ്റിലിരുന്നു ഒരിക്കൽ പോലും അവൻ ഡയലോഗ് വായിക്കുന്നത് താൻ കണ്ടിട്ടില്ല. അപ്പു അത് കാണാപ്പാഠം പഠിക്കുകയാണ് ചെയ്യുന്നത്. ഇത്തരത്തിലുള്ള അഭിനേതാക്കള്‍ക്കൊപ്പം സിനിമ ചെയ്യാന്‍ വളരെ എളുപ്പമാണ്. ലോക്ക് ഡൗണിന് ശേഷമാണ് കല്യാണി സെറ്റിൽ ജോയിൻ ചെയ്യുന്നത്.

കൂടാതെ വിനീതിന്റേയും ഭാര്യ ദിവ്യയുടേയും ജീവിത കഥയാണ് സിനിമയെന്നുള്ള അഭ്യൂഹങ്ങൾ നേരത്തെ പ്രചരിച്ചിരുന്നു. എന്നാൽ അത് ശരിയല്ലെന്നാണ് വിനീത് പറയുന്നത്. ഏതെങ്കിലും ഒരു വ്യക്തിയുടേയോ ഒരു കൂട്ടം ആളുകളേയും ജീവിതമല്ല ചിത്രമെന്നും എന്നാൽ തങ്ങളുടെ കോളേജ് സമയത്തുള്ള ചില നിമിഷങ്ങളും, അനുഭവങ്ങളും ചിത്രത്തിലുണ്ടെന്നും വിനീത് അഭിമുഖത്തില്‍ പറഞ്ഞു.

ലോക്ക് ഡൗണിന് ശേഷം ആരംഭിച്ച ഹൃദയത്തിന്റെ ആദ്യ ഷെഡ്യൂൾ കൊച്ചിയിൽ പൂർത്തിയായിട്ടുണ്ട്. ഇൻസ്റ്റഗ്രാം പേജിലൂടെയാണ് വിനീത് ഈ സന്തോഷ വാർത്ത പ്രേക്ഷകരുമായി പങ്കുവെച്ചത്. തട്ടത്തിൻ മാറയത്തിന് ശേഷം ഏറ്റവും രസകരമായ സെറ്റായിരുന്നു എന്നും വിനീത് സോഷ്യൽ മീഡിയയിൽ കുറിച്ചിരുന്നു. വിനീതിന്റെ ഇൻസ്റ്റഗ്രാം പോസ്റ്റ് ഇങ്ങനെ... കൊച്ചിയിൽ ഹൃദയത്തിന്റെ ആദ്യ ഷെഡ്യൂൾ പൂർത്തിയായി. തട്ടത്തിൻ മറയത്ത് സിനിമയ്ക്ക് ശേഷം ഇത്രയധികം രസകരമായ അനുഭവങ്ങൾ ഉണ്ടായാത് ഹൃദയത്തിലായിരുന്നു. മറ്റൊരു സ്ഥലത്തേയ്ക്ക് സെറ്റ് മാറുകയാണ് .ചിത്രീകരണത്തിനായി വിളിച്ചു വരുത്തിയ ആളുകളെല്ലാം നല്ല രീതിയിൽ സഹായിച്ചു. എല്ലാവർക്കും നന്ദിയുണ്ട്. ഹൃദയത്തിന്റെ മനോഹരമായ ഈ യാത്ര തുടരുന്നുവെന്നും വിനീത് ഇൻസ്റ്റഗ്രാമിൽ കുറിച്ചു.