കുത്തിവെപ്പിലൂടെ പെട്ടെന്ന് വണ്ണം കുറയും, പക്ഷെ പ്രശ്നമുണ്ട്; പ്രിയങ്കയും ഒസംപിക് ഉപയോ​ഗിക്കുന്നോ?

ബോളിവുഡ് താരങ്ങൾക്കിടയിൽ ഒസംപിക് ഉപയോ​ഗം കൂടി വരുന്നു എന്ന് കഴിഞ്ഞ കുറേ നാളുകളായി അഭിപ്രായമുണ്ട്. ഡയബറ്രിസലിനുള്ള ഈ മരുന്ന് വണ്ണം കുറയ്ക്കാൻ ഉപയോ​ഗിക്കാറുണ്ട്. ബോളിവുഡ് താരങ്ങൾ അടുത്തിടെ വലിയ തോതിൽ വണ്ണം കുറച്ചതിന് പിന്നിൽ ഒസംപിക് ഉപയോ​ഗമാണെന്നാണ് സംസാരം. കരൺ ജോഹർ. പ്രിയങ്ക ചോപ്ര എന്നിവർക്ക് വന്ന മാറ്റമാണ് നെറ്റിസൺസ് ചൂണ്ടിക്കാട്ടുന്നത്. ഈ മരുന്ന് ഉപയോ​ഗിക്കില്ലെന്ന് കരൺ വ്യക്തമാക്കിയി‌ട്ടുണ്ട്. എന്നാൽ പ്രിയങ്ക ചോപ്രയുടെ കാര്യത്തിൽ അഭ്യൂഹം നിലനിൽക്കുന്നു.

അതേസമയം പെട്ടെന്ന് ഒരു കുത്തിവെപ്പിലൂടെ വണ്ണം കുറയ്ക്കുന്നത് ശ്വാശതമായ പരിഹാരമല്ല. ഈ രീതിക്ക് സെെഡ് എഫക്ടുണ്ടാകാനും സാധ്യതയുണ്ട്. ഈ മരുന്നിനൊപ്പം ലെെഫ് സ്റ്റെെലിലും മാറ്റം വരുത്തേണ്ടതുണ്ട്. വെയിറ്റ് ട്രെയിനിം​ഗും ചെയ്യണം. ആവശ്യമായ പ്രോട്ടീൻ ശരീരത്തിലെത്തുകയും വേണം. കാരണം ഒസംപിക് ഷോട്ടുകൾ എടുക്കുമ്പോൾ മസിൽ ലോസ് ഉണ്ടാകും. തുടക്കത്തിൽ ഒസംപിക് ഉപയോ​ഗത്തിന്റെ സെെഡ് എഫക്ടുകൾ പ്രകടമാകില്ലെന്നാണ് വിദ​ഗ്ദർ പറയുന്നത്. വൊമിറ്റിം​ഗ് ആണ് സാധാരണയുണ്ടാകുന്ന പ്രശ്നങ്ങളിലൊന്ന്. കൃത്യമായ മെഡിക്കൽ നിർദ്ദേശങ്ങൾ പാലിച്ച് ഒസംപിക് ഉപയോ​ഗിച്ചില്ലെങ്കിൽ ദഹനസംബന്ധമായ പ്രശ്നങ്ങളും കണ്ണിന് പ്രശ്നങ്ങളും ഉണ്ടായേക്കും.

അതേസമയം ഒസംപിക് കാെണ്ട് ​ഗുണങ്ങളുമുണ്ട്. ബ്ലഡ് ഷു​ഗർ കൺട്രോൾ, ഹൃദയാഘാതത്തിനുള്ള സാധ്യത കുറയ്ക്കുന്നു, ടെെപ് 2 പ്രമേഹ രോ​ഗികളിൽ ഹൃദയാരോ​ഗ്യം മെച്ചപ്പെടുത്തുന്നു, കിഡ്നി രോ​ഗങ്ങൾക്കുള്ള സാധ്യത കുറയ്ക്കുന്നു എന്നിവയാണ് ​ഗുണങ്ങൾ. ഭക്ഷണം കഴിച്ച ശേഷം ശരീരത്തിൽ റിലീസ് ചെയ്യുന്ന ജിഎൽപി 1 എന്ന ഹോർമണിനെ പോലെ പ്രവർത്തിക്കുകയാണ് ഒസംപിക് ചെയ്യുന്നത്. രക്തത്തിലെ പഞ്ചസാരയുടെ അളവ് നിയന്ത്രിക്കുകയും വയറ് നിറഞ്ഞെന്ന തോന്നലുണ്ടാക്കുകയും ചെയ്യുന്നതാണ് ഈ ഹോർമോൺ.

പ്രിയങ്ക ചോപ്രയും ഒസംപിക് ഉപയോ​ഗിച്ചെന്ന വാദം

43 കാരിയാണ് പ്രിയങ്ക ചോപ്ര. അടുത്ത കാലത്തായി നടി വല്ലാതെ വണ്ണം കുറച്ചു. തന്റെ ഇരുപതുകളിലെ ഫിറ്റ്നെസ് പ്രിയങ്ക ചോപ്ര തിരിച്ച് പിടിച്ചെന്നാണ് ആരാധകർ പറയുന്നത്. എന്നാൽ ഈ മാറ്റത്തിന് കാരണം ഒസംപിക് ഉപയോ​ഗമാണെന്ന വാദം ശക്തമാണ്. ഹോളിവുഡിൽ നിരവധി താരങ്ങൾ വണ്ണം കുറയ്ക്കാൻ ഈ മരുന്ന് ആശ്രയിക്കുന്നുണ്ട്. തന്റെ സൗന്ദര്യത്തിന് പ്രിയങ്ക ചോപ്ര എന്നും പ്രാധാന്യം നൽകിയിട്ടുണ്ട്.

കരിയറിലെ തുടക്ക കാലത്താണ് നടി മൂക്കിന് കോസ്മെറ്റിക് സർജറി ചെയ്യുന്നത്. ഈ സർജറി പാളിപ്പോയതോടെ പ്രിയങ്കയുടെ കരിയർ തന്നെ അപകടത്തിലായി. പ്രിയങ്കയെ നായികയാക്കാൻ തീരുമാനിച്ച പല ഫിലിം മേക്കേർസും തീരുമാനം മാറ്റി. രണ്ടാമത് സർജറി ചെയ്താണ് പ്രിയങ്ക ഈ പിഴവ് തിരുത്തിയത്. ഒസംപിക് ഉപയോ​ഗിക്കുന്നുണ്ടെന്ന് പ്രിയങ്ക ചോപ്ര ഇതുവരെയും എവിടെയും പറഞ്ഞിട്ടില്ല.

പോപ് ​ഗായകനായ നിക് ജോനാസിനും മകൾക്കുമൊപ്പം അമേരിക്കയിലാണ് പ്രിയങ്ക ചോപ്ര ഇന്ന് കഴിയുന്നത്. ബോളിവുഡിലെ മുൻനിര താരമായിരുന്ന പ്രിയങ്ക ചോപ്ര പിന്നീട് ഹോളിവുഡിലേക്ക് ശ്രദ്ധ തിരിക്കുകയായിരുന്നു. ഹിന്ദി സിനിമകളിൽ നടിയെ ഇന്ന് കാണാറില്ല. 2019 ൽ പുറത്തിറങ്ങിയ സ്കെെ ഈസ് പിങ്ക് ആണ് പ്രിയങ്ക ചോപ്ര അവസാനം അഭിനയിച്ച ബോളിവുഡ് ചിത്രം. ജീ ലേ സരാ എന്ന ഹിന്ദി ചിത്രം പ്രഖ്യാപിച്ചെങ്കിലും ഈ പ്രൊജക്ട് ഇതുവരെ മുന്നോട്ട് നീങ്ങിയിട്ടില്ല. രാജമൗലിയുടെ പുതിയ ചിത്രത്തിൽ പ്രിയങ്ക പ്രധാന വേഷങ്ങളിലൊന്ന് ചെയ്യുന്നുണ്ട്. മഹേഷ് ബാബു നായകനാകുന്ന ചിത്രത്തിൽ പൃഥ്വിരാജും അഭിനയിക്കുന്നുണ്ട്. സിനിമയുടെ ചിത്രീകരണം നടന്ന് കൊണ്ടിരിക്കുകയാണ്.