മഞ്ജു വാര്യരുടെ രാജി!! പ്രതികരണവുമായി ഡബ്ല്യൂസിസി അംഗങ്ങൾ, കാണൂ

പ്രതികരിക്കേണ്ടത് മഞ്ജു

മഞ്ജുവിന്റെ രാജിയെ കുറിച്ച് തനിയ്ക്ക് അറിയില്ലെന്ന് തിരക്കഥകൃത്ത് ദീദീ ദാമോദരൻ പ്രതികരിച്ചു. മനോരമ ഓൺലൈനോടാണ് ദീദീ ഇക്കാര്യം വ്യക്യതമാക്കിയത്. മഞ്ജു വാര്യർ രാജി വച്ചതിനെക്കുറിച്ച് അറിയില്ല. മഞ്ജുവാണ് അത് പറയേണ്ടത്. എന്റെ അറിവിൽ മഞ്ജു രാജി വെച്ചതായി അറിയില്ലെന്നും ദീദീ പറഞ്ഞു.

ഔദ്യോഗികമായി പ്രഖ്യാപിച്ചിട്ടില്ല

മഞ്ജുവിന്റെ രാജിയെ കുറിച്ചുള്ള വാർത്ത താനും കണ്ടിരുന്നു. എന്നാൽ ഇത്തരത്തിലൊരു കാര്യം ഔദ്യോഗികമായി സംസാരിച്ചിട്ടില്ലെന്നും വിധു വിൻസെന്റ് പറഞ്ഞി. ഇന്ത്യൻ എക്സ്പ്രസ് മലയാളത്തിനോടാണ് ഇവർ പ്രതികരിച്ചത്. വാർത്തകൾ മാത്രമാണ് കണ്ടത് അല്ലാതെ ഇതുമായി ബന്ധപ്പെട്ട ഒരു ചർച്ചകളും ഡബ്ല്യൂസിസിയിൽ നടന്നിട്ടില്ലെന്നും മ‍ഞ്ജുവിൽ നിന്ന് അത്തരത്തിലുള്ള ഒരു ഔദ്യാഗികമായ അറിയിപ്പ് ലഭിച്ചിട്ടില്ലെന്നും ഇവർ വ്യക്തമാക്കി.

മഞ്ജുവിന്റെ രാജി

സിനിമയിലെ വനിത സംഘടനയായ വുമന്‍ ഇന്‍ കലക്ടീവില്‍ നിന്ന് നടി മഞ്ജു വാര്യര്‍ രാജി വച്ചു എന്ന വാർത്ത ഒരു പ്രമുഖ മാധ്യമം റിപ്പോർട്ട് ചെയ്തിരുന്നു. രാജി സംബന്ധമായ വിവരം എഎംഎംഎ പ്രസിഡന്റ് മോഹൻലാലിനെ താരം അറിയിച്ചുവെന്നും വാർത്തകൾ പ്രചരിച്ചിരുന്നു. മലയാള സിനിമ വ്യവസായത്തെ മൊത്തം പ്രതിസന്ധിയിലാക്കുന്നതാണ് ഡബ്യുസിസിയുടെ നിലപാടുകള്‍ എന്ന വിലയിരുത്തലിന്റെ അടിസ്ഥാനത്തിലാണ് രാജിയെന്നും ആ പ്രമുഖ മാധ്യമം റിപ്പോർട്ട് ചെയ്തിട്ടുണ്ടായിരുന്നു.

മഞ്ജുവിന്റെ മൗനം

ദീലീപിന്റെ എഎംഎംഎയിലേയ്ക്കുള്ള മടങ്ങി വരവിൽ വനിത സംഘടനയിലെ മറ്റ് അംഗങ്ങളും തെന്നിന്ത്യൻ സിനിമ ലോകം വരെ രംഗത്തെത്തിയിരുന്നു. ദിലീപിന്റെ മടങ്ങി വരവിൽ പ്രതിഷേധിച്ച് വനിത അംഗങ്ങൾ രാജിവെച്ചിരുന്നു. എന്നാൽ ഈ സാഹചര്യത്തിൽ വിഷയത്തിൽ മഞ്ജു മൗനം പാലിക്കുകയാണ്. ഈ മൗനമാണ് ജനങ്ങൾക്കിടയിൽ നിരവധി ചോദ്യങ്ങൾ ഉയർത്തുന്നുണ്ട്.