അയാളെ ഞാൻ കൈയോടെ പിടിച്ചു!! രൺബീറുമായുളള പ്രണയ തകർച്ചയ്ക്ക് കാരണം ഇത്, ദീപിക പറയുന്നു

വഞ്ചിക്കപ്പെട്ടു

മുൻപ് ഒരു ബോളിവുഡ് മാധ്യമത്തിനു നൽകിയ അഭിമുഖത്തിലായിരുന്നു ദീപിക പ്രണയ തകർച്ചയെ കുറിച്ച് തുറന്നടിച്ചത്. ഇന്ന് രൺബീർ ആലിയ പ്രണയം പൂത്തുലയുമ്പോൾ ദീപികയുടെ ഈ വാക്കുകൾ ചർച്ചയാകുകയാണ്. പ്രണയത്തിൽ താൻ നൂറ് ശതമാനം ആത്മാർത്ഥത പുലർത്തിയെങ്കിലും വഞ്ചിക്കപ്പെട്ടു. ദീപികയുടെ ഈ അഭിപ്രായം വിരൽ ചൂണ്ടുന്നത് രൺബീറിനു നേരെയാണ്.

ലൈംഗീകത എന്നാൽ ശരീരമായിരുന്നില്ല

തന്നെ സംബന്ധിച്ചടത്തോളം ലൈംഗീകതയെന്നാൽ ശരീരമല്ല. അത് മാനസികമായിരുന്നു. അതു കൊണ്ട് തന്നെ താൻ ആരോയും വഞ്ചിച്ചിട്ടില്ലെന്ന് ഉറപ്പിച്ച് പറയാൻ സാധിക്കും. എന്നാൽ താൻ റിലേഷൻ ഷിപ്പിൽ ഒരു അബദ്ധം കാണിച്ചുവെന്നും ദീപിക വെളിപ്പെടുത്തി.

സെക്കൻഡ് ചാൻസ് കൊടുത്തു

അയാൾക്ക് വീണ്ടും ഒരു സെക്കൻഡ് ചാൻസ് കൊടുത്തതാണ് ഞാൻ ചെയ്ത ഏറ്റവും വലിയ തെറ്റ്. അയാൾ എന്റെ മുന്നിൽ കറഞ്ഞ് താഴ്മയായി യാചിച്ചു. അതിൽ താൻ വീഴുകയായിരുന്നു. അത് ഞാൻ എടുത്ത തെറ്റായ തീരുമാനമായിരുന്നെന്നും ദീപിക പറഞ്ഞു. എന്നാൽ അയാളെ വീണ്ടും തെളിവോട് കൂടി പിടികൂടുകയായിരുന്നു. അത് എന്നെ മാനസികമായി തകർത്തിരുന്നു. ആ ദുഃഖത്തിൽ നിന്ന് കരകയറാൻ സമയമെടുത്തു. ആ കപ്പൽ കരവിട്ടുവെന്നും ദീപിക പറഞ്ഞു.

കത്രീനയുമായി ബന്ധം

കത്രീനയുമായുള്ള ബന്ധമാണ് ദീപിക രൺബീർ പ്രണയ തകർച്ചയുടെ പ്രധാന കാരണം. ഇപ്പോഴും മാനസികമായി കത്രീനയോട് ദീപിക അകലം പാലിക്കുന്നുണ്ട്. അത് പല അവസരത്തിലും ദീപിക പ്രകടമാക്കിയിട്ടുമുണ്ട്. അതേസമയം കത്രീന രൺബീർ ബന്ധം വിവാഹത്തിന്റെ വക്കോളമെത്തിയിരുന്നു. എന്നാൽ 2017 ൽ ആ ബന്ധം തകരുകയായിരുന്നു. അതിനു ശേഷമാണ് ആലിയയുമായി പ്രണയത്തിലാകുന്നത്.