ബോളിവുഡില്‍ കൊണ്ടുപോയി മോശമാക്കിയ തെന്നിന്ത്യന്‍ സിനിമകള്‍ അറിയാമോ? കാണൂ

എക് ദിവാനാ ഝാ

ഗൗതം മേനോന്‍ സംവിധാനം ചെയ്ത വിണ്ണൈത്താണ്ടി വരുവായ എന്ന ചിത്രത്തിന്റെ റീമേക്കായിരുന്നു എക് ദിവാന ഝാ. ഗൗതം മേനോന്‍ തന്നെ സംവിധാനം ചെയ്ത ഹിന്ദി പതിപ്പ് തിയ്യേറ്ററുകളില്‍ പരാജയപ്പെടുകയായിരുന്നു. പ്രതിക് ബബ്ബറും എമി ജാക്‌സണും ആയിരുന്നു സിനിമയില്‍ മുഖ്യ വേഷങ്ങളില്‍ എത്തിയിരുന്നത്. തമിഴില്‍ ലഭിച്ച വരവേല്‍പ്പ് ചിത്രത്തിന്റെ ഹിന്ദി പതിപ്പിന് ലഭിച്ചില്ലായിരുന്നു. സമ്മിശ്ര പ്രതികരണമാണ് എക് ദിവാന ഝാ തിയ്യേറ്ററുകളില്‍ നേടിയത്.

പോലീസ് ഗിരി

ചിയാന്‍ വിക്രമിന്റെ സൂപ്പര്‍ഹിറ്റ് ചിത്രം സാമിയുടെ റീമേക്കായിരുന്നു പോലീസ് ഗിരി .സൂപ്പര്‍താരം സഞ്ജയ് ദത്തായിരുന്നു സിനിമയില്‍ നായക വേഷത്തിലെത്തിയത്. പ്രകാശ് രാജ് വില്ലന്‍ വേഷത്തിലെത്തിയ ചിത്രത്തില്‍ പ്രചി ദേശായി നായികാ വേഷത്തില്‍ എത്തി സിനിമ പ്രതീക്ഷിച്ച വിജയം നേടാനാകാതെ ബോക്‌സ് ഓഫീസില്‍ ദുരന്തമാകുകയായിരുന്നു. വിക്രം തമിഴില്‍ ഉണ്ടാക്കിയ ഓളമൊന്നും സഞ്ജയ് ദത്തിന് ചെയ്യാന്‍ കഴിഞ്ഞില്ല.

ഖട്ട മീത്താ

പ്രിയദര്‍ശന്റെ വെളളാനകളുടെ നാടിന്റെ ബോളിവുഡ് റീമേക്കായിരുന്നു ഖട്ട മീത്താ. മോഹന്‍ലാലിനു പകരം അക്ഷയ്കുമാറായിരുന്നു ഹിന്ദിയില്‍ മുഖ്യ വേഷത്തിലെത്തിയിരുന്നത്. പ്രിയദര്‍ശന്‍ തന്നെ സംവിധാനം ചെയ്ത ചിത്രം ബോളിവുഡിനു വേണ്ട ചില മാറ്റങ്ങളോടെ ചിത്രീകരിച്ചു. കളക്ഷന്‍ നേടിയെങ്കിലും മോശം അഭിപ്രായങ്ങളായിരുന്നു ചിത്രത്തിന് ലഭിച്ചത്. സിനിമാ നിരൂപകര്‍ അടക്കം കുറഞ്ഞ റേറ്റിംഗാണ് സിനിമയ്ക്ക് നല്‍കിയിരുന്നത്.

റണ്‍

ലിങ്കുസാമി സംവിധാനം ചെയ്ത തമിഴ് ബ്ലോക്ക്ബസറ്റര്‍ ചിത്രം റണിന്റെ റീമേക്കായിരുന്നു ഈ ചിത്രം. അതേ ടൈറ്റിലില്‍ തന്നെ പുറത്തിറങ്ങിയ ചിത്രത്തില്‍ അഭിഷേക് ബച്ചനും ഭൂമിക ചൗളയുമായിരുന്നു മുഖ്യ വേഷങ്ങളില്‍ എത്തിയത്. മാധവനും മീരാ ജാസ്മിനും നടത്തിയ പ്രകടനത്തിനൊത്ത് ഉയരാന്‍ ഇവര്‍ക്ക് സാധിച്ചില്ല. റണിന്റെ ഹിന്ദി റീമേക്ക് തിയ്യേറ്ററുകളില്‍ പരാജയപ്പെടുകയാണ് ഉണ്ടായത്.

ക്യോന്‍ കീ

മോഹന്‍ലാലിന്റെ താളവട്ടത്തിന്റെ ബോളിവുഡ് റീമേക്കായിരുന്നു ക്യോന്‍ കീ. പ്രിയദര്‍ശന്‍ തന്നെ സംവിധാനം ചെയ്ത ചിത്രത്തിന് തിയ്യേറ്ററുകളില്‍ വലിയ വിജയമൊന്നും നേടുവാന്‍ സാധിച്ചില്ല. സല്‍മാനും ഖാനും കരീന കപൂറുമായിരുന്നു ചിത്രത്തില്‍ മുഖ്യ വേഷങ്ങളില്‍ എത്തിയിരുന്നത്. ഹിമേഷ് രേഷ്മാനിയ ആയിരുന്നു സിനിമയ്ക്കു വേണ്ടി സംഗീതം ചെയ്തിരുന്നത്.