ദിലീപിനെ അറസ്റ്റ് ചെയ്തതില്‍ ദുല്‍ഖറും പ്രതികരിച്ചു, തെറ്റ് ചെയ്തവര്‍ ശിക്ഷിക്കപ്പെടണം!!

ഞാനാളല്ല

നടി ആക്രമിക്കപ്പെട്ടതിനെ കുറിച്ചും ദിലീപ് അറസ്റ്റിലായതിനെ കുറിച്ചും ചോദിച്ചപ്പോള്‍, ഈ സംഭവത്തെ കുറിച്ച് പറയാന്‍ താന്‍ ആളല്ല എന്നായിരുന്നുവത്രെ ദുല്‍ഖര്‍ സല്‍മാന്റെ ആദ്യ പ്രതികരണം.

കുറ്റം ചെയ്തവര്‍ ശിക്ഷിക്കപ്പെടട്ടെ

കുറ്റം ചെയ്തവര്‍ ആരായാലും ശിക്ഷിക്കപ്പെടട്ട എന്ന് പറഞ്ഞ താരപുത്രന്‍, നിരപരാധികള്‍ ആരും തന്നെ ശിക്ഷിക്കപ്പെടരുത് എന്നാണ് തന്റെ ആഗ്രഹം എന്നും പ്രതികരിച്ചു. കോടതിയുടെ നീതി പൂര്‍വ്വമായുള്ള വിധിക്ക് ഞാനും കാത്തിരിയ്ക്കുന്നു എന്ന് ദുല്‍ഖര്‍ പറഞ്ഞു.

ജയസൂര്യയുടെ പ്രതികരണം

ദിലീപ് ആക്രമിയ്ക്കപ്പെട്ട സംഭവത്തില്‍ പ്രതികരണം ചോദിക്കുമ്പോള്‍ പല താരങ്ങളും ഒഴിഞ്ഞു മാറുകയാണ്. നടന്‍ ജയസൂര്യയോട് പ്രതികരണം ആരാഞ്ഞപ്പോള്‍ അദ്ദേഹം മാധ്യമങ്ങള്‍ക്ക് മുന്‍പില്‍ കൈകൂപ്പി കാണിച്ചു.

ആസിഫ് അലി പറഞ്ഞത്

തുടക്കത്തില്‍ ദിലീപിനെതിരെ ശക്തമായി പ്രതികരിച്ച നടനാണ് ആസിഫ് അലി. തന്റെ സുഹൃത്തിനെ ആക്രമിച്ച നടനൊപ്പം ഇനി അഭിനയിക്കില്ല എന്ന് പോലും ആസിഫ് പറഞ്ഞിരുന്നു. എന്നാല്‍ മണിക്കൂറുകള്‍ക്കകം ആസിഫ് അത് തിരുത്തി. ദിലീപേട്ടനൊപ്പം എന്നാണ് പിന്നെ പറഞ്ഞത്.

പൃഥ്വിയ്ക്ക് ഒരു അഭിപ്രായം

തുടക്കം മുതല്‍ പൃഥ്വിരാജ് തന്റെ നിലപാടില്‍ ഉറച്ചു നിന്നു. നടിയെ ആക്രമിച്ചവര്‍ ആരായാലും ശിക്ഷിക്കപ്പെടണം എന്നാണ് പൃഥ്വി പറഞ്ഞത്. അറസ്റ്റിലായ പശ്ചാത്തലത്തില്‍ ദിലീപിനെ അമ്മയില്‍ നിന്ന് പുറത്താക്കാന്‍ മുന്‍കൈ എടുത്തത് പൃഥ്വിയാണെന്നും വാര്‍ത്തകളുണ്ട്.