പുറത്തു പോയ രമ്യ പണിക്കർ വീണ്ടും ബിഗ് ബോസ് ഹൗസിൽ, ഷോയിൽ വൻ ട്വിസ്റ്റ്...

ബിഗ് ബോസ് ഹൗസിൽ നിന്ന് പുറത്തായ രമ്യ പണിക്കരാണ് വീണ്ടും വൈൽഡ് കാർഡിലൂടെ എത്തുന്നതെന്നാണ് ഇപ്പോൾ പുറത്തു വരുന്ന റിപ്പോർട്ട്. രമ്യയോടൊപ്പം മറ്റൊരു വ്യക്തിയും ഹൗസിലെത്തുന്നുണ്ട്. എന്നാൽ ആരാണ് എന്നത് വ്യക്തമല്ല. എന്നാൽ ഇരുവരും ക്വാറന്റൈനിലാണെന്നും ഉടൻ തന്നെ ഹൗസിനുളളിൽ എത്തുമെന്നും റിപ്പോർട്ട് പ്രചരിക്കുന്നുണ്ട്. എന്നാൽ ഔദ്യോഗിക പ്രഖ്യാപനം ഇതുവരെയുണ്ടായിട്ടില്ല.

രണ്ടാഴ്ച മാത്രമായിരുന്നു രമ്യ ഹൗസിൽ നിന്നത്. ഗെയിമിൽ സജീവമായി വന്നപ്പോഴാണ് നടി പുറത്ത് പോകുന്നത്. ടാസിക്കിലും ഹൗസിലും സജീവമായിരുന്നു. ഫിറോസ് ഖാനുമായുള്ള പ്രശ്നം കൺഫെഷൻ റൂമിൽ വരെ എത്തിയിരുന്നു. കൂടാതെ തനിക്ക് പറയാനുള്ളത് സൗഹൃദം നോക്കാതെ തുറന്നു പറയാറുമുണ്ടായിരുന്നു. ബിഗ് ബോസ് ഹൗസിലെ സൈലന്റ് മത്സരാർഥിയായിരുന്നില്ല രമ്യ.

വന്നതിന് ശേഷമുളള ആദ്യത്തെ നോമിനേഷനിൽ തന്നെ രമ്യയുടെ പേര് ഇടം പിടിച്ചിരുന്നു. ഋതു മന്ത്ര, കിടിലൻ ഫിറോസ്, സന്ധ്യ, അഡോണി എന്നിവരാണ് രമ്യയെ നോമിനേറ്റ് ചെയ്തത്. വീണ്ടും ഷോയിൽ വന്നാൽ അത്ര വേഗം രമ്യ പുറത്ത് പോകില്ലെന്നാണ് ആരാധകർ പറയുന്നത്. പുറത്തു വന്ന റിപ്പോർട്ട് സത്യമായാൽ ബിഗ് ബോസ് ഷോയുടെ കളി തന്നെ മാറും. ഷോ അതിീന്റെ അവസാനത്തിലേയ്ക്ക് തീങ്ങിമ്പോൾ ഫുൾ ആക്ടീവാണ് മത്സരാർഥികൾ.‌‌

Recommended Video

Pradeep Chandran Exclusive Interview | നോബിയോ മണിക്കുട്ടനോ ജയിക്കണം FilmiBeat Malayalam

കഴിഞ്ഞ ദിവസം മോർണിംഗ് ആക്ടിവിറ്റിക്കിടെ സന്ധ്യ രമ്യ മടങ്ങി വരണമെന്നുള്ളആഗ്രഹം പ്രകടിപ്പിച്ചിരുന്നു. സന്ധ്യ തന്നെയായിരുന്നു രമ്യയെ നേമിനേറ്റ് ചെയ്തതും. പ്രേക്ഷകർ ആകാംക്ഷയോടെയണ വാരാന്ത്യം എപ്പിസോഡിനായി കാത്തിരിക്കുന്നത്. സംഭവ ബഹുലമായിരുന്നു ഈ പോയ വാരം.നിരവധി നാടകീയ സംഭവങ്ങൾ ഹൗസിൽ നടന്നിരുന്നു.