പുറത്താക്കലും വിലക്കുമൊന്നും ലേഡി സൂപ്പര്‍ സ്റ്റാറിനോട് വേണ്ട, മഞ്ജു വാര്യരെ കൈവിടാതെ പ്രേക്ഷകര്‍ !!

പ്രതിസന്ധികളില്‍ തളരാതെ മുന്നോട്ട്

നീണ്ട ഇടവേളയ്ക്ക് ശേഷം റോഷന്‍ ആന്‍ഡ്രൂസ് സംവിധാനം ചെയ്ത ഹൗ ഓള്‍ഡ് ആര്‍ യൂവിലൂടെയാണ് താരം സിനിമയിലേക്ക് എത്തിയത്. സിനിമാ സംഘടന രൂപീകരിക്കുന്നതിന്റെ പേരില്‍ താരത്തെ സിനിമയില്‍ നിന്നും വിലക്കുന്നതിനായി പല തരത്തിലുള്ള ശ്രമങ്ങളാണഅ നടന്നുകൊണ്ടിരിക്കുന്നത്. പ്രതികൂല സാഹചര്യങ്ങളെ അതിജീവിച്ച് മുന്നേറിക്കൊണ്ടിരിക്കുന്ന താരത്തിന് നിരവധി ചിത്രങ്ങള്‍ പൂര്‍ത്തിയാക്കാനുണ്ട്.

സംഘടനാ നേതൃനിരയിലേക്ക്

ഇന്ത്യന്‍ സിനിമയില്‍ത്തന്നെ ഇതാദ്യമായാണ് സിനിമാ മേഖലയില്‍ പ്രവര്‍ത്തിക്കുന്ന വനിതകള്‍ക്കായി സംഘടന രൂപീകരിക്കുന്നത്. മഞ്ജു വാര്യര്‍, പാര്‍വതി, റിമ കല്ലിങ്കല്‍, അഞ്ജലി മേനോന്‍ തുടങ്ങിയവരാണ് ഇതിനു പിന്നില്‍ താരത്തിന് പിന്തുണയുമായുള്ളത്. സംഘടന രൂപീകരിക്കുന്നതിനുള്ള പ്രാരംഭ ഘട്ട നടപടികള്‍ ഇതിനോടകം തന്നെ തുടങ്ങിക്കഴിഞ്ഞു.

സിനിമയില്‍ നിന്നും പുറത്താക്കാന്‍ ശ്രമിക്കുന്നു

സിനിമാ മേഖലയില്‍ത്തന്നെ പല തരത്തിലുള്ള ലോബികള്‍ പ്രവര്‍ത്തിക്കുന്നുണ്ടെന്ന കാര്യം ഇതിനോടകം തന്നെ പ്രേക്ഷകര്‍ക്ക് അറിയാവുന്ന കാര്യമാണ്. അത്തരത്തില്‍ താരത്തെ സിനിമയില്‍ നിന്നും പുറത്താക്കാനുള്ള ശ്രമങ്ങള്‍ നടക്കുന്നുണ്ട്. ഇതിനുള്ള ഏറ്റവും വലിയ ഉദാഹരണമാണ് താരത്തിനെ രണ്ട് സിനിമയില്‍ നിന്നും ഒഴിവാക്കിയത്. നിര്‍മ്മാതാവിന്റെ വാക്കു കേട്ടാണ് പ്രമുഖ സംവിധായകനുള്‍പ്പടെ തന്റെ സിനിമയില്‍ നിന്നും മഞ്ജു വാര്യരെ പുറത്താക്കിയത്.

നീക്കങ്ങള്‍ക്ക് പിന്നില്‍ ദിലീപ്

മുന്‍ഭര്‍ത്താവ് ദിലീപാണ് താരത്തിനെതിരെ പ്രവര്‍ത്തിക്കുന്നതെന്ന തരത്തിലുള്ള പ്രചരണങ്ങളും സജീവമാണ്. മലയാള സിനിമയിലെ നിര്‍മ്മാതാക്കളുടെയും വിതരണക്കാരുടെയും സംഘടനയുടെ നേതൃസ്ഥാനത്ത് ദിലീപാണ്. തിയേറ്റര്ഡ പ്രതിസന്ധിയില്‍ നിന്നും സിനിമയെ കൈ പിടിച്ച് ഉയര്‍ത്തിയത് ദിലീപിന്റെ നേതൃത്വത്തില്‍ രൂപം കൊണ്ട പുതിയ സംഘടനയായിരുന്നു.

പുതുവര്‍ഷത്തില്‍ മികച്ച തുടക്കം

പ്രതികൂല സാഹചര്യങ്ങളെ അതികൂലിച്ച് മുന്നേറിക്കൊണഅടിരിക്കുന്ന താരത്തിന് തിരിച്ചു വരവില്‍ ഹൗ ഓള്‍ഡ് ആര്‍ യൂവിന് ശേഷം വലിയ ഹിറ്റുകള്‍ ലഭിക്കേണ്ടത് അനിവാര്യമായിരുന്ന സമയത്താണ് കെയര്‍ ഓഫ് സൈറാബാനു റിലീസ് ചെയ്തത്. ചിത്രം മികച്ച അഭിപ്രായമാണ് നേടിയത്.

പുറത്തിറങ്ങാനിരിക്കുന്ന ചിത്രങ്ങള്‍

മോഹന്‍ലാല്‍ ബി ഉണ്ണികൃഷ്ണന്‍ കൂട്ടുകെട്ടില്‍ പുറത്തിറങ്ങുന്ന വില്ലന്‍, കമല്‍ സംവിധാനം ചെയ്യുന്ന ആമി, നവാഗതനായ സജീദ് യാഹിയ സംവിധാനം ചെയ്യുന്ന മോഹന്‍ലാല്‍, വി എ ശ്രീകുമാര്‍ മോനോന്റെ ഒടിയന്‍, ബ്രഹമാണ്ഡ ചിത്രം മഹാഭാരതം തുടങ്ങിയ ചിത്രങ്ങളാണ് മഞ്ജു വാര്യരുടേതായി പുറത്തിറങ്ങാനുള്ളത്.

അനുകൂലമായി നില്‍ക്കുന്ന ഘടകങ്ങള്‍

മുന്‍നിര അഭിനേത്രിമാരിലൊരാള്‍ കൂടിയായ മഞ്ജു വാര്യര്‍ക്ക് വന്‍സ്വീകാര്യതയാണ് ലഭിച്ചുകൊണ്ടിരിക്കുന്നത്. മാധവിക്കുട്ടിയുടെ ജീവിതത്തെ അടിസ്ഥാനമാക്കി ഒരുക്കുന്ന ആമിയില്‍ ടൈറ്റില്‍ രോളിലെത്തുന്നത് മഞ്ജു വാര്യരാണ്. ലേഡി സൂപ്പര്‍സ്റ്റാര്‍ പദവിയും സാറ്റലൈറ്റ് സുരക്ഷിതത്വുമാണ് തിയേറ്റര്‍ വിജയവുമാണ് താരത്തിന് അനുകൂലമായി വര്‍ത്തിക്കുന്ന കാരണങ്ങള്‍.

മലയാളത്തിന്റെ ആമിയായി മഞ്ജു വാര്യര്‍

മലയാളികള്‍ക്ക് ഏറെ പ്രിയപ്പെട്ട എഴുത്തുകാരിയായ മാധവിക്കുട്ടിയുടെ ജീവിതത്തെ അടിസ്ഥാനമാക്കി കമല്‍ സംവിധാനം ചെയ്യുന്ന ആമിയില്‍ മാധവിക്കൂട്ടിയായി വേഷമിടു്‌നനത് മഞ്ജു വാര്യരാണ്. ചിത്രത്തിന് വേണ്ടി താരം നടത്തിയ മേക്ക് ഓവറും ഫസ്റ്റ് ലുക്ക് പോസ്റ്ററും ഇതിനോടകം തന്നെ സമൂഹ മാധ്യമങ്ങളിലൂടെ വൈറലായിരുന്നു. പ്രേക്ഷകര്‍ കാത്തിരിപ്പിലാണ് പ്രിയപ്പെട്ട ആമിയായിപ്രിയ താരത്തിന്റെ വരവിനായി.

നായികാ പ്രാധാന്യമുള്ള ചിത്രത്തില്‍

നവാഗതനായ മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ഉദാഹരണം സുജാതയില്‍ കോളനിയില്‍ ജീവിക്കുന്ന സുജാതയായാണ് താരം എത്തുന്നത്. കന്‍മദത്തിന് ശേഷമുള്ള മികച്ച മറ്റൊരു സ്ത്രീകഥാപാത്രമായി ഈ സിനിമ മാറുമെന്ന് ഉറപ്പിക്കാം. 25 കാരിയായ മകളുടെ അമ്മ വേഷത്തിലാണ് താരം ഈ ചിത്രത്തില്‍ പ്രത്യക്ഷപ്പെടുന്നത്.

ലൊക്കേഷന്‍ ചിത്രങ്ങള്‍ വൈറലാവുന്നു

മുന്‍പിതുവരെ കാണാത്ത രൂപഭാവ ഭേദവുമായാണ് ഉദാഹരണം സുജാതയില്‍ താരം പ്രത്യക്ഷപ്പെടുന്നത്. ചിത്രത്തിന്റെ ലൊക്കേഷന്‍ ചിത്രങ്ങള്‍ ഇതിനോടകം തന്നെ സമൂഹ മാധ്യമങ്ങളിലൂടെ ഏറെ ശ്രദ്ധിക്കപ്പെട്ടിരുന്നു.

ലൊക്കേഷനില്‍ ഗീതു മോഹന്‍ദാസ്

ഉദാഹരണം സുജാതയുടെ ലൊക്കേഷനില്‍ മഞ്ജു വാര്യരെ കാണാന്‍ ഗീതു മോഹന്‍ദാസും എത്തിയിരുന്നു. മാര്‍ട്ടിന്‍ പ്രക്കാട്ടും ജോര്‍ജു ജോര്‍ജും ചേര്‍ന്നാണ് ചിത്രം നിര്‍മ്മിക്കുന്നത്. നവാഗതനായ ഫാന്റം പ്രവീണാണ് ചിത്രം സംവിധാനം ചെയ്യുന്നത്.

മേക്കപ്പില്ലാതെ അഭിനയിക്കുന്നു

അപൂൂര്‍വ്വമായി മാത്രമേ താരങ്ങള്‍ മേക്കപ്പ് ഒഴിവാക്കി അഭിനയിക്കാന്‍ തയ്യാറാവാറുള്ളൂ. ഈ സിനിമയ്ക്ക് വേണ്ടി മേക്കപ്പ് വേണ്ടെന്ന് മഞ്ജു വാര്യര്‍ തന്നെ സംവിധായകനോട് ആവശ്യപ്പെടുകയായിരുന്നു. തനി നാടന്‍ ലുക്കില്‍ കോളനി സ്ത്രീയായാണ് മഞ്ജു ഈ സിനിമയില്‍ പ്രത്യക്ഷപ്പെടുന്നത്.

മോഹന്‍ലാല്‍ ആരാധികയായി

ചങ്കല്ല ചങ്കിടിപ്പാണ് മോഹന്‍ലാല്‍ എന്ന ടാഗ് ലൈനുമായി എത്തുന്ന സിനിമയില്‍ മോഹന്‍ലാലിന്റെ കട്ട ഫാനായാണ് താരം പ്രത്യക്ഷപ്പെടുന്നത്. മോഹന്‍ലാലിന്റെ ആദ്യ ചിത്രമായ മഞ്ഞില്‍ വിരിഞ്ഞ പൂക്കള്‍ സിനിമ ിലീസ് ചെയ്ത അതേ ദിവസം തന്നെയാണ് മീനുക്കുട്ടി ജനിക്കുന്നത്. പേരാവട്ടെ ഏയ് ഓട്ടോയിലെ നായികയുടോതും അതു കൊണ്ടു തന്നെ മീനുക്കുട്ടി മോഹന്‍ലാല്‍ ജീവനായി മാറി. ഇന്ദ്രജിത്താണ് ചിത്രത്തുില്‍ നായകനായി എത്തുന്നത്.

മോഹന്‍ലാലിനോടൊപ്പം മൂന്നു സിനിമകള്‍

ബി ഉണ്ണികൃഷ്ണന്‍ ചിത്രമായ വില്ലന്‍, ഒടിയന്‍, മഹാഭാരതം തുടങ്ങിയ ചിത്രങ്ങളില്‍ മോഹന്‍ലാലിനൊപ്പമാണഅ മഞ്ജു വാര്യര്‍ വേഷമിടുന്നത്. പ്രേക്ഷകര്‍ ഏറെ പ്രതീക്ഷയോടെയാണ് ഈ സിനിമകള്‍ക്കായി കാത്തിരിക്കുന്നത്.

വിവാഹിതയാകുന്നുവെന്ന പ്രചരണവും

കൈ നിറയെ സിനിമകളുമായി സിനിമയില്‍ നിറഞ്ഞു നില്‍ക്കുന്ന മഞ്ജു വാര്യര്‍ വീണ്ടും വിവാഹിതയാകുന്നുവെന്നുള്ള തരത്തിലും വാര്‍ത്ത പ്രചരിച്ചിരുന്നു. ദേശീയ മാധ്യമങ്ങളിലടക്കം ഇക്കാര്യം പ്രസിദ്ധീകരിച്ചിരുന്നു. എന്നാല്‍ പാപ്പരാസികളാണ് ഇത്തരമൊരു റിപ്പോര്‍ട്ടിന് പിന്നിലെന്ന് മനസ്സിലാക്കിയതോടെ മാധ്യമങ്ങള്‍ വാര്‍ത്ത പിന്‍വലിച്ചു.