പെണ്ണ് കാണല്‍ ദിവസം സന്തോഷേട്ടന്‍ എന്നോട് ചോദിച്ചത് ഇക്കാര്യം, മനസുതുറന്ന് നവ്യാ നായര്‍

അതേസമയം ഒരിടവേളയ്ക്ക് ശേഷം മലയാളത്തില്‍ വീണ്ടും സജീവമാകാന്‍ ഒരുങ്ങുകയാണ് നടി. വികെ പ്രകാശ് സംവിധാനം ചെയ്യുന്ന പുതിയ ചിത്രത്തിലൂടെയാണ് നടി തിരിച്ചെത്തുന്നത്. മുന്‍പ് കൈരളി ടിവിയുടെ ജെബി ജംഗ്ഷനില്‍ സിനിമാഭിനയത്തിന് ഭര്‍ത്താവ് നല്‍കാറുളള പിന്തുണയെ കുറിച്ച് നടി മനസുതുറന്നിരുന്നു. പെണ്ണുകാണാന്‍ വന്ന സമയത്ത് സംസാരിച്ച കാര്യങ്ങളെല്ലാം നവ്യ തുറന്നുപറഞ്ഞു.

പെണ്ണുകാണാന്‍ അദ്ദേഹം വന്ന സമയത്ത് ചോദിച്ചിരുന്നു വിവാഹ ശേഷം അഭിനയിക്കാന്‍ തന്നെയാണോ പ്ലാന്‍ എന്ന്, നവ്യ പറയുന്നു. എന്നെ കാണാന്‍ വന്ന ദിവസം സന്തോഷേട്ടന്‍ ഇങ്ങോട്ട് ചോദിക്കുകയായിരുന്നു. അപ്പോ അന്ന് പെട്ടെന്ന് അങ്ങനെ ചോദിച്ചപ്പോള്‍ ഒരു മറുപടി കൊടുക്കാന്‍ കഴിഞ്ഞില്ല. എനിക്കറിയില്ലായിരുന്നു ഇനി എങ്ങനെയാണ് മുന്നോട്ട് കാര്യങ്ങളെല്ലാം നടക്കുകയെന്ന്.

സിനിമ പൂര്‍ണമായിട്ട് വിട്ട് വീട്ടില്‍ ഇരിക്കുമ്പോള്‍ എനിക്ക് വല്ലാതെ ഡിപ്രസിംഗ് ആയി അത് ഫീല് ചെയ്യും. ഏതെങ്കിലും തരത്തില്‍ എവിടയെങ്കിലുമൊക്കെ ഈയൊരു ബഹളത്തിനിടില്‍പ്പെട്ട് നില്‍ക്കണമെന്നാണ് ആഗ്രഹം എന്ന് ഞാന്‍ പറഞ്ഞു. അപ്പോള്‍ പുളളി തിരിച്ച് എന്നോട് പറഞ്ഞു. നവ്യ നല്ല കഴിവുളള ആളാണ്.

അപ്പോ ആ ടാലന്റ് വിട്ട് ഒരിക്കലും എന്റെ കാര്യങ്ങള്‍ നോക്കി വീട്ടില്‍ തന്നെ ഇരിക്കാന്‍ ഞാന്‍ പറയില്ല. വല്ലപ്പോഴുമൊക്കെ അതൊക്കെയൊന്ന് പോളിഷ് ചെയ്ത് വീണ്ടും എവിടെയെങ്കിലുമൊക്കെ പ്രസന്റ് ചെയ്താല്‍ സന്തോഷമാവും എന്ന് പറഞ്ഞു. അപ്പോ അങ്ങനെ പറഞ്ഞപ്പോള്‍ പോലും സത്യായിട്ടും വിവാഹത്തിന് മുന്‍പ് പറയുന്നൈാരു കാര്യം വിവാഹത്തിന് ശേഷം പറയുന്നത് ഒരുപോലെയാവണമെന്ന് ഇല്ല.

Recommended Video

സാന്ദ്രയുടെ കുസൃതി കുഞ്ഞുങ്ങളെ കണ്ടോ | FilmiBeat Malayalam

ചിലപ്പോ മാറ്റിപ്പറയാം സ്വാഭാവികമായിട്ടും. അപ്പോ അങ്ങനെ മാറ്റിപറഞ്ഞു എന്ന് വിചാരിച്ച് അത് ചിലപ്പോ എനിക്ക് വേണ്ടാന്ന് വെക്കാനും സാധിക്കില്ല. അപ്പോ ഞാന്‍ എന്തിനും തയ്യാറെടുത്ത് കൊണ്ടാണ് കല്യാണം കഴിച്ചത് അഭിമുഖത്തില്‍ നവ്യാ നായര്‍ പറഞ്ഞു. വീട്ടുകാരുടെ നിര്‍ബന്ധം മാത്രമല്ല കല്യാണത്തിന് കാരണമെന്നും അന്ന് എന്റെ അടുത്ത കുട്ടൂകാരികളുടെയെല്ലാം വിവാഹം കഴിഞ്ഞിരുന്നുവെന്നും അപ്പോള്‍ ഇതാണ് പറ്റിയ സമയമെന്ന് തോന്നിയെന്നും നടി പറഞ്ഞു.