സ്വർണം ഉണ്ടായി‌ട്ടും വേണ്ട, എല്ലാം ഉള്ളവർ അങ്ങനെയാണ്; നമ്മളാണെങ്കിൽ...; മഞ്ജുവിനെക്കുറിച്ച് ചർച്ച

മലയാളികളുടെ പ്രിയങ്കരിയായ മഞ്ജു വാര്യർ ഇന്ന് തമിഴകത്തും സാന്നിധ്യം അറിയിക്കുന്നുണ്ട്. തിരക്കുകളിൽ നിന്നും തിരക്കുകളിലേക്ക് പോകുന്ന മഞ്ജു വാര്യർ എമ്പുരാന്റെ വിജയത്തിളക്കത്തിലാണിപ്പോൾ. ഓൺ സ്ക്രീനിലെ പോലെ തന്നെ ഓഫ് സ്ക്രീനിലും മഞ്ജുവിനോട് ആരാധകർക്ക് മതിപ്പുണ്ട‍്. എല്ലാവരോടും സൗമ്യമായി പെരുമാറുന്നയാളാണ് നടിയെന്ന് സഹപ്രവർത്തകരും ആരാധകരും പറയാറുണ്ട്. മഞ്ജുവിന്റ സിംപിൾ ലുക്കും ഏവർക്കുമിഷ്ടമാണ്.

നടൻ നിവിൻ പോളിക്കൊപ്പം പങ്കെടുത്ത ചടങ്ങിൽ നിന്നുള്ള മഞ്ജുവിന്റെ ദൃശ്യങ്ങളാണിപ്പോൾ സോഷ്യൽ മീഡിയയിൽ വെെറലാകുന്നത്. നടിയുടെ സിംപിൾ ലുക്കിനെ നിരവധി പേർ പ്രശംസിച്ചു. സ്വർണാഭരണങ്ങൾ അണിയാത്തതും ആരാധകർ ചൂണ്ടിക്കാട്ടി. ഞാൻ അതല്ല നോക്കിയത്. ആ കാലിൽ പാദസ്വരം ഇട്ടിട്ടില്ല. ഇവിടെ നമ്മളൊക്കെ സ്വർണം ഇല്ലെങ്കിലും ​ഗോൾഡ് കവറിം​ഗ് പാദസ്വരം എങ്കിലും നാട്ടുകാരെ കാണിക്കാൻ വേണ്ടി ഇടും. ​എല്ലാം ഉള്ളവർക്ക് ഇടണ്ട. ഇല്ലാത്തവർക്ക് ഇടാനും പൂതി, ഒരു ആരാധികയുടെ കമന്റിങ്ങനെ. ഇങ്ങനെയൊക്കെ വരുമ്പോൾ ചേച്ചിക്ക് ഒന്ന് ഒരുങ്ങിയൊക്കെ വന്നൂടെ. എങ്ങനെ വന്നാലും അടിപൊളിയെന്നാണ് മറ്റൊരാളുടെ കമന്റ്.

സ്വർണാഭരണങ്ങൾ ധരിച്ച് മഞ്ജു വാര്യരെ അപൂർമായേ പൊതുവേദികളിൽ കാണാറുള്ളൂ. അതേസമയം തന്റെ സ്റ്റെെലിം​ഗിൽ നടി ശ്രദ്ധ കൊടുക്കാറുണ്ട്. എപ്പോഴും സിംപിൾ ലുക്കിനാണ് മഞ്ജു വാര്യർ പ്രാധാന്യം നൽകുന്നത്. അടുത്ത കാലത്തായി താരത്തിന് വന്ന മേക്കോവർ ആരാധകർ ശ്രദ്ധിക്കുന്നുണ്ട്. മഞ്ജു വാര്യർക്ക് അനുയോജ്യമായ സ്റ്റെെലിംഗാണ് ഇപ്പോഴത്തേതെന്ന് അഭിപ്രായങ്ങൾ വരുന്നു.

ഈയടുത്ത് മഞ്ജു പൊതുവേദികളിലെത്തിയപ്പോഴെല്ലാം ആരാധകർ ശ്രദ്ധിച്ചത് നടിയുടെ സ്റ്റെെലിം​ഗാണ്. ഇതേക്കുറിച്ച് അധികം സംസാരിക്കാറില്ലെങ്കിലും ലുക്കിൽ വലിയ ശ്രദ്ധ നടി നൽകുന്നുണ്ട്. സ്കിൻ കെയറിലും നടി ശ്രദ്ധ കൊടുക്കുന്നു. എന്നാൽ ചെറുപ്പമായിരിക്കുന്നു എന്ന പ്രശംസ തന്നെ സന്തോഷിപ്പിക്കാറില്ലെന്ന് മഞ്ജു വാര്യർ ഒരിക്കൽ പറഞ്ഞിട്ടുണ്ട്. സന്തോഷത്തോടെയിരിക്കുന്നു എന്ന് കേൾക്കാനാണ് താനാ​ഗ്രഹിക്കുന്നതെന്നാണ് നടി പറയാറുള്ളത്. എമ്പുരാൻ, വേട്ടയാൻ തുടങ്ങിയ സിനിമകളുടെ ഇവന്റിന് വളരെ സ്റ്റെെലിഷായാണ് നടി എത്തിയത്. ഈ ദൃശ്യങ്ങൾ സോഷ്യൽ മീഡിയയിൽ വെെറലായി.

മിസ്റ്റർ എക്സ് ആണ് മഞ്ജു വാര്യരുടെ അടുത്ത സിനിമ. ​തമിഴ് ചിത്രത്തിൽ ആര്യ, ​ഗൗതം കാർത്തിക്, ശരത് കുമാർ എന്നിവരാണ് മഞ്ജുവിനൊപ്പം പ്രധാന വേഷം ചെയ്യുന്നത്. നടിയുടെ പുതിയ സിനിമകൾക്കായി കാത്തിരിക്കുകയാണ് ആരാധകർ. മഞ്ജുവിന്റെ പുതിയ മലയാളം സിനിമകളൊന്നും പ്രഖ്യാപിച്ചിട്ടില്ല. എമ്പുരാന് മുമ്പ് ഫൂട്ടേജ് ആണ് മഞ്ജുവിന്റേതായി റിലീസ് ചെയ്ത സിനിമ. ചിത്രം ശ്രദ്ധിക്കപ്പെട്ടില്ല. എമ്പുരാന് മുമ്പ് മലയാളത്തിൽ തുടരെ പരാജയങ്ങളിലായിരുന്നു മഞ്ജു വാര്യർ.

ഇക്കാര്യം സിനിമാ ലോകത്ത് ചർച്ചയാകവെയാണ് എമ്പുരാൻ നടിക്ക് തുണയാകുന്നത്. അതേസമയം മലയാളത്തിൽ പരാജയങ്ങൾ വന്നപ്പോഴും തമിഴിൽ തുടരെ ഹിറ്റുകളുമായി മുന്നേറുകയായിരുന്നു നടി. അസുരൻ, തുനിവ്, വേട്ടെയാൻ എന്നീ മൂന്ന് സിനിമകളും ശ്രദ്ധ നേടി. മഞ്ജു വാര്യരുടെ പുതിയ സിനിമകളിൽ തമിഴ് പ്രേക്ഷകർക്കും ഇന്ന് പ്രതീക്ഷയുണ്ട്. ഒന്നിന് പിറകെ ഒന്നായി ബിഗ് ബഡ്ജറ്റ് സിനിമകളാണ് നടിയെ തേടി എത്തുന്നത്. മലയാളത്തിൽ പുതിയ സിനിമകളിലൊന്നും നടി ഒപ്പുവെച്ചിട്ടില്ല. ഔദ്യോ​ഗിത പ്രഖ്യാപനങ്ങൾക്കായി കാത്തിരിക്കുകയാണ് മഞ്ജു വാര്യരുടെ ആരാധകർ.