മണിക്കുട്ടൻ ആഴ്ചയിൽ വാങ്ങുന്നത് അരലക്ഷം, ഏറ്റവും കുറവ് സായിക്ക്, താരങ്ങളുടെ പ്രതിഫലം സത്യമോ

മികച്ച പ്രതിഫലമാണ് ബിഗ് ബോസ് മത്സരാർഥികൾക്ക് നൽകുന്നത്. ഇതിനെ കുറിച്ച് താരങ്ങൾ തന്നെ പല അഭിമുഖങ്ങളിലും വെളിപ്പെടുത്തിയിട്ടുണ്ട്. ഇപ്പോൾ സോഷ്യൽ മീഡിയയിൽ വൈറലാകുന്നത് ബിഗ് ബോസ് സീസൺ 3യുടെ ഫൈനലിസ്റ്റുകളുടെ പ്രതിഫലത്തെ കുറിച്ചാണ്. എന്നാൽ ഇതൊരു ഔദ്യോഗിക റിപ്പോർട്ട് അല്ല. ബിഗ് ബോസ് മലയാളം അണിയറ പ്രവർത്തകർ മത്സരാർഥികളുടെ പ്രതിഫലം വെളിപ്പെടുത്തി കൊണ്ടുള്ള റിപ്പോർട്ട് പറത്ത് വിട്ടിട്ടില്ല.

ഇപ്പോൾ പ്രചരിക്കുന്ന റിപ്പോർട്ടിൽ ഏറ്റവും കൂടുതൽ പ്രതിഫലം ലഭിക്കുന്നത് നടൻ മണിക്കുട്ടനാണ്. 50,000 രൂപയാണ് ഒരാഴ്ച നടന് ലഭിക്കുന്ന ശമ്പളം. പിന്നീട് ഏറ്റവും കൂടുതൽ പ്രതിഫലം ലഭിക്കുന്നത് നോബിക്കാണ്. പുറത്ത് വന്ന റിപ്പോർട്ട് പ്രകാരം 40,000 രൂപയാണ് നോബിക്ക് ആഴ്ചയിൽ ലഭിക്കുന്നത്.

ഫൈനൽ 8 ൽ ഉണ്ടായിരുന്ന മത്സരാർഥികളായ ഋതു മന്ത്ര, റംസാൻ, കിടിലൻ ഫിറോസ്, അനൂപ് എന്നിവർക്ക് 35000 രൂപയാണ് ആഴ്ചയിൽ ലഭിക്കുന്നത്. ഏറ്റവും കുറവ് പ്രതിഫലംലഭിക്കുന്നത് സായി വിഷ്ണുവിനും ഡിംപലിനുമാണ്. പുറത്തു വന്ന റിപ്പോർട്ട് പ്രകാരം 30,000 രൂപയാണ് ഇരുവർക്കും ലഭിക്കുന്നത്. മലയാളി പ്രേക്ഷകരുടെ ഇടയിൽ പുതുമുഖങ്ങളായിരുന്നു സായിയും ഡിംപലും. എന്നാൽ ഇപ്പോൾ പ്രേക്ഷകരുടെ പ്രിയപ്പെട്ട താരങ്ങളാണിവർ.

Recommended Video

Bigg Boss Malayalam Season: Why Manikuttan Will Win The Season 3 Title With A Big Margin?

ബിഗ് ബോസ് സീസൺ 3 യുടെ ഫിനാലെയ്ക്ക് വേണ്ടി കാത്തിരിക്കുകയാണ് പ്രേക്ഷകർ. വോട്ടിംഗ് അവസാനിച്ചിട്ടും ഫിനാലെയെ കുറിച്ചുള്ള ഔദ്യോഗിക പ്രഖ്യാപനം ഇതുവരെയുണ്ടായിട്ടില്ല. പ്രേക്ഷകർ ആകാംക്ഷയോടെ കാത്തിരിക്കുകയാണ്. വിജയിയെ അറിയാനായി. ഒരാഴ്ചത്തെ വോട്ടിംഗ് ആയിരുന്നു ബിഗ് ബോസ് നടത്തിയത്. തിങ്കളാഴ്ച രാത്രി തുടങ്ങിയ വോട്ടിംഗ് ശനിയാഴ്ച രാത്രി 12 മണിവരെയായിരുന്നു. വോട്ടിംഗ് അവസാനിച്ചതിന് പിന്നാലെ അനൗദ്യോഗികമായ വോട്ടിംഗ് കണക്കുകൾ പുറത്തു വന്നിരുന്നു. പുറത്ത് വന്ന കണക്ക് പ്രകാരം മണിക്കുട്ടനായിരുന്നു ആദ്യ സ്ഥാനത്ത്, രണ്ടാം സ്ഥാനത്ത് സായി, മൂന്നാം സ്ഥാനത്ത് ഡിംപൽ എന്നിവരുടെ പേരുകളാണ് പ്രചരിക്കുന്നത്. ഫിനാലെ നടന്നാൽ മാത്രമേ കൃത്യമായ വിവരം ലഭിക്കുകയുള്ളൂ.