'സ്ത്രീവിരുദ്ധ ഡയലോഗുകള്‍ വേണ്ട!!!' നായികയെ പച്ചമാങ്ങ തീറ്റിച്ച സംവിധായകനെ തിരുത്തി സോഷ്യല്‍ മീഡിയ!!

സ്ത്രീ വിരുദ്ധ പരാമര്‍ശങ്ങള്‍ ചിത്രങ്ങളില്‍ നിന്നും ഒഴിവാക്കണമെന്ന് പറഞ്ഞ സംവിധായകനെ അദ്ദേഹത്തിന്റെ ചിത്രത്തിലെ സ്ത്രീ വരുദ്ധ ഡയലോഗ് ഓര്‍മിക്കുന്ന കമന്റ് ഒരാള്‍ പോസ്റ്റ് ചെയ്തിട്ടുണ്ട്. സാള്‍ട്ട് ആന്‍ഡ് പെപ്പര്‍ എന്ന ചിത്രത്തിലെ ഡയലോഗ് ഇവിടെ ഓര്‍മിപ്പിക്കുന്നുണ്ട്. ലാലിന്റെ കഥാപാത്രം ശ്വേതാ മേനോന്റെ കഥാപാത്രത്തിനോട് പറയുന്ന ഡയലോഗാണത്. കളിക്കല്ലേ കളിച്ചാല്‍ ഞാന്‍ തീറ്റിക്കുമേ പച്ചമാങ്ങ, ഇത് സ്ത്രീ വിരുദ്ധമല്ലേ എന്ന ധ്വനിയുണ്ട് ആ കമന്റില്‍.

ഇത് സ്വന്തം സിനിമകളില്‍ നിന്ന് തന്നെ ആദ്യം തുടങ്ങു എന്നാണ് ഒരാള്‍ ഓര്‍മിപ്പിക്കുന്നത്. ആഷിക് അബു ചിത്രങ്ങളിലും ഇത്തരത്തിലുള്ള സംഭാഷണ രംഗങ്ങളും മറ്റും ഉണ്ടാകുന്നുണ്ടെന്നാണ് പറഞ്ഞുവയ്ക്കുന്നത്. എന്നാല്‍ സ്ത്രീ അനുകൂലമായ ആഷിക് സിനിമകളെ ഓര്‍മിപ്പിച്ച് ഈ കമന്റിന്റെ പ്രതിരോധിക്കുന്നവരും ഉണ്ട്.

ആഷികിന്റെ പ്രസ്താവന ഇരട്ടത്താപ്പാണെന്നും ആരോപണം ഉണ്ട്. ഇത്തരത്തിലുള്ള സ്ത്രീ വിരുദ്ധ പരാമര്‍ശങ്ങള്‍ ലീല പോലൊരു ചിത്രത്തില്‍ ആശാസ്യവും മായമോഹിനിയില്‍ എത്തുമ്പോള്‍ അരോചകവും ആകുന്നത് എങ്ങനെയെന്നാണ് ഒരാളുടെ സംശയം. ചിലര്‍ക്ക് മാത്രം ഇക്കാര്യത്തില്‍ ഇളവുണ്ട് എന്ന തരത്തിലാണ് ആഷികിന്റെ പ്രസ്താവനയെന്നാണ് വിമര്‍ശനം.

സ്ത്രീ വിരുദ്ധമുള്ള പരമാര്‍ശങ്ങള്‍ നടത്തുന്നതില്‍ നിന്നും സംവിധായകരും എഴുത്തുകാരും പിന്മാണമെന്നാണ് ആഷികിന്റെ ആവശ്യം. എന്നാല്‍ ഇക്കാര്യത്തില്‍ കുറ്റക്കാര്‍ സംവിധായകര്‍ മാത്രമല്ല പ്രേക്ഷകരുംകൂടിയാണെന്നാണ് ഒരാളുടെ അഭിപ്രായം. കൈയടിക്കില്ലെന്ന് പ്രേക്ഷകര്‍ തീരുമാനിച്ചാല്‍ മതി. കസബ പോലുള്ള സിനിമയ്ക്ക് കിട്ടിയ കൈയടി കണ്ടാല്‍ തെറ്റ് സിനിമാക്കരുടെ മാത്രമല്ല പ്രേക്ഷകരുടേതുകൂടിയാണെന്ന് മനിലാകുമെന്നും അയാള്‍ പറയുന്നു.

ആഷിക് അബുവിന്റെ ഫേസ്ബുക്ക് പോസ്റ്റിനോട് ചില കൂട്ടിച്ചേര്‍ക്കലുകളും ആരാധകര്‍ നടത്തുന്നുണ്ട്. സാമൂഹിക പ്രസ്‌കതിയുള്ള എത്രയോ വിഷയങ്ങള്‍ കണ്ടില്ലെന്ന് നടിച്ച് തലമുറയെ മറ്റൊരു തരത്തില്‍ തെറ്റിലേക്ക് നയിക്കുന്ന ലഹരി ഉപയോഗ രംഗങ്ങളും അശ്ലീല സംഭാഷണങ്ങളും രംഗങ്ങളും വേണ്ടന്ന് വയ്ക്കാം. അല്ലാതെ സ്ത്രീ വിരുദ്ധത മാത്രം വേണ്ടെന്ന് വച്ചാല്‍ പോരെന്നാണ് അയാളുടെ അഭിപ്രായം.

സിനിമയില്‍ മാത്രമല്ല ഇത്തരം രംഗങ്ങളുടേയും സംഭാഷണങ്ങളുടേയും ഉപയോഗം നടക്കുന്നതെന്നായിരുന്നു ഒരാളുടെ കമന്റ്. ടിവി ചാനലുകളിലെ റിയാലിറ്റി ഷോകളിലും ഇത്തരം സംഭാഷണങ്ങളും നര്‍മ രംഗങ്ങളും ഉണ്ട്. ഇവയും ഒഴിവാക്കണമെന്നായിരുന്നു അദ്ദേഹത്തിന്റെ അഭിപ്രായം.

ആഷിക് അബുവിന്റെ നിലപാടുകളെ അനുകൂലിച്ചും പ്രതികൂലിച്ചുള്ള കമന്റുകളും പോസ്റ്റില്‍ കാണാം. ഈ തീരുമാനം നടപ്പിലാക്കാനുള്ള മനശക്തി ആഷിക് അബുവിന് ഉണ്ടെന്ന് അറിയാവുന്നതിനാല്‍ അഭിനന്ദനം അറിയിച്ചും കമന്റുകള്‍ കാണാം. ആഷികിന്റെ മികച്ച സിനിമകളെ പരാമര്‍ശിക്കാനും ചിലര്‍ ഇടം കണ്ടെത്തി.

ആഷിക് അബുവിന്റെ ഫേസ്ബുക്ക് പോസ്റ്റ് കാണാം.