ഞാൻ നോക്കിയതുപോലെ പൊന്നുപോലെ ആ പ്രായമുള്ള ആളെ നോക്കണേ, പൃഥ്വിരാജിനോട് ആവശ്യവുമായി നന്ദു

ലൂസിഫറിൽ വേഷമില്ലാതിരുന്നിട്ടും ചിത്രത്തിൽ എത്തിയതിനെ കുറിച്ച് നന്ദു വെളിപ്പെടുത്തി. 'ലൂസിഫറിൽ വേഷമില്ലേ എന്ന് ഞാൻ രാജുവിനോട് ചോദിച്ചപ്പോൾ, ചേട്ടാ ഇതിനകത്ത് ചേട്ടന് പറ്റിയ ഒന്നുമില്ല. ഏകദേശം എല്ലാം ആയിക്കഴിഞ്ഞു എന്നായിരുന്നു. അപ്പോൾ ഞാൻ രാജുവിനോട് പറഞ്ഞത്; ഒരു സീൻ ആണെങ്കിലും വേണം. രാജു ആദ്യമായി സിനിമ ഡയറക്‌ട് ചെയ്യുമ്പോൾ അതിൽ അഭിനയിക്കുക എന്നത് എന്റെ പ്രിവിലേജ് ആണെന്നായിരുന്നു. എങ്കിൽ നോക്കാം എന്ന പൃഥ്വിരാജിന്റെ മറുപടിയിൽ നിന്നാണ് ഞാൻ ലൂസിഫറിലേക്ക് എത്തിപ്പെട്ടത്.

താൻ പൊന്നു പോലെ നോക്കിയാൾ ഇപ്പോൾ പൃഥ്വിയുടെ കയ്യിലാണെന്നും നന്ദു വീഡിയോയിൽ പറയുന്നു. താൻ പൊന്നുപോലെ നോക്കിയ ഒരാളിപ്പോൾ രാജുവിന്റെ കൈയിലാണെന്നും, താൻ നോക്കിയതുപോലെ തന്നെ അതിനെ നോക്കണമെന്നും നന്ദു ആവശ്യപ്പെടുന്നുണ്ട്. നന്ദുവിന്റെ വാക്ക് ഇങ്ങനെ.നമ്മളെ രണ്ടുപേരെക്കാളും പ്രായമുള്ള ഒരാൾ നമുക്കിടയിൽ ഒരു ബന്ധം സ്ഥാപിച്ചിട്ടുണ്ട്. പഴയ ലാൻഡ് മാസ്‌റ്റർ വണ്ടി, ലൂസിഫറിന്റെ വണ്ടി. ആ വണ്ടി ഇപ്പോഴും സുഖമായിരിക്കുന്നുവെന്ന് വിചാരിക്കുന്നു. പൊന്നുപോലെ നോക്കികൊള്ളണം, ഞാൻ പൊന്നുപോലെ നോക്കിയതാണ്.

ലൂസിഫറിൽ ലാലേട്ടനോടൊപ്പം പ്രേക്ഷകരുടെ കണ്ണിൽ ഉടക്കിയത് ആ കറുത്ത അംബാസിഡർ കാറാണ്.ചെകുത്താന്റെ നമ്പര്‍ എന്നു വിശേഷിപ്പിക്കുന്ന 666 നമ്പറിലെത്തുന്ന ആ അംബാസിഡർ കാർ നട നന്ദുവിന്റേതാണ്. ലൂസിഫറിൽ മോഹൻലാലിനോടൊപ്പം തന്നെ ആ കാറും പ്രേക്ഷകരുടെ മുന്നിൽ എത്തിയിരുന്നു. ചിത്രത്തിൽ അംബാസിഡർ കാറിന് അത്രത്തോളം പ്രാധാന്യമുണ്ടായിരുന്നു. വെളുത്ത ഷർട്ടിൽ മീശപിരിച്ച് കലിപ്പ് ലുക്കിൽ രാറിൽ നിന്നിറങ്ങുന്ന ലാലേട്ടനെ പ്രേക്ഷകർ അത്ര വേഗം മറക്കില്ല.