കാത്തിരിപ്പ് നീണ്ടു പോയി,ഞാൻ ​തകർന്നു പോയിരുന്നു; ഇരട്ടക്കുട്ടികളുടെ അമ്മയായതിനെക്കുറിച്ച് ചിൻമയി

'ഞങ്ങൾക്കെപ്പോഴും മാതാപിതാക്കൾ ആവണമെന്നുണ്ടായിരുന്നു. പക്ഷെ എല്ലാം ആലോചിച്ച് തയ്യാറെടുപ്പുകളോടെ മതിയെന്നായിരുന്നു. ഇതിനിടയിൽ ഞങ്ങൾ റെഡി ആയി എന്ന് തോന്നിയ സമയത്ത് കൊവിഡ് വ്യാപനമുണ്ടായി'

'അന്ന് ഞങ്ങൾ ​ഗൈനക്കോളജിസ്റ്റുമായി സംസാരിച്ചു. കൊവിഡ് വ്യാപിക്കുന്ന സമയമായതിനാൽ എന്താണ് സംഭവിക്കുന്നതെന്ന ആർക്കും അറിയില്ലായിരുന്നു. ഇത്രയും കാത്തിരുന്ന സ്ഥിതിക്ക് കുറച്ചു കൂടി കാത്തിരിക്കാൻ ​ഗൈനകോളജിസ്റ്റ് പറഞ്ഞു'

'അങ്ങനെ ഞങ്ങൾ കാത്തിരിക്കാൻ തീരുമാനിച്ചു. ആ കാത്തിരിപ്പ് നീണ്ടുപോയി. കൊവിഡ് രണ്ടാം ഘട്ട വ്യാപനം കഴിഞ്ഞതോടെ ഞാൻ ​ഗർഭിണി ആയി. പക്ഷെ മൂന്ന് മാസത്തോടടുക്കവെ ​ഗർഭം അലസി. അത് ഹൃദയ ഭേദകമായിരുന്നു. ഞാൻ വളരെ വിഷമഘട്ടത്തിലൂടെ കടന്നു പോയി'

'ആളുകളോട് സംസാരിച്ചപ്പോൽ ​ഗർഭം അലസിപ്പോവുന്നതിൽ ഒരുപാട് പേർക്ക് കുറ്റബോധം ഉണ്ടെന്ന് എനിക്ക് മനസ്സിലായി. ​ഗർഭം അലസൽ ആരുടെയും പിഴവല്ല. അത് ആർക്ക് വേണമെങ്കിലും ഏത് പ്രായത്തിലും സംഭവിക്കാം. ഞാൻ മുപ്പത് കഴിഞ്ഞത് കൊണ്ടല്ല ഇങ്ങനെ സംഭവിച്ചത്. 20 കളിൽ എന്റെ കുടുംബത്തിലെ സ്ത്രീകൾക്ക് ​ഗർഭഛിദ്രം സംഭവിച്ചത് എനിക്കറിയാം'

'പക്ഷെ നല്ല പിന്തുണയും സഹായവും ലഭിച്ചതിനാൽ ഞാനെന്നെ സ്വയം കുറ്റപ്പെടുത്തിയില്ല. ശ്രുതി ധോനി എന്ന ഇന്റർ ജനറേഷണൽ ട്രോമ ഹീലർ എന്നെ സഹായിച്ചു. കഴിഞ്ഞ കുറച്ചു വർഷമായി അവരെന്നെ ഹീൽ ചെയ്യാൻ സഹായിക്കുന്നു. ​ഗുളിക കഴിച്ചാൽ ഹീൽ ആയെന്നല്ല. കുറേ ഘട്ടങ്ങളിലൂടെ കടന്നു പോയി. ഒപ്പം ഒരു കൺവെൻഷണൽ തെറാപിസ്റ്റിന്റെ സഹായവും ഞാൻ തേടി. പിന്നീട് ​ നടത്തിയ ചികിത്സകളിലൂടെയാണ് വീണ്ടും ​ഗർഭിണി ആയതെന്നും ചിൻമയി പറഞ്ഞു'

Recommended Video

Lukman Avaran On Thallumaala: ടോവിനോയെ തല്ലി ബോധം കെടുത്തിയ ലുക്ക്മാൻ | *Interview

​ഗർഭിണിയായ കാലത്ത് സോഷ്യൽ മീഡിയയിൽ ചിത്രങ്ങൾ ചിൻമയി പങ്കുവെച്ചിരുന്നില്ല. ഇതിന്റെ പേരിൽ ചില വിവാദങ്ങളും നേരത്തെ ഉണ്ടായിരുന്നു. ഇരട്ടക്കുട്ടികൾക്ക് ജൻമം നൽകി എന്ന് വാർത്ത പുറത്തു വന്നപ്പോൾ വാടക ​ഗർഭപാത്രത്തിലൂടെയാണ് താരം കുഞ്ഞിനെ സ്വീകരിച്ചതെന്ന് അഭ്യൂഹങ്ങൾ പരന്നിരുന്നു.

ഇതോടെ വിശദീകരണവുമായി ചിൻമയി തന്നെ രം​ഗത്തെത്തി. അടുത്ത സുഹൃത്തുക്കളും ബന്ധുക്കളും മാത്രമേ താൻ ​ഗർഭിണിയായ വിവരം അറിഞ്ഞിരുന്നുള്ളൂ. സ്വകാര്യത സംരക്ഷിക്കാൻ വേണ്ടി ആയിരുന്നു പുറത്തറിയിക്കാതിരുന്നതെന്നായിരുന്നു ചിൻമയി പറഞ്ഞത്.