ഭർത്താവിന്റെ കുടുംബത്തിലെ ശാപം ഒടുവിൽ ആലിയക്കും! താരറാണിക്ക് സംഭവിക്കുന്നത്; ആശങ്കയിൽ ആരാധകർ

ഇന്ത്യൻ സിനിമാ രം​ഗത്ത് ഇന്ന് ഏറ്റവും പ്രശസ്തയായ നടിയാണ് ആലിയ ഭട്ട്. അഭിനയ മികവ് കൊണ്ട് പ്രേക്ഷക ശ്രദ്ധ നേടിയ ആലിയ വളരെ ചെറിയ പ്രായത്തിൽ തന്നെ മികച്ച കഥാപാത്രങ്ങൾ ചെയ്തു. കരൺ ജോഹറിന്റെ പിന്തുണ കൊണ്ടാണ് ആലിയ കരിയറിൽ ഇത്രയും വളർന്നതെന്ന് പൊതുവെ സംസാരമുണ്ട്. എന്നാൽ ആലിയക്ക് കഴിവില്ലായിരുന്നെങ്കിൽ കരൺ ജോഹറിന് ഒന്നും ചെയ്യാൻ പറ്റില്ലായിരുന്നെന്നാണ് ആരാധകർ പറയാറ്. ആലിയക്ക് പുറമെ നിരവധി താരപുത്രൻമാരെയും താരപുത്രിമാരെയും കരൺ ലോഞ്ച് ചെയ്തിട്ടുണ്ട്. ആർക്കും ആലിയയുടെ പ്രശസ്തിയുടെ അടുത്ത് പോലും എത്താനായില്ല.

എന്നാൽ വിവാഹ ശേഷം ആലിയയുടെ ഭാ​ഗ്യം അണഞ്ഞോ എന്നാണ് ഇപ്പോൾ സോഷ്യൽ മീഡിയയിലെ ചോദ്യം. വിവാഹ ശേഷം വലിയ ഹിറ്റുകൾ ആലിയക്കില്ല. ഒടുവിൽ പുറത്തിറങ്ങിയ ജി​ഗ്ര ബോക്സ് ഓഫീസിൽ പരാജയമായിരുന്നു. 2023 ൽ പുറത്തിറങ്ങിയ റോക്കി ഓർ റാണി കി പ്രേം കഹാനിയാണ് പ്രേം ആലിയയുടെ അവസാന ഹിറ്റ്. വിവാഹത്തിനും പ്രസവത്തിനും ശേഷം ജി​ഗ്ര, ആൽഫ, വാർ ആന്റ് ലൗ എന്നീ സിനിമകളിലാണ് ആലിയ ഒപ്പ് വെച്ചത്. ഇതിൽ ജി​ഗ്ര പരാജയപ്പെട്ടു.

ആൽഫ, വാർ ആന്റ് ലൗ എന്നിവ പ്രേക്ഷകരിലേക്ക് എത്താൻ ഇനിയും വെെകും. തുടരെ ഹിറ്റുകളുമായി കരിയറിൽ മുന്നേറിയ നടിയായിരുന്നു ആലിയ. ഇപ്പോൾ എന്തു സംഭവിച്ചു എന്നാണ് ആരാധകരുടെ ചോദ്യം. കപൂർ കുടുംബത്തിലേക്ക് വിവാഹം ചെയ്തെത്തിയതോടെ ഈ കുടുംബത്തിലെ താരങ്ങളുടെ അവസ്ഥ ആലിയയെയും ബാധിച്ചോ എന്ന് നെറ്റിസൺസ് ചോദിക്കുന്നു.

ആലിയയുടെ ഭർത്താവ് രൺബീർ കപൂർ മികച്ച നടനാണ്. എന്നാൽ കരിയറിൽ ഹിറ്റുകൾ കുറവാണ്. കരിഷ്മ കപൂർ, നീതു കപൂർ എന്നിങ്ങനെ താര കുടുംബത്തിലെ പല സ്ത്രീകളും വിവാഹ ശേഷം കരിയർ തകർന്നവരാണ്. ഈ അവസ്ഥ ആലിയക്കും വന്നോയെന്നും ചോദ്യങ്ങളുണ്ട്. കപൂർ കുടുംബത്തിലെ ശാപം ഒടുവിൽ ആലിയയെയും തേടിയെത്തി എന്ന് പറഞ്ഞ് റെഡിറ്റിൽ വലിയ ചർച്ചയാണ് നടക്കുന്നത്.