ഫഹദിന് ആന്‍ഡ്രിയയോട് ശരിക്കും പ്രണയമായിരുന്നു! ഫഹദിനെ വേണ്ടെന്ന് വെച്ചത് നടി, വാര്‍ത്ത വീണ്ടുമെത്തി

അന്നയും റസൂലും

ഫഹദ് ഫാസില്‍, ആന്‍ഡ്രിയ ജെര്‍മിയ എന്നിവരെ കേന്ദ്രകഥാപാത്രങ്ങളാക്കി രാജീവ് രവി സംവിധാനം ചെയ്ത ചിത്രമായിരുന്നു അന്നയും റസൂലും. 2013 ല്‍ പുറത്തിറങ്ങിയ ചിത്രമൊരു മനോഹര റൊമാന്റിക് മൂവിയായിരുന്നു. ഫഹദിന്റെയും ആന്‍ഡ്രിയയുടെയും അഭിനയം പ്രേക്ഷകര്‍ക്ക് വളരെയധികം ഇഷ്ടപ്പെടുകയും ചെയ്തിരുന്നു. ഫഹദും ആന്‍ഡ്രിയയും ഇഷ്ടത്തിലാണെന്ന് പറഞ്ഞ് സിനിമയ്ക്ക് ശേഷം ഇരുവരും ഗോസിപ്പു കോളങ്ങളില്‍ കുടുങ്ങുകയും ചെയ്തിരുന്നു. എന്നാല്‍ ആന്‍ഡ്രിയയോടെ തനിക്ക് കടുത്ത പ്രണയമാണെന്ന് ഫഹദ് തുറന്ന് പറഞ്ഞിരുന്നു. ഒരു പ്രമുഖ മാഗസീന് നല്‍കിയ അഭിമുഖത്തിലായിരുന്നു ഫഹദിന്റെ വെളിപ്പെടുത്തല്‍.

ആന്‍ഡ്രിയ ഹൃദയം കീഴടക്കി

തൂവാനത്തുമ്പികള്‍ക്ക് ശേഷം മലയാളികളെ സ്വാധീനിച്ച പ്രണയങ്ങളിലൊന്നായിരുന്നു അന്നയുടെയും റസൂലിന്റേതും. അന്നയും റസൂലിന്റെയും ചിത്രീകരണത്തിനിടെയായിരുന്നു ആന്‍ഡ്രിയ ഫഹദിന്റെ ഹൃദയം കീഴടക്കിയത്. സിനിമയുടെ ഷൂട്ടിംഗ് കഴിഞ്ഞതോടെ തന്റെ പ്രിയപ്പെട്ടവളായി ആന്‍ഡ്രിയ മാറുകയായിരുന്നു. ഷൂട്ടിംഗിനിടെ ആന്‍ഡ്രിയയോട് കാര്യമായിട്ടൊന്നും സംസാരിച്ചിട്ടില്ലായിരുന്നു. എന്നാല്‍ ചെന്നൈയിലേക്ക് തിരിച്ചെത്തി എഡിറ്റ് ചെയ്ത രംഗങ്ങള്‍ കണ്ടതോടെയാണ് ആന്‍ഡ്രിയയോട് എനിക്കുള്ള സ്‌നേഹം മനസിലായത്.

ഇഷ്ടപ്പെടാനുള്ള കാരണങ്ങള്‍

ആന്‍ഡ്രിയയുടെ നര്‍മ്മബോധം പെരുമാറ്റം, അഭിനയം, നല്ല വിദ്യാഭ്യാസം എന്നിവയെല്ലാമായിരുന്നു അവരെ തനിക്ക് ഇഷ്ടപ്പെടാനുള്ള കാരണങ്ങളെന്നായിരുന്നു ഫഹദ് പറഞ്ഞിരുന്നത്. അന്നയുടെയും റസൂലിന്റെയും ഡബ്ബിംഗിന് വേണ്ടി ചെന്നൈയിലെത്തിയപ്പോള്‍ തന്റെ മനസിലെ പ്രണയം ഫഹദ് തുറന്ന് പറഞ്ഞിരുന്നു. എന്നാല്‍ ഫഹദിന്റെ വെറും തോന്നലാണിതെന്ന് പറഞ്ഞ് കടുത്ത എതിര്‍പ്പായിരുന്നു ആന്‍ഡ്രിയയുടെ ഭാഗത്ത് നിന്നും ഉണ്ടായത്.

ആന്‍ഡ്രിയ തിരിച്ചറിഞ്ഞു

പിന്നീട് ഇവരുടെ ബന്ധത്തെ കുറിച്ച് പലപ്പോഴായി വാര്‍ത്തകള്‍ പ്രചരിച്ചിരുന്നു. പലപ്പോഴും ഫഹദുമായിട്ടുള്ള ബന്ധത്തെ കുറിച്ച് നടിയോട് ചോദ്യങ്ങള്‍ വന്നിരുന്നു. എന്നാല്‍ അതെല്ലാം നിഷേധിക്കുകയായിരുന്നു. മാത്രമല്ല ഉടനെ വിവാഹം കഴിക്കാന്‍ താന്‍ ആഗ്രഹിക്കുന്നില്ലെന്ന കാര്യവും ആന്‍ഡ്രിയ വ്യക്തമാക്കിയിരുന്നു. അതുപോലെ തന്നെ ഫഹദുമായി താന്‍ പ്രണയത്തില്‍ അല്ലെന്നുള്ള കാര്യം വ്യക്തമാക്കേണ്ടതുണ്ട്. താനിപ്പോള്‍ പ്രണയമോ വിവാഹത്തിലോ അല്ല ശ്രദ്ധിക്കുന്നതെന്നും ജോലിയിലാണ് ശ്രദ്ധ മുഴുവനുമെന്നും ആന്‍ഡ്രിയ വ്യക്തമാക്കിയിരുന്നു.

ആരാധകരെ നിരാശപ്പെടുത്തി..

ഹദിനെ വേണ്ടെന്ന് വെച്ച ആന്‍ഡ്രിയയുടെ തീരുമാനം ആരാധകരെ നിരാശപ്പെടുത്തിയിരുന്നു. എന്ത് കൊണ്ടാണ് ഫഹദിന്റെ പ്രൊപ്പോസല്‍ വേണ്ടെന്ന് വെച്ചതെന്ന് ചോദിച്ച് പലരും രംഗത്തെത്തിയിരുന്നു. ഇതെല്ലാം സംഭവിച്ചിട്ട് വര്‍ഷങ്ങളായതോടെ ഫഹദ് വേറെ വിവാഹം കഴിച്ചു. ആന്‍ഡ്രിയ തമിഴില്‍ വാഡ എന്ന സിനിമയുടെ റിലീസിന് വേണ്ടി കാത്തിരിക്കുകയാണ്. ഫഹദിന് കഴിഞ്ഞ ദിവസമെത്തിയ വരത്തന്‍ ഹിറ്റായി പ്രദര്‍ശനം തുടരുകയാണ്. ഇനി ട്രാന്‍സ് എന്ന സിനിമയുടെ ചിത്രീകരണമാണ് നടക്കുന്നത്. ഒപ്പം തമിഴില്‍ സൂപ്പര്‍ ഡീലക്‌സ് ഇന്‍ ഹിസ് കിറ്റി എന്ന ചിത്രവും വരാനുണ്ട്.