Don't Miss!
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ടെക്നിക്കലായി വലിയ അറിവില്ല; നമ്മളെ ഒരു വഴിയാക്കിയല്ലോ എന്ന് തോന്നും; മോഹൻലാലിനെക്കുറിച്ച് സന്തോഷ് ശിവൻ
മലയാളത്തിലെ താര രാജവാണ് നടൻ മോഹൻലാൽ. അഭിനയ മികവിൽ ഇന്ത്യൻ സിനിമയിലെ തന്നെ ആദ്യ നിരയിൽ വരുന്ന മോഹൻലാലിന് കേരളത്തിൽ വൻ ആരാധക വൃന്ദം ആണുള്ളത്. മഞ്ഞിൽ വിരിഞ്ഞ പൂക്കളിലെ വില്ലൻ വേഷത്തിലൂടെ അഭിനയ രംഗത്തേക്ക് കടന്ന് വന്ന മോഹൻലാൽ തുടക്ക കാലത്ത് നിരവധി വില്ലൻ വേഷങ്ങൾ ചെയ്തിട്ടുണ്ട്.
പിന്നീട് നായക നിരയിലേക്ക് വന്നപ്പോൾ നടനെ തേടി മികച്ച അവസരങ്ങളെത്തി. അഭിനയത്തിന് പുറമെ സംവിധാന രംഗത്തേക്കും കടന്നിരിക്കുകയാണ് മോഹൻലാൽ. നടൻ ആദ്യമായി സംവിധാനം ചെയ്യുന്ന ബറോസ് എന്ന സിനിമ അണിയറയിൽ ഒരുങ്ങുകയാണ് ചൈനീസ് ഉൾപ്പെടെ 20 ഭാഷകളിലേക്ക് ഡബ് ചെയ്ത് സബ് ടൈറ്റിലോട് കൂടിയാണ് സിനിമ പുറത്തിറങ്ങുക.
ആശിർവാദ് സിനിമാസ് നിർമ്മിക്കുന്ന സിനിമയുടെ കഥ മൈ ഡിയർ കുട്ടിച്ചാത്തൻ എന്ന ഇന്ത്യയിലെ ആദ്യ ത്രീഡി സിനിമ സംവിധാനം ചെയ്ത ജിജോയുടേത് ആണ്. ഇപ്പോഴിതാ മോഹൻലാലിന്റെ സംവിധാനത്തെ പറ്റി സന്തോഷ് ശിവൻ കൗമുദി മൂവീസിനോട് പറഞ്ഞ വാക്കുകളാണ് ശ്രദ്ധ നേടുന്നത്. ബറോസിന്റെ സിനിമാട്ടോഗ്രാഫർ ഇദ്ദേഹമാണ്.
സംവിധായകനേക്കാൾ നടനായ മോഹൻലാലിനെ ആണിഷ്ടം. സംവിധായകനെന്ന നിലയിൽ അദ്ദേഹം വളരെ ഒറിജിനലാണ്. മഹാമാരി സമയത്തും അദ്ദേഹം പടമെടുത്ത് അയച്ച് തരുമായിരുന്നു. പണ്ട് തൊട്ടേ അറിയാം അദ്ദേഹത്തിന്റേത് ഓർഗാനിക് ഒറിജിനൽ തിങ്കിംങ് ആണെന്ന്. അത് ഈ സിനിമയിൽ വന്നിട്ടുണ്ട്.
'നെഗറ്റീവ് എന്തെന്നാൽ അദ്ദേഹത്തിന് ടെക്നിക്കലായി വലിയ അറിവില്ലാത്തതിനാൽ കോംപ്ലിക്കേറ്റഡ് ഷോട്ടിൽ എന്ത് വേണമെങ്കിലും പറയും. അത് നല്ലതാണ്. മണിരത്നവും പറഞ്ഞിട്ടുണ്ട്'
'എനിക്കിതൊന്നും അറിയേണ്ട എനിക്കിത് ഇങ്ങനെ തന്നെ കിട്ടിയാൽ മതിയെന്ന്. അത് നെഗറ്റീവ് ആണോയെന്ന് അറിയില്ല. പക്ഷെ നമ്മൾ വിചാരിക്കും ഇതെന്താണ് നമ്മളെ ഒരു വഴി ആക്കിയല്ലോ എന്ന്. വലിയൊരു ക്യാമറ ആണ്. വിചാരിക്കുന്ന പോലെ മൂവ് ചെയ്യാനൊന്നും പറ്റില്ല'
ഇടയ്ക്ക് വഴക്ക് ഉണ്ടാവാറുണ്ട്. പിണക്കം അല്ല. അത് അദ്ദേഹത്തിനും ഇഷ്ടമാണ്. കാരണം ലാൽ സാറിനെ ആരും ഒന്നും പറയില്ല. നമുക്കൊക്കെയേ ഇങ്ങനെ പറയാനുള്ള ലൈസൻസ് ഉള്ളൂ, സന്തോഷ് ശിവൻ പറഞ്ഞതിങ്ങനെ. അതേസമയം ബറോസിന്റെ കഥയിൽ തനിക്ക് നാമമാത്രമായ പങ്കാളിത്തമേ ഉള്ളൂയെന്ന് ജിജോ പുന്നൂസ് അടുത്തിടെ പറഞ്ഞിരുന്നു.
ഫാൻസിനെ തൃപ്തിപ്പെടുത്താൻ വേണ്ടി മോഹൻലാൽ തിരക്കഥയിൽ മാറ്റം വരുത്തിയിട്ടുണ്ടെന്നും ജിജോ പുന്നൂസ് പറഞ്ഞിരുന്നു. ഫാന്റസി കഥാപശ്ചാത്തലത്തിൽ ഒരുങ്ങുന്ന സിനിമ ആണ് ബറോസ്.
തന്റെ സമീപ കാല ഹിറ്റുകളായ ഒടിയൻ, പുലിമുരുകൻ, ലൂസിഫർ, മരക്കാർ തുടങ്ങിയ സിനിമകളിലെ നായകൻമാരുടെ രീതികളിലേക്ക് മോഹൻലാൽ ബറോസിനെ മാറ്റിവരച്ചു. മോഹൻലാലിനെ അസിസ്റ്റ് ചെയ്യുന്നതിൽ നിന്നും ഒരു ഘട്ടത്തിൽ താൻ മാറിയെന്നും ജിജോ പുന്നൂസ് പറഞ്ഞു. ഇദ്ദേഹത്തിന്റെ തുറന്ന് പറച്ചിൽ അന്ന് വലിയ ചർച്ച ആയിരുന്നു.
മോൺസ്റ്റർ ആണ് മോഹൻലാലിന്റെ ഒടുവിൽ പുറത്തിറങ്ങിയ സിനിമ. വൈശാഖ് സംവിധാനം ചെയ്ത സിനിമയ്ക്ക് സമ്മിശ്ര പ്രതികരണം ആണ് ലഭിച്ചത്. കഴിഞ്ഞ് പോയ 2022 മോഹൻലാലിന്റെ കരിയറിലെ ഏറ്റവും മോശം വർഷമായാണ് ആരാധകർ കാണുന്നത്. നടന്റേതായി പുറത്തിറങ്ങിയ സിനിമകൾ തുടരെ പരാജയപ്പെട്ടു.