മാസ്‌ക് ധരിച്ച് ശാലിനിയും അജിത്തും ആശുപത്രിയില്‍? വൈറലാവുന്ന വീഡിയോ കണ്ട് ആരാധകര്‍ക്ക് ഞെട്ടല്‍

ശാലിനിയും അജിത്തും ആശുപത്രിയില്‍

ശാലിനിയും അജിത്തും ആശുപ്രതിയിലെ ജീവനക്കാരോട് സംസാരിക്കുന്നതിന്റെ വീഡിയോയാണ് ഇപ്പോള്‍ സോഷ്യല്‍ മീഡിയയിലൂടെ പ്രചരിക്കുന്നത്. മാസ്‌ക് ധരിച്ചാണ് ഇരുവരും എത്തിയത്. പഴയ വീഡിയോ അല്ല ഇതെന്ന് ആരാധകര്‍ തിരിച്ചറിഞ്ഞതും ഇതുകൊണ്ടാണ്. ആശുപത്രി റിസപക്ഷനില്‍ നിന്നുള്ള ചിത്രങ്ങളും വീഡിയോയുമാണ് പുറത്തുവന്നത്. ഇരുവരും ആശുപത്രിയിലേക്ക് പോയതെന്തിനാണെന്നുള്ള കാര്യങ്ങള്‍ പുറത്തുവന്നിട്ടില്ല.

വീഡിയോ ലീക്കായി

ട്വിറ്ററിലൂടെയായിരുന്നു അജിത്തിന്റേയും ശാലിനിയുടേയും വീഡിയോ പുറത്തുവന്നത്. നിമിഷനേരം കൊണ്ടാണ് വീഡിയോ വൈറലായി മാറിയതും. ഇതോടെയാണ് ആരാധകര്‍ ഇവരുടെ വരവിന് പിന്നിലെ കാരണത്തെക്കുറിച്ച് ചോദിച്ചെത്തിയത്. അത്തരത്തിലുള്ള കാര്യങ്ങളൊന്നും പുറത്തുവന്നിട്ടില്ല. ഇവരോട് അടുത്ത വൃത്തങ്ങള്‍ വൈകാതെ തന്നെ പ്രതികരണവുമായെത്തുമെന്ന പ്രതീക്ഷയിലാണ് എല്ലാവരും.

ആരാധകര്‍ക്ക് ആശങ്ക

ഫാന്‍സ് അസോസിയേഷനില്‍ താല്‍പര്യമില്ലെന്ന് വ്യക്തമാക്കിയ താരമാണ് അജിത്. ദീനയില്‍ അഭിനയിച്ചതോടെയായിരുന്നു താരത്തിന് തലയെന്ന ഓമനപ്പേര് വീണത്. താരജാഡകളൊന്നുമില്ലാതെ ലളിത ജീവിതം ഇഷ്ടപ്പെടുന്നയാളാണ് താരം. പ്രഖ്യാപനം മുതല്‍ത്തന്നെ താരത്തിന്റെ സിനിമകള്‍ വാര്‍ത്തകളില്‍ നിറയാറുണ്ട്. അടുത്തിടെ താരത്തിന് പരിക്കേറ്റുവെന്നറിഞ്ഞപ്പോള്‍ ആരാധകര്‍ തിരിച്ചുവരവിനായി പ്രാര്‍ത്ഥിച്ചിരുന്നു. അജിത്തിന്റേയും ശാലിനിയുടേയുമൊക്കെ പിറന്നാള്‍ ആരാധകരും ആഘോഷമാക്കി മാറ്റിയിരുന്നു.

അടുത്ത സിനിമ

വാലിമൈ എന്ന ചിത്രത്തില്‍ അഭിനയിച്ച് വരികയായിരുന്നു അജിത്. അതിനിടയിലായിരുന്നു ലോക് ഡൗണ്‍ പ്രഖ്യാപിച്ചത്. സിനിമയ്ക്ക് പിന്നിലും മുന്നിലുമായി അണിനിരക്കുന്നവരുടെ ആരോഗ്യത്തിന് പ്രാധാന്യം നല്‍കണമെന്നായിരുന്നു സംവിധായകനും നിര്‍മ്മാതാവും തീരുമാനിച്ചത്. എച്ച് വിനോദ് സംവിധാനം ചെയ്യുന്ന സിനിമ നിര്‍മ്മിക്കുന്നത് ബോണി കപൂറാണ്.