നടി ചന്ദ്ര ലക്ഷ്മണ്‍ വിവാഹിതയാവുന്നു? വരനെ കുറിച്ചുള്ള സൂചനകളാണോ നടി പങ്കുവെച്ചതെന്ന് ആരാധകരും

പലപ്പോഴായി ഒന്ന് രണ്ട് റിലേഷന്‍ ഉണ്ടായിരുന്നു. അതൊന്നും വര്‍ക്കൗട്ട് ആയില്ല. പക്ഷേ ഇപ്പോഴും ഞങ്ങള്‍ നല്ല സുഹൃത്തുക്കളാണ്. പിന്നെ ആളുകള്‍ പറയും പോലെയല്ലല്ലോ ജീവിക്കേണ്ടത്. വിവാഹവും അങ്ങനെ തന്നെയാണ്. എനിക്ക് തോന്നുമ്പോള്‍ അത് സംഭവിക്കും എന്നുമായിരുന്നു നേരത്തെ വിവാഹത്തെ കുറിച്ച് ചന്ദ്ര ലക്ഷ്മണന്‍ പറഞ്ഞിരുന്നത്. 20-25 വയസിനുള്ളില്‍ വിവാഹം കഴിക്കണമെന്ന് പറയുന്നതിനോട് തനിക്ക് യോജിപ്പില്ലെന്നും അന്ന് നടി പറഞ്ഞിരുന്നു. ഇപ്പോള്‍ ആരാധകര്‍ ചൂണ്ടി കാണിക്കുന്ന ലക്ഷണങ്ങള്‍ വിവാഹ സൂചനയാണോ എന്ന സംശയമാണ് ബാക്കി.

സാരി ഉടുത്ത് നില്‍ക്കുന്നൊരു ചിത്രമായിരുന്നു സമൂഹ മാധ്യമത്തിലൂടെ ചന്ദ്ര ലക്ഷ്മണ്‍ പങ്കുവെച്ചത്. നമ്മള്‍ എങ്ങനെയുള്ള ആളെയാണോ വിവാഹം കഴിക്കാന്‍ ആഗ്രഹിക്കുന്നത് അങ്ങനെയുള്ള ഒരാളായി ചിലര്‍ മാറി കൊണ്ടിരിക്കുന്നു എന്ന ക്യാപ്ഷനായിരുന്നു ഫോട്ടോയ്ക്ക് താഴെ നടി കൊടുത്തത്. മൂണ്‍ ഗേള്‍, ശക്തയായ സ്ത്രീ, ജീവിതം മനോഹരമാണ് എന്നിങ്ങനെയുള്ള ഹാഷ് ടാഗുകളും നടി കൊടുത്തിരുന്നു. ഇതിനര്‍ഥം നടിയുടെ വിവാഹത്തെ കുറിച്ചാണോ എന്നായിരുന്നു പലരും ചോദിച്ചത്. ഇക്കാര്യത്തെ കുറിച്ച് കൂടുതല്‍ വെളിപ്പെടുത്തലുകളൊന്നും ചന്ദ്ര നല്‍കിയിട്ടില്ല.

ചന്ദ്ര ലക്ഷ്മണ്‍ മലയാള സിനിമയില്‍ അഭിനയിച്ചിട്ട് 9 വര്‍ഷമായി. തമിഴില്‍ രണ്ട് വര്‍ഷവും. മലയാളത്തില്‍ മഴയറിയാതെ എന്ന സീരിയലിലാണ് അവസാനം അഭിനയിച്ചത്. ആ സമയത്ത് തമിഴില്‍ തിരക്കായിരുന്നു. രണ്ട് മൂന്ന് പ്രോജക്ട് ഉണ്ടായിരുന്നു. എല്ലാം ഹിറ്റായിരുന്നു. അന്ന് തെലുങ്കിലും അഭിനയിക്കുന്നുണ്ടായിരുന്നു. അതാണ് മലയാളത്തില്‍ നിന്നും വിട്ട് നിന്നതിന് കാരണമെന്ന് അടുത്തിടെ ഒരു അഭിമുഖത്തില്‍ നടി പറഞ്ഞിരുന്നു. അല്ലാതെ മനപൂര്‍വ്വം ഒരു ഇടവേള എടുത്തതല്ല. തമിഴില്‍ 2017 ലാണ് അവസാനമായി അഭിനയിച്ചത്.

തമിഴില്‍ നിന്നും മലയാളത്തില്‍ നിന്നും തെലുങ്കില്‍ നിന്നും ഓഫറുകള്‍ വന്നെങ്കിലും പറ്റിയ റോളുകള്‍ കിട്ടിയില്ല. അപ്പോഴെക്കും പുതിയ ആളുകള്‍ ധാരാളം വന്നിരുന്നു. അങ്ങനെ ഇടവേള വീണ്ടും നീണ്ടു. ഇനി സിനിമയില്‍ മതി ഒരു റി എന്‍ട്രി എന്നാണ് കരുതുന്നത്. സീരിയല്‍ തല്‍കാലം മാറ്റി വച്ചിരിക്കുന്നു. മലയാളത്തില്‍ മികച്ച ഒരു കഥാപാത്രത്തിലൂടെ തിരിച്ച് വരാന്‍ കൊതിക്കുന്നുണ്ടെന്നും ചന്ദ്ര ലക്ഷ്മണ്‍ വ്യക്തമാക്കിയിരുന്നു. അതിനൊപ്പം ചന്ദ്ര ലക്ഷ്മണ്‍ അമേരിക്കയില്‍ ഭര്‍ത്താവിന്റെ പീഡനം സഹിച്ച് ജീവിക്കുന്നു എന്നൊക്കെയുള്ള വ്യാജ വാര്‍ത്തകളില്‍ സത്യമില്ലെന്നും നടി പറഞ്ഞിരുന്നു.