പതിവ് പോലെ നസ്‌റിയ നസീമിന്റെയും ഫഹദ് ഫാസിലിന്റെയും പുതിയ ഫോട്ടോയും ഫേസ്ബുക്കില്‍ വൈറലാകുന്നു. നസ്‌റിയ തടിച്ചതും മെലിഞ്ഞതുമൊന്നുമല്ല ഇപ്പോഴത്തെ പ്രശ്‌നം. ഈ ഫോട്ടോയില്‍ പാപ്പരാസികള്‍ പുതിയ പ്രശ്‌നം കണ്ടു പിടിച്ചിട്ടുണ്ട്.
ഫോര്‍ട്ട് കൊച്ചിയിലെ ഫ്രാഗ്‌റാന്റ് നാച്വര്‍ ഹോട്ടല്‍ ആന്റ് റസ്‌റ്റോറന്റില്‍ വന്നപ്പോള്‍ അവിടെയുള്ള സ്റ്റാഫുകള്‍ക്കൊപ്പം നിന്നെടുത്ത ഒരു ഗ്രൂപ്പ് ഫോട്ടോയാണ് വിഷയം. ദേ ചുവടെ കാണുന്ന ഈ ഫോട്ടോ.
ഈ ചിത്രത്തില്‍ മുട്ടോളമുള്ള ഉടുപ്പാണ് നസ്‌റിയ ധരിച്ചിരിയ്ക്കുന്നത്. അതിനെയാണ് വിമര്‍ശിക്കുന്നത്. ഇത് നസ്‌റിയ തന്നെയാണോ എന്ന് ചിലര്‍ ചോദിയ്ക്കുമ്പോള്‍ മറ്റു ചിലര്‍ മോശമായ രീതിയില്‍ കമന്റടിയ്ക്കുന്നു.
സിനിമയില്‍ നിന്ന് വിട്ടു നില്‍ക്കുകയാണെങ്കിലും നസ്‌റിയ നസീമിനിപ്പോഴും ആരാധകര്‍ കുറവൊന്നുമല്ല. നസ്‌റിയ നസീം തടിച്ചു, വെളുത്തു തുടങ്ങിയ വിഷയങ്ങളൊക്കെയായി സോഷ്യല്‍ മീഡിയയില്‍ എപ്പോഴും നസ്‌റിയയുടെ പേരും സജീവമാണ്.
