സെറ്റിലെത്തിയാൽ നയൻതാരയുടെ പെരുമാറ്റം, പല നായികമാരും കണ്ട് പഠിക്കണം: മല്ലിക സുകുമാരൻ

നടി നയൻതാരയെ പ്രശംസിച്ച് മല്ലിക സുകുമാരൻ. ലൗ ആക്ഷൻ ഡ്രാമ എന്ന സിനിമയെക്കുറിച്ച് സംസാരിക്കവയൊണ് പരാമർശം. അത് പോലെ ഞാൻ ചിരിച്ച പടമാണ് ലൗ ആക്ഷൻ ഡ്രാമ. ഞാനൊര് കാര്യം പറയുമ്പോൾ ഇപ്പുറത്ത് അജു വർ​ഗീസ് വേറൊരു കാര്യം പറയും. തമാശ പറയാൻ ആരും മോശമല്ലല്ലോ. നയൻ‌താരയായിരുന്നു നായിക. എന്തെല്ലാം പറഞ്ഞാലും ഇവിടത്തെ പല നായികമാരും കണ്ട് പഠിക്കണം. അവർ സെറ്റിൽ വന്നാൽ ബഹുമാനിക്കേണ്ടവരെ ബഹുമാനിക്കും. അവരുടെ ലെവലിൽ ആണോ ആർട്ടിസ്റ്റ് എന്നൊന്നും അവർ നോക്കില്ല.

എത്രയോ കാലം മുമ്പ് വന്നതാണ്, നിങ്ങൾക്കാണ് ഇൻഡസ്ട്രിയെക്കുറിച്ച് അറിയുക എന്ന് പറയും. അതുൾക്കൊണ്ട് കൊണ്ട് സംസാരിക്കുക എന്നത് പ്രത്യേക പാരമ്പര്യമാണ്. അപ്പോഴത്തെ ഇപ്പോഴത്തെ പിള്ളേർ ലൂസ് ടോക്കർ എന്ന് പറയുന്നത് പോലെയല്ല. വേറൊന്നും പറയാൻ അവർക്കൊന്നും അറിയില്ല. ആ കുട്ടി വളരെ ഇന്റലിജന്റായി സംസാരിക്കുമെന്നും മല്ലിക സുകുമാരൻ പറയുന്നു. മാതൃഭൂമിക്ക് നൽകിയ അഭിമുഖത്തിലാണ് പരാമർശം.