പുലിമുരുകനും ജോപ്പനും ശേഷം മോഹന്‍ലാലിന്റെയും മമ്മൂട്ടിയുടെയും ചിത്രം വീണ്ടും ഒരേ ദിവസം വരുന്നു?

മമ്മൂട്ടിയുടെ ഗ്രേറ്റ് ഫാദര്‍

മമ്മൂട്ടിയെ നായകനാക്കി നവാഗതനായ ഹനീഫ് അദേനി സംവിധാനം ചെയ്യുന്ന ദ ഗ്രേറ്റ് ഫാദര്‍ എന്ന ചിത്രം ക്രിസ്മസ് ആഘോഷവുമായി ബന്ധപ്പെട്ട് ഡിസംബര്‍ 23 ന് തിയേറ്ററുകളില്‍ എത്തും എന്നാണ് റിപ്പോര്‍ട്ടുകള്‍.

മുന്തിരി വള്ളികള്‍ തളിര്‍ക്കുമ്പോള്‍

മോഹന്‍ലാലിന്റെ മുന്തിരി വള്ളികള്‍ തളിര്‍ക്കുമ്പോള്‍ എന്ന ചിത്രവും ഈ ദിവസം തന്നെ തിയേറ്ററുകളിലെത്തുന്നു എന്നാണ് കേള്‍ക്കുന്നത്. വെള്ളി മൂങ്ങ എന്ന ചിത്രത്തിന് ശേഷം ജിബു ജേക്കബ് സംവിധാനം ചെയ്യുന്ന ചിത്രമാണ് മുന്തിരി വള്ളികള്‍ തളിര്‍ക്കുമ്പോള്‍

നേരത്തെ ഏറ്റുമുട്ടിയത്

ഇതിന് മുമ്പ് ഇങ്ങനെ ഒരു താരയുദ്ധം നടന്നത് 2001 ആഗസ്റ്റ് 31 നാണ്. മോഹന്‍ലാലിന്റെ രാവണപ്രഭവും മമ്മൂട്ടിയുടെ രാക്ഷസ രാജാവും ഒരേ ദിവസം തിയേറ്ററികളിലെത്തി. പതിനഞ്ച് വര്‍ഷങ്ങള്‍ക്ക് ശോഷം പുലിമുരുകന്‍, തോപ്പില്‍ ജോപ്പന്‍ എന്നീ ചിത്രങ്ങളിലൂടെ ചരിത്രം വീണ്ടും ആവര്‍ത്തിച്ചു.

ആര് ജയിക്കും?

നേരത്തെയുള്ള രണ്ട് മത്സരങ്ങളിലും വിജയം മോഹന്‍ലാലിന്റെ പക്ഷത്തായിരുന്നു. മമ്മൂട്ടിയുടെ ചിത്രങ്ങള്‍ മികച്ച അഭിപ്രായങ്ങള്‍ നേടിയെങ്കിലും കലക്ഷന്റെ കാര്യത്തില്‍ മോഹന്‍ലാല്‍ ചിത്രങ്ങള്‍ മുന്നിട്ട് നിന്നു. ദ ഗ്രേറ്റ് ഫാദറും മുന്തിരി വള്ളികള്‍ തളിര്‍ക്കുമ്പോളും ഏറ്റുമുട്ടിയാല്‍ ആര് ജയിക്കും