ലാല്‍ മൂലം മമ്മൂക്കയ്ക്ക് ലഭിച്ച ചിത്രം

ഏറെ നാള്‍ നീണ്ടുപോയ മുംബൈ പൊലീസ് എന്ന ചിത്രം വിവാദങ്ങള്‍ക്കും വാക് പോരുകള്‍ക്കുമൊടുവില്‍ സൂപ്പര്‍സ്റ്റാര്‍ മമ്മൂട്ടിയെ നായകനാക്കി ഒരുങ്ങാന്‍ പോവുന്നുവെന്നാണ് റിപ്പോര്‍ട്ട്.

ചിത്രത്തിലേയ്ക്ക് പൃഥ്വിയെ തനിയ്ക്ക് ആവശ്യമില്ലെന്ന് റോഷന്‍ ആന്‍ഡ്രൂസും വ്യക്തമാക്കി കഴിഞ്ഞു. ബോബി-സഞ്ജയ്മാരുടെ തിരക്കഥയിലൊരുങ്ങുന്ന ചിത്രത്തിന്റെ തിരക്കഥ മമ്മൂട്ടിക്കിഷ്ടമായി എന്നും വാര്‍ത്തകളുണ്ട്.

ചിത്രത്തിന്റെ കഥ തങ്ങള്‍ മമ്മൂട്ടിയുമായി പങ്കു വച്ചെന്നും ഷൂട്ടിങ്ങ് തുടങ്ങാനായി താരം കാത്തിരിയ്ക്കുകയാണെന്നുമാണ് തിരക്കഥാകൃത്തുക്കള്‍ പറയുന്നത്. എന്തുവന്നാലും ചിത്രം ഉടനടി തുടങ്ങണമെന്ന അഭിപ്രായമാണ് ബോബി-സഞ്ജന്‍ ടീമിനുള്ളത്.

അടുത്ത വര്‍ഷം പകുതിയോടെ ചിത്രം തീയേറ്ററിലെത്തിയ്ക്കാനുള്ള ഒരുക്കത്തിലാണ് ഇവര്‍. മുംബൈ പൊലീസ് ഇനിയും വിവാദങ്ങളില്‍ പെട്ട് ഉഴലുന്നത് അനുവദിയ്ക്കാനാകില്ലെന്നാണ് ഇവരുടെ നിലപാട്. എന്തായാലും മോഹന്‍ലാലിന്റെ കാസിനോവ വൈകിയത് മമ്മൂട്ടിയെ തുണച്ചുവെന്ന് ചുരുക്കം.

ആദ്യപേജില്‍
മുംബൈ പൊലീസ്: പൃഥ്വിയെ ഔട്ടാക്കിയത് ലാല്‍?