'ജ്യോതികയുടെ സൂര്യ, പേർളിയുടെ ശ്രീനിഷ്, ഇപ്പോൾ നയൻസിന്റെ വിക്കി!, ഭാര്യയുടെ വ്യക്തിത്വത്തിൽ അഭിമാനിക്കുന്നവർ'

ഇപ്പോൾ ഒരു അഭിമുഖത്തിനിടെ വിഘ്നേഷ് ശിവൻ പറഞ്ഞ വാക്കുകളെ കുറിച്ച് സോഷ്യൽമീ‍ഡിയയിൽ ഒരു കുറിപ്പ് പ്രചരിക്കുകയാണ്. 'ജ്യോതികയുടെ സൂര്യ, പേർളിയുടെ ശ്രീനിഷ്... ഇപ്പോ... നയൻസിന്റെ വിക്കി!, ഭാര്യയുടെ വ്യക്തിത്വത്തിൽ അഭിമാനംകൊള്ളുന്നവർ' എന്നാണ് കുറിപ്പിന്റെ പ്രസക്ത ഭാ​ഗങ്ങളിൽ ഒന്ന്.

മൂന്ന് പേരും ഭാര്യമാരുടെ സ്വപ്നങ്ങൾ പൂർത്തികരിക്കാൻ പിന്തുണയായി നിൽക്കുന്നവരാണ്. മറ്റുള്ള നടന്മാർ വിവാഹശേഷം ഭാര്യമാരെ വീടിനുള്ളിൽ മക്കളെ നോക്കാനായി തളച്ചിടുമ്പോൾ വിഘ്നേഷ് ശിവനും സൂര്യയും ശ്രീനിഷുമെല്ലാം എങ്ങനെയാണ് ഭാര്യമാരെ പ്രോത്സാഹിപ്പിക്കേണ്ടത് എന്ന് സ്വന്തം ജീവിതത്തിലൂടെ കാണിച്ച് തരികയാണ്.

'നോ വൺ കാൻ ഇൻഫ്ല്യൂവൻസ് നയൻതാര.... ലോകത്തെ ഏറ്റവും മികച്ച ഐസ്ക്രീമാണ് ഒരു സ്പൂൺ ഒന്ന് രുചിച്ച് നോക്കൂവെന്ന് പറഞ്ഞാലും കാര്യമില്ല. അവൾക്ക് വേണ്ടയെന്ന് തോന്നുന്ന കാര്യങ്ങൾ വേണ്ടയെന്ന് തന്നെയാണ്. അതിനി ആര് തല കുത്തി നിന്നാലും തീരുമാനം മാറ്റില്ല അവൾക്കൊപ്പം ആയിരിക്കാൻ കഴിയുന്നതിൽ ഞാൻ അഭിമാനം കൊള്ളുന്നു.'

'അതായത് അത്രയും ഉറപ്പുള്ള പെണ്ണിന്റെ തെരഞ്ഞെടുപ്പായത് എന്റെ ഭാഗ്യം. ഒരുമ്പെട്ടവൾ എന്ന് നമ്മൾ നിർവചിക്കുന്ന സ്ത്രീ സ്വഭാവങ്ങളെ കുറിച്ച് ഏറ്റവും മനോഹരമായി ഒരു പുരുഷൻ സംസാരിച്ചതാണ് ഇത്.'

'നിങ്ങളുടെ സ്ത്രീയെക്കുറിച്ച് ഇതുപോലെ സംസാരിക്കുക.... അഭിമാനിക്കൂ.... ജ്യോതികയുടെ സൂര്യ, പേർളിയുടെ ശ്രീനിഷ്... ഇപ്പോൾ നയൻസിന്റെ വിക്കി...ഞാൻ ഇഷ്ടപെടുന്ന ഭർത്താക്കന്മാർക്ക് കോമണായുള്ള ക്യാരക്ടർ അതാണ്. അവരുടെ ഭാര്യമാരെ കുറിച്ച് അവർ അഭിമാനിക്കുന്നു.'

Recommended Video

RRR കണ്ട് പേർളി മാണിയുടെ SHOCKING പ്രതികരണം

'അവളുടെ ഉയർച്ചകളെ കുറിച്ച് കണ്ണിൽ നക്ഷത്ര തിളക്കത്തോടെ സംസാരിക്കുന്നുണ്ട്. അവളുടെ വ്യക്തിത്വം അവന് അഭിമാനമാണ്. പൊതുബോധത്തെ കുറിച്ച് അവർ ചിന്തിക്കുന്നതേയില്ല. അങ്ങനെയുള്ള സ്ത്രീകളാണ് ആത്മാർഥമായി ആത്മവിശ്വാസത്തോടെ തങ്ങളുടെ പാർട്ണറിനെ കുറിച്ച് സംസാരിക്കാറുള്ളത്.'

'വിവാഹം എന്ന ഉടമ്പടിയിൽ പെണ്ണിനെ മാത്രം അനുസരണ ശീലിപ്പിച്ച് വിടുന്ന പൊതുബോധത്തെ മാറ്റി വെച്ച് തുല്യതക്കും ചിലപ്പോൾ അതിലേറെയും നൽകാൻ തയ്യാറുള്ളവർ. പ്രണയിക്കുമ്പോൾ അവളിൽ ഉണ്ടായിരുന്ന എന്തിനേയും അംഗീകരിച്ചിരുന്നിടത്ത് നിന്ന് ഭർത്താവ് എന്ന സ്ഥലത്തേക്ക് എത്തുമ്പോൾ അവൾ മാറ്റി വെക്കേണ്ടതിന്റെ ലിസ്റ്റ് എടുത്ത് നീട്ടാത്തവർ.'

'പുരുഷാധിപത്യ അവകാശങ്ങളെ സ്നേഹത്തോടെ വേണ്ടെന്ന് വെച്ച് ഉയർന്ന് പോകുന്ന പുരുഷന്മാർ. യാദൃശ്ചികം എന്നോണം. ഇവരെല്ലാം തമിഴാണ്.' എന്നായിരുന്നു സോഷ്യൽമീ‍ഡിയയിൽ‌ പ്രത്യക്ഷപ്പെട്ട കുറിപ്പ്.

പുരുഷാധിപത്യ അവകാശങ്ങളെ കുറിച്ച് പറഞ്ഞ് കഴിവുള്ള സ്ത്രീകളെ വീ‌ട്ടിൽ അടച്ചിടുന്ന പുരുഷന്മാർക്ക് വേണ്ടയെന്നോണമുള്ള കുറിപ്പ് വലിയ സ്വീകരണമാണ് സോഷ്യൽമീഡിയയിൽ ലഭിച്ചത്.