മമ്മൂട്ടിയും പൃഥ്വിയും തമ്മില്‍ വ്യത്യാസമില്ലെന്ന് പറയുന്നത് എന്തുകൊണ്ട്, ചെയ്യുന്നത് ഒരേ കാര്യമാണ്

വൈക്കം മുഹമ്മദ് ബഷീര്‍-മതിലുകള്‍

ബഷീറിന്റെ ജീവിതത്തെ ആസ്പദമാക്കി അടൂര്‍ ഗോപാലകൃഷ്ണന്‍ സംവിധാനം ചെയ്ത ചിത്രമാണ് മതിലുകള്‍. ചിത്രത്തില്‍ വൈക്കം മുഹമ്മദ് ബഷീര്‍ എന്ന കഥാപാത്രത്തെ അവതരിപ്പിച്ചിരിക്കുന്നത് മമ്മൂട്ടിയാണ്. കഥാപാത്രത്തെ അതിഗംഭീരമായി അവതരിപ്പിച്ചതിലൂടെ മമ്മൂട്ടി ആ വര്‍ഷത്തെ മികച്ച നടനുള്ള ദേശീയ അവാര്‍ഡും സ്വന്തമാക്കി.

ജബ്ബാര്‍ പട്ടേല്‍ ചിത്രത്തില്‍ അംബേദ്കറായി മമ്മൂട്ടി

ജബ്ബാര്‍ പട്ടേല്‍ സംവിധാനം ചെയ്ത ചിത്രമാണ്. ഡോ ബിആര്‍ അംബേദ്കര്‍. മമ്മൂട്ടി ഏറെ പ്രശംസ വാരിക്കൂട്ടിയ ചിത്രമാണിത്. മികച്ച നടനുള്ള ദേശീയ അവാര്‍ഡും ചിത്രത്തിലൂടെ മമ്മൂട്ടിക്ക് ലഭിച്ചു.

കേരള വര്‍മ്മ പഴശ്ശിരാജയായപ്പോള്‍

എംടി വാസുദേവന്‍ നായരുടെ തിരക്കഥയില്‍ ഹരിഹരന്‍ സംവിധാനം ചെയ്ത ചിത്രമാണ് പഴശ്ശിരാജ. ചിത്രത്തില്‍ മമ്മൂട്ടി അവതരിപ്പിച്ച പഴശ്ശിരാജ എന്ന കഥാപാത്രത്തിന് പകരം വയ്ക്കാന്‍ മറ്റാരുമില്ല. ശരത് കുമാര്‍, കനിഹ, പത്മപ്രിയ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചത്.

ജെസി ഡാനിയല്‍-സെല്ലുലോയിഡ്

പൃഥ്വിരാജ് ജെസി ഡാനിയലിന്റെ വേഷത്തില്‍ എത്തിയ ചിത്രമാണ് സെല്ലുലോയിഡ്. പൃഥ്വിരാജിന് ആ വര്‍ഷത്തെ മികച്ച നടനുള്ള സംസ്ഥാന അവാര്‍ഡ് ലഭിച്ചു.

മൊയ്തീനായി പൃഥ്വിരാജ്

മൊയ്തീന്‍ കാഞ്ചന മാല പ്രണയത്തെ ആസ്പദമാക്കി ആര്‍എസ് വിമല്‍ സംവിധാനം ചെയ്ത ചിത്രമാണ് എന്ന് നിന്റെ മൊയ്തീന്‍. ചിത്രത്തില്‍ മൊയ്തീനായി പൃഥ്വിരാജിനെ അല്ലാതെ മറ്റൊരാളെ സങ്കല്‍പ്പിക്കാന്‍ കഴിയില്ല. അത്രയും മികച്ചതായിരുന്നു ചിത്രത്തില്‍ പൃഥ്വിയുടെ പ്രകടനം.