For Quick Alerts
    ALLOW NOTIFICATIONS  
    For Daily Alerts

    ഒന്നായിട്ട് ഒരു വര്‍ഷം! കുടുംബാംഗങ്ങള്‍ക്കൊപ്പം വിവാഹവാര്‍ഷികം ആഘോഷിച്ച് മൃദുലയും യുവ കൃഷ്ണയും

    |

    മിനിസ്‌ക്രീന്‍ പ്രേക്ഷകരുടെ ഇഷ്ടതാരങ്ങളാണ് മൃദുല വിജയ്‌യും യുവ കൃഷ്ണയും. ഇരുവരും വിവാഹജീവിതത്തിലും ഒന്നിച്ചത് ആരാധകര്‍ക്ക് ഇരട്ടിമധുരമായി. 2021 ജൂലൈ എട്ടിനായിരുന്നു ഇരുവരുടെയും വിവാഹം. കോവിഡ് കാലത്തായിരുന്നു വിവാഹവും വിവാഹനിശ്ചയവുമെല്ലാം നടന്നത്.

    വിവാഹത്തിന് ശേഷമുള്ള ജീവിതത്തിലെ സന്തോഷനിമിഷങ്ങളെല്ലാം മൃദുലയും ഭര്‍ത്താവ് യുവ കൃഷ്ണയും സോഷ്യല്‍ മീഡിയയില്‍ പങ്കുവെക്കാറുണ്ട്. തങ്ങളുടേത് പ്രണയവിവാഹമല്ലെന്നും പൊതുസുഹൃത്തായ രേഖ സതീഷ് വഴിയാണ് ആലോചന വന്നതെന്നും മൃദുല വ്യക്തമാക്കിയിരുന്നു.

    ഇപ്പോഴിതാ തങ്ങളുടെ ജീവിതത്തിലെ പുതിയ അതിഥിയെ കാത്തിരിക്കുകയാണ് യുവയും മൃദുലയും. അടുത്തിടെയാണ് തങ്ങളുടെ ജീവിതത്തിലേക്ക് ഒരു കുഞ്ഞതിഥി കൂടി വരുന്ന താരം ഇരുവരും ആരാധകരെ അറിയിച്ചത്. അമ്മയാകാന്‍ തയ്യാറെടുക്കുന്നതിനാല്‍ അഭിനയത്തില്‍ നിന്ന് മൃദുല ചെറിയൊരു ഇടവേള എടുത്തിട്ടുണ്ട്. ഇനി കുഞ്ഞ് ജനിച്ച് അഞ്ചോ ആറോ മാസത്തിന് ശേഷമേ അഭിനയിക്കാനെത്തൂ.

    കഴിഞ്ഞ എട്ടാം തീയതിയായിരുന്നു ഇരുവരുടെയും ഒന്നാം വിവാഹവാര്‍ഷികം. വിവാഹവാര്‍ഷികദിനത്തില്‍ ഇരുവരും തങ്ങളുടെ സോഷ്യല്‍ മീഡിയ അക്കൗണ്ടുകളില്‍ പോസ്റ്റ് ചെയ്ത കുറിപ്പുകള്‍ ആരാധകര്‍ക്കിടയില്‍ ശ്രദ്ധ നേടിയിരുന്നു.

    ഇദ്ദേഹത്തെ തന്നെ ഭര്‍ത്താവായി തന്നതിന് നന്ദി; 365 ദിവസത്തെ ദാമ്പത്യത്തിന് നന്ദി പറഞ്ഞ് മൃദുലയും യുവകൃഷ്ണയും

    'നല്ലൊരു ജീവിത പങ്കാളിയെ എനിക്ക് തന്നതിന് നന്ദി. പരിശുദ്ധമായ പ്രണയത്തിന്റെയും ആനന്ദത്തിന്റെയും 365 ദിവസങ്ങള്‍. എന്റെ എട്ടായിയ്ക്ക് ഒന്നാം വിവാഹ വാര്‍ഷിക ആശംസകള്‍'.. എന്നായിരുന്നു മൃദുലയുടെ കുറിപ്പ്. യുവയുടെ കൂടെയിരിക്കുന്ന പുതിയ ഫോട്ടോയുമായിട്ടാണ് നടി എത്തിയത്. ഇതേ ചിത്രം പങ്കുവെച്ച് ഭാര്യയ്ക്ക് ആശംസ അറിയിച്ച് യുവയും എത്തി. 'എന്റെ ബെറ്റര്‍ ഹാഫിന് വിവാഹ വാര്‍ഷിക ആശംസകള്‍' എന്നാണ് യുവ എഴുതിയത്.

    അതേസമയം ഒന്നാം വിവാഹവാര്‍ഷികം ആര്‍ഭാടമായിത്തന്നെയാണ് മൃദുലയും യുവയും ആഘോഷിച്ചത്. കുടുംബാംഗങ്ങള്‍ക്കും അടുത്ത സുഹൃത്തുക്കള്‍ക്കുമൊപ്പം കേക്ക് മുറിയ്ക്കുന്നതിന്റെയും സമ്മാനങ്ങള്‍ കൈമാറുന്നതിന്റെയും ചിത്രങ്ങള്‍ ഇരുവരും സമൂഹമാധ്യമങ്ങളില്‍ പങ്കുവെച്ചിരുന്നു.

    'ഈ ലോകത്തില്‍ ഗര്‍ഭിണിയായ ആദ്യ സ്ത്രീ നിങ്ങളാണോ?'; വിദ്വേഷ കമന്റുകള്‍ക്ക് മറുപടിയുമായി നടി മൃദുല വിജയ്

    തൂവെള്ള നിറത്തിലുള്ള വസ്ത്രങ്ങള്‍ അണിഞ്ഞ് കേക്ക് മുറിയ്ക്കാനെത്തിയ ഇരുവരുടെയും ചിത്രങ്ങള്‍ ആരാധകര്‍ ഏറ്റെടുത്തു കഴിഞ്ഞു. വളരെ അടുത്ത സുഹൃത്തുക്കളും ബന്ധുക്കളും മാത്രമാണ് ആഘോഷത്തില്‍ പങ്കെടുക്കാനെത്തിയത്. മൃദുലയുടെ സഹോദരി പാര്‍വ്വതിയും ഭര്‍ത്താവും അവരുടെ കുഞ്ഞും ഒപ്പമുണ്ടായിരുന്നു.

    യുവ നല്‍കിയ സമ്മാനത്തിന്റെ ചിത്രങ്ങളും മൃദുല കഴിഞ്ഞ ദിവസം പങ്കുവച്ചിരുന്നു. പാദസരമാണ് യുവ മൃദുലയ്ക്ക് സമ്മാനമായി നല്‍കിയത്. കാലില്‍ പാദസരമിട്ടിരിക്കുന്ന ചിത്രം മൃദുല കഴിഞ്ഞ ദിവസം ഇന്‍സ്റ്റഗ്രാമില്‍ സ്‌റ്റോറിയായി ഇട്ടിരുന്നു. പുതിയ ചിത്രങ്ങളില്‍ മൃദുലയ്ക്ക് പാദസരം ഇട്ടു നല്‍കുന്ന യുവയേയും കാണാം.

    'ഓവര്‍ മേക്കപ്പും അവിഹിതബന്ധങ്ങളുടെ കഥയുമാണ് ഇന്ന് സീരിയലുകളില്‍'; നല്ല തിരക്കഥകള്‍ ഇല്ലാതായെന്നും മധു മോഹന്‍

    തങ്ങളുടെ വിശേഷങ്ങളെല്ലാം ഇരുവരും യൂട്യൂബ് ചാനലിലൂടെ പങ്കുവയ്ക്കാറുണ്ട്. ഏഴാം മാസത്തില്‍ മൃദുലയെ വീട്ടിലേക്ക് കൊണ്ടുപോകുന്ന ചടങ്ങുകളും താരം യൂട്യൂബിലൂടെ പങ്കുവച്ചിരുന്നു. ഇടയ്ക്ക് ഫോട്ടോഷൂട്ടുകളുമായും താരങ്ങള്‍ എത്താറുണ്ട്. മൃദുലയുടെ ചിത്രങ്ങള്‍ക്കെല്ലാം സോഷ്യല്‍ മീഡിയയില്‍ വലിയ സ്വീകാര്യതയാണ് ലഭിക്കുന്നത്.

    English summary
    Yuva Krishna and Mridhula Vijai celebrate their first wedding anniversary with family
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X