For Quick Alerts
    ALLOW NOTIFICATIONS  
    For Daily Alerts

    ചുംബന രം​ഗത്തിൽ മാത്യു പേടിച്ചു, ഒരുപാട് ടേക്ക് പോയി; സംഭവം വിവരിച്ച് മാളവിക മോഹനൻ

    |

    അഭിനയ മികവിലൂടെയും ‍‍ഡാൻസിലൂടെയും ആരാധക വൃന്ദം സൃഷ്ടിച്ച ഒരുപാട് നടിമാർ ഉണ്ട്. എന്നാൽ ഫോട്ടോഷൂട്ടുകളിലൂടെ വൻ ആരാധക വൃന്ദം തീർത്ത നടിയാണ് മാളവിക മോഹനൻ. ​നടി അഭിനയിച്ച സിനിമകൾ കുറവാണ്. അതിൽ തന്നെ പ്രേക്ഷകർ കണ്ട ഇവരുടെ സിനിമകളും കുറവാണ്.

    എന്നാൽ മാളവിക മോഹനെ അറിയാത്തവർ ചുരുക്കം ആയിരിക്കും. ഒരു നായിക നടിക്ക് പൊതുവെ കണ്ടു വരുന്ന ​ഗ്ലാമറും ഐക്കണിക് മുഖവും എല്ലാം ഉണ്ടായിട്ടും എന്ത് കൊണ്ടാണ് മാളവികയെ സിനിമകളിൽ അധികം കാണാത്തതെന്നാണ് ആരാധകരുടെ ചോദ്യം.

    Also Read: താറാവിനെ പോലെയുള്ള നടത്തം അവർക്ക് ഇഷ്ടമായി, പത്മാവതിയെ അങ്ങനെ മേനകയാക്കി!, ആദ്യ സിനിമയെ പറ്റി മേനക!

    പട്ടം പോലെ എന്ന മലയാള സിനിമയിലൂടെ ആണ് മാളവികയുടെ സിനിമാ അരങ്ങേറ്റം. ദുൽഖർ സൽമാൻ നായകനായെത്തിയ സിനിമ കാര്യമായി ശ്രദ്ധിക്കപ്പെട്ടില്ല. പിന്നീട് നിർണായകം എന്ന മലയാള സിനിമയിലും മാളവിക മലയാളത്തിൽ അഭിനയിച്ചു.

    ഹിന്ദിയിലും തമിഴിലും മാളവിക അഭിനയിച്ചിട്ടുണ്ട്. രജനീകാന്ത് ചിത്രം പേട്ടയിലൂടെ ആണ് നടി തമിഴിലേക്ക് മാളവിക ചുവട് വെക്കുന്നത്. പിന്നീട് വിജയ് നായകനായ മാസ്റ്റർ, ധനുഷിന്റെ മാരൻ എന്നീ സിനിമകളിലും അഭിനയിച്ചു.

    Also Read: വിവാഹ വാർഷിക ദിനത്തിൽ മരിച്ചുപോയ ഭർത്താവിന്റെ കത്ത് കിട്ടി, മകളുടെ സർപ്രൈസിൽ കണ്ണീരണിഞ്ഞ് താര കല്യാൺ!

    ഏറെ നാളുകൾക്ക് ശേഷം ക്രിസ്റ്റി എന്ന സിനിമയിലൂടെ മലയാളത്തിലേക്ക് വീണ്ടും എത്തുകയാണ് മാളവിക. നവാ​ഗതനായ ആൽഹിൻ ഹെൻട്രി ഒരുക്കുന്ന സിനിമയാണിത്. ബെന്യാമിനും ജി ആർ ഇന്ദു​ഗോപനും ചേർന്നാണ് ക്രിസ്റ്റിയുടെ തിരക്കഥ എഴുതിയിരിക്കുന്നത്.

    മാത്യു തോമസ് ആണ് സിനിമയിലെ നായകൻ. കൗമാരക്കാരനും യുവതിയും തമ്മിലുള്ള പ്രണയമാണ് സിനിമയുടെ പ്രമേയം. ഫെബ്രുവരിയിലാണ് സിനിമ റിലീസ് ചെയ്യുന്നത്.

    ഇപ്പോഴിതാ സിനിമയെക്കുറിച്ച് സംസാരിക്കവെ മാളവിക പറഞ്ഞ കാര്യമാണ് ശ്രദ്ധ നേടുന്നത്. മിർച്ചി മലയാളത്തോട് സംസാരിക്കുകയായിരുന്നു നടി, സിനിമയിലെ ഒരു ചുംബന രം​ഗത്തിൽ അഭിനയിക്കവെ മാത്യുവിന് വളരെ ചമ്മൽ ആയിരുന്നെന്ന് മാളവിക പറയുന്നു.

    മാത്യുവിന്റെ ക്യാരക്ടർ ക്രിസ്റ്റിയെ കിസ് ചെയ്യാൻ വരുന്ന സീൻ ഉണ്ട്. കിസ് നടക്കുകയോ ഇല്ലയോ എന്ന് പടം കണ്ടാൽ അറിയാം. ആ സീൻ കുറേ ടേക്ക് പോയി, വളരെ ഫണ്ണി ആയിരുന്നു കാരണം മാത്യു വളരെ ഒക്വേർഡ് ആയിരുന്നു വളരെ പാവമായി പേടിച്ച് ഇരിക്കുകയായിരുന്നു.

    'ഞാനും ഓൺ സ്ക്രീൻ കിസ് ചെയ്തിട്ടില്ല. കിസ് ചെയ്തു എന്നല്ല, കിസ് ട്രെെ ചെയ്യാനുള്ള ഒരു എനർജിയും ഇന്റിമസിയും ഉണ്ടല്ലോ. അത് വളരെ ഫണ്ണി ആയിരുന്നു ഒരുപാട് ടേക്ക് പോയി,' മാളവിക പറഞ്ഞു. കുമ്പളങ്ങി നെെറ്റ്സ് എന്ന സിനിമയിലൂടെ ആണ് മാത്യു അഭിനയ രം​ഗത്തേക്ക് കടന്ന് വരുന്നത്.

    പിന്നീട് തണ്ണീർ മത്തൻ ദിനങ്ങൾ, അഞ്ചാം പാതിര, ഓപ്പറേഷൻ ജാവ തുടങ്ങിയവയാണ് മാത്യവിന്റെ ശ്രദ്ധിക്കപ്പെട്ട സിനിമകൾ.

    ക്രിസ്റ്റിക്ക് പുറമെ നെയ്മർ, ജാക്സൺ ബസാർ, കപ്പ് തുടങ്ങിയ സിനിമകളും മാത്യവിന്റേതായി പുറത്തിറങ്ങാൻ ഉണ്ട്. നേരത്തെ മാത്യവിനെയും തന്നെയും കുറിച്ച് വന്ന ഒരു ട്വീറ്റിന് മാളവിക മറുപടി നൽകിയിരുന്നു. സിനിമയുടെ പോസ്റ്ററും പങ്കുവെച്ച് കൊണ്ട് മാത്യു ഇതെങ്ങനെ കൈകാര്യം ചെയ്യുമെന്നായിരുന്നു ഒരാളുടെ ട്വീറ്റ്. മാത്യു നല്ല രീതിയിൽ കൈകാര്യം ചെയ്തെന്ന് മാളവിക കൂളായി മറുപടി നൽകുകയും ചെയ്തു.

    Read more about: malavika mohanan
    English summary
    Viral: Malavika Mohanan Open Up About A Funny Incident With Cristy Co Star Mathew Thomas
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X