ലച്ചുവിനും റോവിനും ഇതെന്തുപറ്റി? നിങ്ങള്‍ ബ്രേക്കപ്പ് ആയോ? സംശയങ്ങളുമായി ആരാധകര്‍!

റോവിനുമായി പ്രണയത്തിലാണ്

റോവിനുമായി പ്രണയത്തിലാണ് ജൂഹിയെന്ന തരത്തിലുള്ള റിപ്പോര്‍ട്ടുകള്‍ നേരത്തെ പ്രചരിച്ചിരുന്നു. അടുത്തിടെ ഇരുവരും ഇത് സ്ഥിരീകരിക്കുകയായിരുന്നു. ഉപ്പും മുളകും സംവിധായകന്റെ സിനിമയ്ക്കായി ഇരുവരും ഒരുമിച്ചെത്തിയിരുന്നു. പരമ്പരയിലെ താരങ്ങള്‍ക്കും അണിയറപ്രവര്‍ത്തകര്‍ക്കുമൊക്കെ ജൂഹി റോവിനെ പരിചയപ്പെടുത്തുകയായിരുന്നു. പെര്‍ഫെക്ട് സ്‌ട്രേഞ്ചേഴ്‌സ് എന്ന തന്റെ യൂട്യൂബ് ചാനലിനായി റോവിനൊപ്പം നടത്തിയ തിരുനെല്ലി യാത്രയുടെ വീഡിയോയും ജൂഹി പങ്കുവെച്ചിരുന്നു.

വിവാഹം ഒരു വര്‍ഷത്തിന് ശേഷം

ഒരുവര്‍ഷത്തിന് ശേഷമായാണ് വിവാഹമെന്നും അതിന് മുന്‍പ് തീര്‍ക്കേണ്ട കുറച്ച് കാര്യങ്ങളുണ്ടെന്നുമായിരുന്നു ഇരുവരും പറഞ്ഞത്. തുടക്കത്തില്‍ ചില എതിര്‍പ്പുകളൊക്കെയുണ്ടായിരുന്നുവെങ്കിലും പിന്നീട് വീട്ടുകാര്‍ തന്‍രെ തീരുമാനത്തിന് പിന്തുണ അറിയിക്കുകയായിരുന്നുവെന്ന് റോവിന്‍ പറഞ്ഞിരുന്നു.

പൊതുവേദിയിലും ചാനല്‍ പരിപാടിയിലും

പൊതുവേദിയില്‍ മാത്രമല്ല ചാനല്‍ പരിപാടിയിലും ഇരുവരും ഒരുമിച്ച് പങ്കെടുത്തിരുന്നു. ഒന്നും ഒന്നും മൂന്നിലേക്ക് എത്തിയപ്പോഴായിരുന്നു പ്രണയത്തെക്കുറിച്ച് കൂടുതല്‍ കാര്യങ്ങള്‍ വെളിപ്പെടുത്തിയത്. തങ്ങളുടെ വിവാഹക്ഷണക്കത്ത് വരെ പുറത്തുവന്നിരുന്നുവെന്നും സോഷ്യല്‍ മീഡിയയിലൂടെ വ്യാജപ്രചാരണങ്ങള്‍ നടന്നിരുന്നുവെന്നും ഇരുവരും പറഞ്ഞിരുന്നു.

ലൈക്കുകള്‍ അപ്രത്യക്ഷം

നേരത്തെ പല പോസ്റ്റുകള്‍ക്കും ഇരുവരും ലൈക്കും ലവ് റിയാക്ഷനുമൊക്കെ നല്‍കിയിരുന്നു. ഇരുവരും ഫോളോ ചെയ്യുന്നുമുണ്ടായിരുന്നു. ഫോളോവ്‌ഴ്‌സ് ലിസ്റ്റില്‍ നിന്നും അപ്രത്യക്ഷരായിരിക്കുകയാണ് ഇരുവരും. ചെറിയൊരു ഇടവേളയ്ക്ക് ശേഷം പൂര്‍വ്വാധികം ശക്തിയോടെ ഇരുവരും തിരിച്ചെത്തിയേക്കുമെന്നുള്ള അനുമാനത്തിലാണ് ആരാധകര്‍.

തിരിച്ചുവരവിനായി കാത്തിരിക്കുന്നു

ഉപ്പും മുളകിലും ഇല്ലെങ്കിലും ജൂഹിയുടെ വിശേഷങ്ങള്‍ക്കായി കാത്തിരിക്കാറുണ്ട് പ്രേക്ഷകര്‍. പരിപാടിയിലേക്ക് വല്ലപ്പോഴും വന്നൂടേയെന്ന തരത്തിലുള്ള ചോദ്യങ്ങളും സജീവമായിരുന്നു. ഇടയ്ക്ക് യൂട്യൂബ് ചാനലുമായെത്തിയപ്പോള്‍ ശക്തമായ പിന്തുണയായിരുന്നു ആരാധകര്‍ താരത്തിന് നല്‍കിയത്.