മമ്മൂട്ടിയുടെ ആ ചോദ്യം ശരിക്കും ഞെട്ടിച്ചു! കണ്ണുനിറഞ്ഞുപോയെന്നും വിനോദ് കോവൂര്‍!

മലയാള സിനിമ ഉപയോഗപ്പെടുത്തുന്നില്ല

തന്നിലെ കലാകാരനെ കൃത്യമായി അദ്ദേഹത്തിന് മുന്നില്‍ തുറന്നുകാണിക്കാന്‍ കഴിഞ്ഞിരുന്നില്ലെന്നുള്ള നിരാശ വിനോദ് കോവൂരിന്റെ മനസ്സിലുണ്ടായിരുന്നു. എന്നാല്‍ വിഎം വിനു അദ്ദേഹത്തെ ഞെട്ടിക്കുകയായിരുന്നു. തന്നെ സ്‌റ്റേജിലേക്ക് ക്ഷണിച്ച വിനോദിനെക്കുറിച്ച് വാചാലനാവുകയായിരുന്നു അദ്ദേഹം. കുറേനേരമായി താന്‍ ഇവന്റെ കാലപ്രകടനങ്ങള്‍ വീക്ഷിക്കുകയാണെന്നും ഗംഭീരനടനാണ് ഇവെന്നും അദ്ദേഹം പറഞ്ഞിരുന്നു. നല്ല കാലിബറുള്ളയാളാണ്. ടൈമിംഗുമുണ്ട്. മലയാള സിനിമ ഇവനെ കൃത്യമായി ഉപയോഗപ്പെടുത്തുന്നില്ല.

മമ്മൂട്ടി പറഞ്ഞത്

താനിപ്പോള്‍ പറഞ്ഞ കാര്യങ്ങള്‍ തന്നോട് പറഞ്ഞത് മമ്മൂട്ടിയാണ്. ഇതാരാണ് പറഞ്ഞതെന്ന് അറിഞ്ഞാല്‍ നിങ്ങള്‍ ഞെട്ടുമെന്ന് പറഞ്ഞതിന് പിന്നാലെയായാണ് അദ്ദേഹം ഇതേക്കുറിച്ച് വ്യക്തമാക്കിയത്. ഇതിനിടയില്‍ സദസ്സിലുള്ളവരും ഒന്നടങ്കം കൈയ്യടിക്കുകയായിരുന്നു. ഇതുകൂടി കേട്ടപ്പോള്‍ മനസ്സും കണ്ണും ഒരുപോലെ നിറയുകയായിരുന്നു. കഥ പറയാനായി മമ്മൂട്ടിക്കരികിലേക്ക് പോയപ്പോഴായിരുന്നു അദ്ദേഹം ഇക്കാര്യങ്ങള്‍ പറഞ്ഞതെന്നും സംവിധായകന്‍ പറഞ്ഞിരുന്നു.

ഡേറ്റ് തരണം

മമ്മൂട്ടി പറഞ്ഞ കാര്യങ്ങളെക്കുറിച്ച് പറഞ്ഞതിന് പിന്നാലെയായാണ് അദ്ദേഹം തനിക്കൊരു ഡേറ്റ് തരണമെന്ന് വിനോദിനോട് ആവശ്യപ്പെട്ടത്. ഈ സംഭവം കഴിഞ്ഞ് ഭക്ഷണം കഴിക്കുന്നതിനിടയില്‍ താന്‍ സംശയനിവാരണത്തിനായി വീണ്ടും സംവിധായകന് അരികിലേക്ക് പോയെന്നും വിനോദ് കോവൂര്‍ പറയുന്നു. ശരിക്കും മമ്മൂട്ടി അങ്ങനെ പറഞ്ഞോയെന്നായിരുന്നു സംശയം. അതേ വിനോദേ, അദ്ദേഹം പറഞ്ഞതാണ്. താന്‍ സ്റ്റേജില്‍ കയറി കള്ളം പറയുമെന്ന് തോന്നുന്നുണ്ടോയെന്നും അദ്ദേഹം ചോദിച്ചിരുന്നു.

മമ്മൂട്ടിക്കൊപ്പമുള്ള അഭിനയം

മമ്മൂട്ടിക്കൊപ്പം അഭിനയിക്കണമെന്നത് വലിയ മോഹമായിരുന്നു അതിനിടയിലാണ് അത്തരത്തിലൊരു അവസരം ലഭിച്ചത്. കള്ളുകുടിയനായ കഥാപാത്രത്തെയായിരുന്നു അവതരിപ്പിച്ചത്. തനിക്ക് മദ്യക്കുപ്പി തുറക്കാനറിയില്ലെന്ന് പറഞ്ഞപ്പോള്‍ സംവിധായകന്‍ അമ്പരപ്പെട്ടിരുന്നു. അപ്പോള്‍ ഈ രംഗം ചെയ്താല്‍ ശരിയാവുമോയെന്നായിരുന്നു അദ്ദേഹത്തിന്റെ സംശയം. കാണിച്ച് തന്നാല്‍ ചെയ്യാമെന്ന് പറഞ്ഞ് അഭിനയിക്കുകയായിരുന്നു. ആ രംഗം കണ്ട് മമ്മൂക്കയും തന്നെ അഭിനന്ദിച്ചിരുന്നതായും താരം പറയുന്നു.