മല്ലിക കപൂർ എന്നെ താഴെ ഇട്ടാൽ ജീവിതം തീർന്നേനെ; അത്ഭുതപ്പെടുത്തിയത് സൂര്യയുടെ വാക്കുകൾ; ​ഗിന്നസ് പക്രു

മുമ്പാെരിക്കൽ കൈരളി ടിവിയിലെ പ്രോ​ഗ്രാമിൽ അത്ഭുതദ്വീപ്, ഏഴാം അറിവ് എന്നീ സിനിമകളിലെ അനുഭവം ​ഗിന്നസ് പക്രു പങ്കുവെച്ചിരുന്നു.
അത്ഭുതദ്വീപിലെ നായിക മല്ലിക കപൂർ തന്നെ കൈയിൽ എടുത്ത് അഭിനയിച്ചതിനെ പറ്റിയും സൂര്യ തന്നെ അത്ഭുതപ്പെടുത്തിയ സംഭവത്തെക്കുറിച്ചുമാണ് ​ഗിന്നസ് പക്രു സംസാരിച്ചത്.

മല്ലിക കപൂർ എടുത്ത് ഒക്കത്ത് വെക്കുന്ന സീൻ ഉണ്ടായിരുന്നു. എനിക്ക് ടെൻഷൻ ഉണ്ടായിരുന്നു. കുതിരപ്പുറത്ത് ആയാലും കുതിര നേരാ വണ്ണം ഓടിയില്ലെങ്കിൽ നമ്മുടെ പണി പാളും. ഈ പെണ്ണെങ്ങാനും താഴെ ഇട്ട് കഴിഞ്ഞാൽ നമ്മുടെ ജീവിതം തീർന്നു. നല്ല ഉയരത്തിൽ നിന്നായിരിക്കും താഴേക്ക് വരുന്നത്. റീ ടേക്ക് പറയാൻ പറ്റില്ല.

'അതിനാൽ വേ​ഗം എങ്ങനെയെങ്കിലും ശരിയാകണേ എന്നായിരുന്നു എനിക്ക്. മാത്രമല്ല, എന്നെ കാണുന്ന പോലെ അല്ല. എടുത്ത് പൊക്കിക്കഴിഞ്ഞാൽ നല്ല വെയ്റ്റ് ഉണ്ട്. അങ്ങനെ വളരെ ഈസി ആയി എടുത്ത് പൊക്കിയ പലരും അനുഭവിച്ചിട്ടുമുണ്ട്'

'ഫ്രെയിം ബാലൻസ് ചെയ്യാൻ വേണ്ടി എന്നെ എടുത്ത് പിടിക്കും. എടുത്ത് പിടിച്ച് കഴിഞ്ഞാൽ പിന്നെ ആ സീൻ തീരാതെ താഴെ വെക്കാൻ പറ്റില്ല. കൈ അയഞ്ഞ് പോവുന്ന പല സംഭവങ്ങളും ഉണ്ടായിട്ടുണ്ട്'

'അങ്ങനെ എടുത്ത് വെച്ച് വിജയിച്ച ഒരാൾ സൂര്യ ആണ്. ഏഴാം അറിവ് എന്ന സിനിമയിൽ റോളർ കോസ്റ്റർ ഉണ്ട്. ആ സീനിൽ എന്നെ എടുത്ത് പത്ത് പതിനെട്ട് പടി കയറുന്ന രം​ഗമുണ്ട്. അതിന് ഒരു പന്ത്രണ്ട് തവണ എങ്കിലും റീ ടേക്ക് വന്നിട്ടുണ്ട്. ഈ മനുഷ്യൻ യാതൊരു ബുദ്ധിമുട്ടും കാണിക്കാതെ വളരെ കൂൾ ആയി ചെയ്യുന്നത് കണ്ടപ്പോൾ എനിക്ക് അത്ഭുതമായി തോന്നി'

'എന്നിട്ട് ഞാൻ തന്നെ അദ്ദേഹത്തോട് ആവശ്യപ്പെട്ടു, സർ ഞാൻ മാറി നിന്നോളാം ടേക്കിൽ മാത്രം എടുത്താൽ മതി എന്ന്. അദ്ദേഹം പറഞ്ഞത് അങ്ങനെ അല്ല, നിങ്ങൾക്കും കൂടി റിഹേഴ്സൽ കിട്ടും എന്നാണ്. അദ്ദേഹത്തിന്റെ ഡെഡിക്കേഷൻ എനിക്ക് മനസ്സിലായി,' ​ഗിന്നസ് പക്രു പറഞ്ഞതിങ്ങനെ.

സിനിമാ അഭിനയത്തിന് പുറമെ സംവിധാന രം​ഗത്തും ​ഗിന്നസ് പക്രു കൈ വെച്ചിട്ടുണ്ട്. കുട്ടീം കോലും എന്ന സിനിമ ആണ് ​ഗിന്നസ് പക്രു സംവിധാനം ചെയ്തത്. ഇന്നും സിനിമാ രം​ഗത്ത് സജീവമാണ് നടൻ. അമ്പിളി അമ്മാവൻ എന്ന സിനിമയിലൂടെ ആണ് നടൻ അഭിനയ രം​ഗത്തേക്ക് എത്തുന്നത്.